spot_img
Homeຂ່າວພາຍ​ໃນລາວ-ຮົງກົງ ຫາລືເສີມຂະຫຍາຍການຮ່ວມມືດ້ານເສດຖະກິດ-ການຄ້າ

ລາວ-ຮົງກົງ ຫາລືເສີມຂະຫຍາຍການຮ່ວມມືດ້ານເສດຖະກິດ-ການຄ້າ

Published on

ວັນທີ 11 ທັນວາ 2023 ທີ່ກະຊວງອຸດສາຫະກຳ ແລະ ການຄ້າ (ອຄ) ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ພົບປະກັບ ທ່ານ Yau Ying Wah ລັດຖະມົນຕີກະຊວງເສດຖະກິດ-ການຄ້າ ແລະ ທ່ານ HUI Ching Yu ລັດຖະມົນຕີກະຊວງການເງິນ ເຂດປົກຄອງພິເສດ ຮົງກົງ ສປ.ຈີນ ເພື່ອປືກສາຫາລືເສີມຂະຫຍາຍການຮ່ວມມືດ້ານເສດຖະກິດ ການຄ້າ ແລະ ການລົງທຶນຂອງສອງຝ່າຍລະຫວ່າງລາວ-ຮົງກົງ ກໍຄື ສປ ຈີນ ໂດຍສະເພາະການຫາລືເຂົ້າເປັນຄູ່ຮ່ວມມືເສດຖະກິດຮອບດ້ານກັບຮົງກົງ ໃນຂອບ RCEP ແລະ ການຊຸກຍູ້ສົ່ງເສີມເປັນປະທານອາຊຽນຂອງ ສປປ ລາວ ໃນປີ 2024.

ການພົບປະຄັ້ງນີ້ສອງຝ່າຍໄດ້ສະເໜີຫຼາຍບັນຫາແລກປ່ຽນເຊິ່ງກັນ ແລະ ກັນ ເພື່ອເສີມຂະຫຍາຍ ແລະ ພັດທະນາເສດຖະກິດ ການຄ້າ ແລະ ການລົງທຶນ ເພີ່ມມູນຄ່າການຄ້າຮ່ວມກັນ ເຊິ່ງໃນປີ 2022 ຜ່ານມາ ສອງຝ່າຍໄດ້ມີການຄ້າ ແລະ ການລົງທຶນຮ່ວມກັນ ເຊິ່ງລວມມີມູນຄ່າ 100 ລ້ານກວ່າໂດລາສະຫະລັດ ຫຼຸດຈາກປີ 2021 ປະມານ 12,55% ຈັດເປັນຄູ່ຄ້າອັນດັບທີ 12 ຂອງຄູ່ຄ້າຕ່າງປະເທດກັບລາວ ແລະ ການລົງທຶນປີ 2022 ມີ 55 ໂຄງການ ມີມູນຄ່າການລົງທຶນ 644 ລ້ານໂດລາສະຫະລັດ ຈັດເປັນອັນດັບ 7 ຂອງການລົງທຶນຕ່າງປະເທດຢູ່ລາວ.

ນອກນີ້ ສອງຝ່າຍຍັງໄດ້ຫາລືການສືບຕໍ່ຮ່ວມມືຊ່ວຍເຫຼືອສະໜັບສະໜູນ ກ່ຽວກັບການສະເໜີບົດໂຄງການ ພາຍໃຕ້ສັນຍາເຂດການຄ້າເສລີ ອາຊຽນ-ຮົງກົງ ໃນອານາ ຄົດ ແລະ ການປັບປຸງສັນຍາ ຮ່ວມມື (AHKFTA) ສະເໜີການສືບຕໍ່ສືກສາຄວາມເປັນໄປໄດ້ໃນການແຕ່ງຕັ້ງ ທີ່ປືກສາເສດຖະກິດ-ການຄ້າ ຂອງສອງຝ່າຍ ເພື່ອເສີມຂະຫຍາຍການຮ່ວມມືດ້ານເສດຖະກິດການຄ້າ ແລະ ການລົງທຶນ ໃຫ້ມີຜົນສຳ ເລັດຫຼາຍຂຶ້ນ ເຊິ່ງປັດຈຸບັນກຳລັງຢູ່ໃນຂັ້ນຕອນຂອງການນຳສະເໜີຫາກະຊວງການຕ່າງປະເທດ ເພື່ອຂໍຄຳເຫັນ ແລະ ໃຫ້ທິດຊີ້ນຳກ່ຽວກັບທີ່ປືກສາເສດຖະກິດ-ການຄ້າຢ່າງລະອຽດຕື່ມອີກ.

ແຫຼງ່ຂ່າວ ວຽງຈັນໃໝ່

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...