spot_img
Homeຂ່າວພາຍ​ໃນຄະນະສະເພາະກິດ ກວດພົບຮ້ານເປົ້າໝາຍທີ່ລະເມີດລະບຽບການ 8 ຮ້ານ

ຄະນະສະເພາະກິດ ກວດພົບຮ້ານເປົ້າໝາຍທີ່ລະເມີດລະບຽບການ 8 ຮ້ານ

Published on

ຄະນະສະເພາະກິດ ແກ້ໄຂສຽງດັງເນື່ອງນັນ (ຈຸ 3) ປະຈຳເມືອງສີສັດຕະນາກ ແລະ ເມືອງຫາດຊາຍຟອງ ນະຄອນຫຼວງວຽງຈັນ ກວດກາຕົວຈິງພົບເຫັນຮ້ານເປົ້າໝາຍທີ່ລະເມີດລະບຽບການທັງໝົດ 8 ຮ້ານ ແລະ ໄດ້ເຮັດບັນທຶກປັບໄໝຕາມລະບຽບ ແລະ ໄດ້ອອກໜັງສືແຈ້ງເຊີນໃຫ້ເຈົ້າຂອງທຸລະກິດໄປເສຍຄ່າປັບໄໝຢູ່ກອງບັນຊາ ການ ປກສ.ນວ ຕາມລະບຽບການ.

ໃນວັນທີ 9-10 ທັນວາ 2023 ຜ່ານມາ ຄະນະສະເພາະກິດ ແກ້ໄຂສຽງດັງເນື່ອງນັນ (ຈຸ 3) ປະຈຳເມືອງສີສັດຕະນາກ ແລະ ເມືອງຫາດຊາຍຟອງ ນະຄອນຫຼວງວຽງຈັນ ນຳໂດຍ ທ່ານ ແກ້ວວິ ໄລສັກ ແສນສັກດາ ຮອງຫົວໜ້າພະແນກຖະແຫຼງຂ່າວ ວັດ ທະນະທຳ ແລະ ທ່ອງທ່ຽວ ນະຄອນຫຼວງ ວຽງຈັນ (ຖວທ.ນວ) ຫົວໜ້າຈຸ 3 ພ້ອມເຈົ້າ ໜ້າທີ່ຕຳຫຼວດ ປກສ.ນວ ປກສ ເມືອງ ຫ້ອງການ ຖວທ ເມືອງ ໄດ້ລົງຕິດຕາມ ກວດກາ ແລະ ແກ້ໄຂສຽງດັ່ງເນື່ອງນັນ ຢູ່ບັນດາຮ້ານອາຫານ ແລະ ຮ້ານບັນ ເທີງຢູ່ 2 ເມືອງດັ່ງກ່າວ.

ຜ່ານການລົງກວດກາຕົວຈິງ ພົບເຫັນຮ້ານເປົ້າໝາຍທີ່ລະເມີດລະບຽບການທັງໝົດ 8 ຮ້ານ ໃນນັ້ນ ເມືອງສີສັດຕະນາກ 4 ຮ້ານ (ຮ້ານອາຫານເສືອໄຟ ຮ້ານອາຫານບໍ່ມີວັນລືມ ຮ້ານອາຫານເບຊິກ ແລະ ຮ້ານບັນເທີງໂລມີໂອ) ເມືອງຫາດຊາຍຟອງ 4 ຮ້ານ (ຮ້ານອາຫານປາກເຊ 3 ຮ້ານອາຫານຮັບຊັບ ຮ້ານ ອາຫານປະກາຍເພັດ ແລະ ຮ້ານບັນເທີງແບັກແມນ)

ສຳລັບ ຮ້ານອາຫານ ແລະ ຮ້ານບັນເທີງ 8 ຮ້ານນີ້ ແມ່ນໄດ້ເຮັດບັນທຶກປັບໄໝຕາມລະບຽບ ແລະ ໄດ້ອອກໜັງສືແຈ້ງເຊີນໃຫ້ເຈົ້າຂອງທຸລະກິດໄປເສຍຄ່າປັບໄໝຢູ່ກອງບັນຊາການ ປກສ.ນວ ຕາມລະບຽບ ສໍາລັບບັນຫາທີ່ພົບເຫັນ ເຈົ້າຂອງຮ້ານອາຫານບໍ່ມີໃບອະນຸຍາດດໍາເນີນທຸລະກິດ ເປີດເຄື່ອງສຽງກາຍໂມງ ເປີດເຄື່ອງສຽງເກີນກໍານົດ 80 ເດຊີເບວ ສະຖານທີ່ຈອດລົດບໍ່ມີ ແລະ ຮ້ານບັນເທີງເປີດບໍລິການກາຍໂມງທີ່ທາງການກຳນົດເວລາໄວ້.

ທ່ານ ແກ້ວວິໄລສັກ ແສນສັກດາ ກ່າວວ່າ: ການລົງເຄື່ອນໄຫວວຽກງານຄັ້ງນີ້ ແມ່ນອີງຕາມຂໍ້ຕົກ ລົງຂອງເຈົ້າຄອງນະຄອນຫຼວງວຽງຈັນ ເລກທີ 940/ຈນວ ວ່າດ້ວຍການແຕ່ງຕັ້ງຄະນະຮັບຜິດຊອບ ຕິດຕາມ ກວດກາ ແລະ ແກ້ໄຂສຽງດັ່ງເນື່ອງນັນ ໃນທຸລະກິດຮ້ານອາຫານ ແລະ ຮ້ານບັນເທີງ ໃນນະຄອນຫຼວງວຽງຈັນ ເພື່ອແກ້ໄຂບັນດາຮ້ານອາຫານ ແລະ ຮ້ານບັນເທີງ ທີ່ດຳເນີນທຸລະກິດຜິດລະບຽບຄື: ບໍ່ມີໃບອະ ນຸຍາດດຳເນີນທຸລະກິດຮ້ານອາຫານ ແລະ ຮ້ານບັນເທີງ ເປີດບໍລິການກາຍໂມງ ເສບດົນຕຣີ-ເປີດເຄື່ອງສຽງດັງເກີນ 80 ເດຊີເບວ ເສບດົນຕຣີ-ເປີດເຄື່ອງສຽງກາຍໂມງ ແລະ ມີສຽງດັ່ງເນື່ອງນັນ.

ທີ່ມາ:ວຽງຈັນໃໝ່

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...