ທາງການຟິລິບປິນ ເລີ່ມອົບພະຍົບປະຊາຊົນອອກຈາກທີ່ສ່ຽງໄພພາຍຸຮາກູປິດ ທີ່ອາດຈະພັດຖະຫລົ່ມຊາຍຝັ່ງ
ດ້ານຕາເວັນອອກຂອງປະເທດໃນໄວໆນີ້.
ສຳນັກຂ່າວຕ່າງປະເທດລາຍງານ ໃນວັນທີ 4 ທັນວານີ້ວ່າ ພາຍຸໄຕ້ຝຸ່ນຮາກູປິດ ຈະເຄື່ອນມາທາງພາກຕາເວັນຕົກ
ສ່ຽງເໜືອ ເຂົ້າສູ່ພື້ນທີ່ທາງພາກຕາເວັນອອກຂອງເມືອງວິສະຍາ ປະເທດຟິລິບປິນ ເຊິ່ງເປັນພື້ນທີ່ທີ່ເຄີຍໄດ້ຮັບ
ຜົນກະທົບຈາກພາຍຸໄຫໜານ ເມື່ອປີທີ່ຜ່ານມາ, ລ່າສຸດທາງການໄດ້ເລີ່ມກຽມອົບພະຍົບປະຊາຊົນອອກຈາກພື້ນ
ທີ່ສ່ຽງໄພແລ້ວ ໂດຍພາຍຸລູກດັ່ງກ່າວນີ້ ຈະມີຄວາມໄວລົມຢູ່ທີ 140 ກິໂລແມັດຕໍ່ຊົ່ວໂມງ ແລະ ສາມາດເພີ່ມຄວາມ
ໄວຂຶ້ນສູງເຖິງ 170 ກິໂລແມັດຕໍ່ຊົ່ວໂມງ ຫາກບໍ່ມີການປ່ຽນແປງເສັ້ນທາງໄປຍັງປະເທດຍີ່ປຸ່ນແລ້ວ ຈະເຮັດໃຫ້ພາ
ຍຸລູກດັ່ງກ່າວ ສົ່ງຜົນໃຫ້ເກີດດິນຖະຫລົ່ມໃນພື້ນທີ່ເມືອງວິສາຍາໄດ້.
ທັງນີ້, ອິດທິພົນຈາກພາຍຸຮາກຸປິດ ຈະສົ່ງຜົນໃຫ້ນ້ຳທະເລສູງຂຶ້ນໄດ້ເຖິງ 4 ແມັດ ເຊິ່ງສູງເທົ່າກັບຕຶກ 1 ຊັ້ນ ແລະ
ເປັນອັນຕະລາຍຕໍ່ປະຊາຊົນ.