ຈາກເຫດນາງງາມທ່ານໜຶ່ງຂັບຂີ່ລົດໃຫຍ່ມາຕຳກັບແມ່ມານທີ່ຂີ່ລົດຈັດອອກມາຈາກໄຟອຳນາດ ຢູ່ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ ເຮັດໃຫ້ເປັນປະເດັນໃນສັງຄົມອອນລາຍ ໂດຍສ່ວນໃຫຍ່ກໍສະແດງຄວາມຄິດເຫັນວ່າລົດໃຫຍ່ແມ່ນຜິດ.
ຫຼ້າສຸດ ທາງ Miss Grand Laos ໄດ້ອອກມາໂພສຜ່ານເພຈເຟສບຸກກ່ຽວກັບເຫດດັ່ງກ່າວແລ້ວວ່າ ຜ່ານຄຳເຫັນວິຊາການຄົ້ນຄວ້າຂອງ ກອງບັນຊາການ ປກສ ເມືອງຈັນທະບູລີ ໄດ້ລາຍງານວ່າ ຜູ້ທີ່ຂັບຂີ່ລົດຈັກແມ່ນມີຄວາມຜິດໃນທາງກົດຈາລະຈອນ ເຖິງ 6 ມາດຕາ ຄື ບໍ່ໃສ່ໝວກກັນກະທົບ, ແລ່ນຄວາມໄວເກີນກຳນົດ, ບໍ່ມີປະກັນໄພລົດ, ບໍ່ມີໃບຂັບຂີ່ຍານພະຫະນະ, ບໍ່ປະຕິບັດຕາມສັນຍານຈະລາຈອນ, ລະເມີດກົດລະບຽບຈະລາຈອນທີ່ພາໃຫ້ເກີດອຸບັດຕິເຫດ.
ສ່ວນກໍລະນີຂັບລົດໃຫຍ່ແມ່ນມີຄວາມຜິດພຽງ 1 ມາດຕາຄື ແລ່ນລົດດ້ວຍຄວາມໄວເກີນກຳນົດ.
ທັ້ງນີ້ ແມ່ມານ ຫຼື ຜູ້ຂັບຂີ່ລົດຈັກ ໄດ້ອອກມາແກ້ຂ່າວວ່າ ໃນເບື້ອງຕົ້ນຕົນບໍ່ແນ່ໃຈວ່າ ຕົນເປັນຄົນຜິດ ຫຼື ຖືກ ແຕ່ພາຍຫຼັງຜົນການຕັດສິນຂອງເຈົ້າໜ້າທີ່ອອກມາ ຈຶ່ງຍອມຮັບວ່າເປັນຜູ້ລະເມີດກົດຈະລາຈອນ ແລະ ໃຫ້ຢຸດເຊົາການໂຈມຕີໃສ່ຮ້າຍຄູ່ກໍລະນີ.
ແມ່ມານ ຍັງບອກຕື່ມວ່າ ຄູ່ກໍລະນີໄດ້ພາຕົນໄປໂຮງໝໍ ກວດສຸຂະພາບ ຜ່ານການກວດຈາກໂຮງໝໍກໍພົບວ່າ ຕົນ ແລະ ລູກໃນທ້ອງແມ່ນປອດໄພ ບໍ່ໄດ້ຮັບຜົນກະທົບຫຍັງ.
