spot_img
Homeຂ່າວຢາເສບຕິດປກສ ບໍລິການປະຊາຊົນ ຈຸດທີ V ເມືອງຊະນະສົມບູນທໍາລາຍຕົ້ນກະທ້ອມ

ປກສ ບໍລິການປະຊາຊົນ ຈຸດທີ V ເມືອງຊະນະສົມບູນທໍາລາຍຕົ້ນກະທ້ອມ

Published on

ການປະຕິບັດງານໃນຄັ້ງນີ້ແມ່ນອີງຕາມຄໍາສັ່ງຂອງອົງການໄອຍະການປະຊາຊົນສູງສຸດສະບັບເລກທີ 006/ອອປສ, ລົງວັນທີ30 ມີນາ 2023, ອີງຕາມກົດໝາຍວ່າດ້ວຍການດຳເນີນຄະດີອາຍາສະບັບປັບປຸງປີ 2017, ປະມວນກົດໝາຍອາຍາສະບັບປີ 2017 ມາດຕາ 314, 325; ອີງຕາມ ຄໍາສັ່ງ ແລະ ຄວາມເຫັນດີເປັນເອກະພາບຂອງຄະນະພັກ, ຄະນະບັນຊາກອງບັນຊາການປ້ອງກັນຄວາມສະຫງົບ ເມືອງຊະນະສົມບູນ, ຍ້ອນຄວາມບໍ່ເປັນລະບຽບຮຽບຮ້ອຍຂອງສັງຄົມທີ່ເກີດຂື້ນໃນຂອບເຂດຄວາມຮັບຜິດຊອບຂອງປກສ ບໍລິການປະຊາຊົນຈຸດທີ V ມີການມົ້ວສຸມກິນດື່ມໃບ ແລະ ນ້ຳກະທ້ອມເຮັດໃຫ້ມີປະກົດການຫຍໍ້ທໍ້ຫຼາຍຢ່າງທີ່ຕາມມາ.

ໃນຄັ້ງວັນທີ29 ມີຖຸນາ 2023 ຜ່ານມາ, ພະນັກງານວິຊາສະເພາະ ປກສ ບໍລິການປະຊາຊົນຈຸດທີ V ສົບທົບກັບ ອຳນາດການປົກຄອງບ້ານໂຢງ ເມືອງຊະນະສົມບູນ ແຂວງຈຳປາສັກ ລົງກວດກາຕົວຈິງ ຈຶ່ງໄດ້ພົບເຫັນຕົ້ນກະທ້ອມທີ່ປະຊາຊົນປູກໄວ້ຈໍານວນ 4 ຕົ້ນຢູ່ 3 ຈຸດຄື: ຈຸດທີ1 ແມ່ນຢູ່ບໍລິເວນເຮືອນຂອງ ທ້າວ ວອນ ອາຍຸ 55 ປີ ອາຊີບຊາວນາ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 1 ຕົ້ນ ສູງປະມານ 10 m ຮອບວົງຕົ້ນປະມານ 40 cm.
• ຈຸດ 02 ແມ່ນຢູ່ບໍລິເວນດິນເຮືອນຂອງ ນາງ ຂໍ ອາຍຸ 58 ປີອາຊີບຊາວນາ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 1 ຕົ້ນ ສູງປະມານ 2,5 m ຮອບວົງຕົ້ນປະມານ 30cm.
• ຈຸດທີ່03 ພົບເຫັນຢູ່ບໍລິເວນເຮືອນຂອງ ທ້າວແດງ ແກ້ວສຸລິນ ອາຍຸ 60 ປີ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 02 ຕົ້ນ ສູງ 1,5 m ຮອບວົງຕົ້ນປະມາບ 6 cm.

ຕໍ່ກັບບັນຫາດັ່ງກ່າວທາງຫ້ອງການ ປກສ ບໍລິການປະຊາຊົນຈຸດທີV ກໍ່ໄດ້ ຮີບຮ້ອນໃຈຫາວິທີທາງແກ້ໄຂ ແລະ ໄດ້ລາຍງານໃຫ້ຄະນະພັກ ຄະນະບັນຊາ ຫົວໜ້າກອງບັນຊາການ ປ້ອງກັນຄວາມສະຫງົບເມືອງຊະນະສົມບູນຮັບຊາບເພື່ອຂໍທິດຊີ້ນຳ. ຕໍ່ມາທາງຄະນະກອງບັນຊາການ ກໍ່ໄດ້ຕົກລົງເຫັນດີ ໃຫ້ທຳລາຍຕົ້ນກະທ້ອມຈໍານວນດັ່ງກ່າວ ໂດຍມອບໃຫ້ຫ້ອງການ ປກສ ບໍລິການປະຊາຊົນຈຸດ V ລົງຈັດຕັ້ງປະຕິບັດ ເຊິ່ງມາຮອດຕອນເຊົ້າວັນທີ 29 ສິງຫາ 2023 ນີ້ ຈິ່ງໄດ້ລົງມືປະຕິບັດຕົວຈິງ ເຊິ່ງນໍາພາໂດຍທ່ານ ພັທ ຂວັນໄຊ ສີພັນດວງ ຫົວໜ້າ ປກສ ບໍລິການປະຊາຊົນຈຸດທີ V ພ້ອມດ້ວຍຄະນະ ແລະ ໜ່ວຍງານ-ວິຊາການ, ທ່ານ ສຸວິນັນ ເພັງແດງ ນາຍບ້ານໆໂຢງ ພ້ອມຄະນະ ແລະ ໜ່ວຍງານ ປກຊ – ປກສ ບ້ານໂຢງ.

ໃນການທໍາລາຍຕົ້ນກະທ້ອມຄັ້ງນີ້ ຄະນະກໍ່ສ້າງຮາກຖານຈາກແຂວງ ທີ່ລົງມາຊ່ວຍວຽກຮອບດ້ານຢູ່ເມືອງຊະນະສົມບູນ ເຊິ່ງນໍາໂດຍ ທ່ານ ຄໍາສີ ຫຼິນສະຫວາດ ຫົວໜ້າຄະນະກໍ່ສ້າງຮາກຖານຂັ້ນແຂວງ ປະຈໍາເມືອງດັ່ງກ່າວ ພ້ອມດ້ວຍຄະນະ ຍັງໄດ້ຮ່ວມຕິດຕາມການປະຕິບັດງານໃນຄັ້ງນີ້. ຕາມການໃຫ້ຂໍ້ມູນຈາກທ່ານ ພັຕ ພູວັນ ອີນທອງໄຊ ຮອງຫົວໜ້າຫ້ອງການ ປກສ ບໍລິການປະຊາຊົນ ຈຸດທີV ຜ່ານມາແມ່ນໄດ້ສຶກສາອົບຮົມກຸ່ມຄົນທີ່ດື່ມນໍ້າໃບກະທ້ອມ ຈໍານວນ 7 ຄົນ ພ້ອມນັ້ນຍັງໄດ້ຕິດຕາມສະພາບປະກົດການຫຍໍ້ທໍ້ດັ່ງກ່າວໃນເຂດຄວາມຮັບຜິດຊອບຂອງຕົນຢ່າງຕໍ່ເນື່ອງ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...