spot_img
Homeຂ່າວພາຍ​ໃນລາວ-ຈີນ ເປີດໂຄງການຜ່າຕັດໃຫ້ເດັກນ້ອຍທີ່ເປັນພະຍາດຫົວໃຈໂດຍບໍ່ເສຍຄ່າ

ລາວ-ຈີນ ເປີດໂຄງການຜ່າຕັດໃຫ້ເດັກນ້ອຍທີ່ເປັນພະຍາດຫົວໃຈໂດຍບໍ່ເສຍຄ່າ

Published on

ພິທີເປີດໂຄງການ ຜ່າຕັດໃຫ້ເດັກນ້ອຍ ທີ່ເປັນພະຍາດຫົວໃຈ ໂດຍບໍ່ເສຍຄ່າ ໄດ້ຈັດຂຶ້ນເມື່ອວັນທີ 20 ມິຖຸນາ 2023, ຢູ່ໂຮງໝໍມະໂຫສົດ ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມຂອງທ່ານບຸນແຝງພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ທ່ານ ຈ້າວ ເຫວິນຢູ ທີ່ປຶກສາດ້ານເສດຖະກິດ-ການຄ້າ ສະຖານທູດສປ ຈີນ ປະຈໍາສປປ ລາວ, ໂດຍມີທ່ານ ຊູຊາດ ວົງພະຈັນ ຜູ້ອໍານວຍການໂຮງໝໍມະໂຫສົດ, ທ່ານ ຟ້ານ ຊຽງປິ່ງ ຮອງຜູ້ອໍານວຍການໂຮງໝໍຟູວ້າຍ ແຂວງຢຸນນານ ສປ ຈີນ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ ລາວ-ຈີນ ເຂົ້າຮ່ວມ.

ໃນໂອກາດນີ້, ທ່ານ ຊູຊາດ ວົງພະຈັນ ໄດ້ກ່າວຄວາມເປັນມາຂອງໂຄງການວ່າ: ໂຄງການດັ່ງກ່າວ ໄດ້ເລີ່ມແຕ່ປີ 2019 ແຕ່ຍ້ອນການແຜ່ລະບາດຂອງພະຍາດໂຄວິດ-19 ຈຶ່ງເຮັດໃຫ້ໂຄງການດັ່ງກ່າວໄດ້ຢຸດຊົ່ວຄາວ, ພາຍຫຼັງສະພາບໂຄວິດ-19 ສະຫງົບລົງ, ທີມແພດຊ່ຽວຊານຈີນ ໄດ້ກໍຮີບຮ້ອນເດີນທາງມາລາວຮ່ວມກັບທີມແພດລາວສືບຕໍ່ຈັດຕັ້ງປະຕິບັດໂຄງການຢູ່ແຂວງຫຼວງພະບາງ, ອຸດົມໄຊ ແລະ ໂຮງໝໍມະໂຫສົດ. ໃນມື້ພິທີເປີດໄດ້ດໍາເນີນການຜ່າຕັດເດັກນ້ອຍທີ່ເປັນພະຍາດຫົວໃຈແຕ່ກໍາເນີດ 4 ຄົນ ດ້ວຍເຕັກນິກທີ່ທັນສະໄໝຂອງຈີນໄດ້ຢ່າງສໍາເລັດຜົນ.

ຫຼັງຈາກນັ້ນ, ທ່ານ ຟານ ຊຽງປິ່ງ ຮອງຜູ້ອໍານວຍການໂຮງໝໍຟູວ້າຍ ແຂວງຢຸນນານ ສປ ຈີນ ໄດ້ກ່າວວ່າ: ທີມແພດຊ່ຽວຊານຈີນຈໍານວນ 13 ທ່ານ, ພ້ອມດ້ວຍລົດຜ່າຕັດ 1 ຄັນ, ມີອຸປະກອນຄົບຊຸດ ໄດ້ເດີນທາງຮອດສປປ ລາວ ແລະເລີ່ມເຮັດວຽກຮ່ວມກັບແພດໝໍລາວ ໄດ້ສຳເລັດການຄັດກອງພະຍາດຫົວໃຈໃນ 3 ແຂວງຂອງລາວ, ໄດ້ພົບເຫັນມີເດັກນ້ອຍລາວຈຳນວນ 25 ຄົນ ທີ່ເປັນພະຍາດຫົວໃຈມາແຕ່ກຳເນີດ. ໃນການຜ່າຕັດໄດ້ນຳໃຊ້ເຕັກນິກທີ່ເປັນນະວັດຕະກຳຂອງຈີນ, ດວ້ຍການແຍ່ຫົວໃຈຜ່ານຜິວໜັງໂດຍບໍ່ໄດ້ໃຊ້ລັງສີ ເຊິ່ງເປັນວິທີທີ່ປອດໄພທີ່ສຸດ.

ທ່ານລັດຖະມົນຕີ ກະຊວງສາທາລະນະສຸກ ໄດ້ຕີລາຄາສູງຕໍ່ໂຄງການດັ່ງກ່າວວ່າ: ໂຄງການນີ້ຈະຊ່ວຍຍົກລະດັບຄວາມສາມາດບຸກຄະລາກອນການແພດລາວ ການຄົ້ນຄວ້າວິທະຍາສາດ ແລະ ຄວາມທັນສະໄໝດ້ານການແພດແລະອື່ນໆ. ການມາຊ່ວຍເຫຼືອໃນຄັ້ງນີ້ຈະເປັນການຮັດແໜ້ນຄວາມສາມັກຄີຂອງທັງສອງປະເທດ ລາວ-ຈີນ ພາຍໃຕ້ຄູ່ຮ່ວມຊາຕາກໍາດຽວກັນ ທີ່ສໍາຄັນເປັນການຊ່ວຍເຫຼືອປະຊາຊົນລາວ ທີ່ມີຄວາມສ່ຽງເປັນພະຍາດຫົວໃຈ ຈະໄດ້ຮັບການຄັດກອງ ແລະ ຜ່າຕັດໂດຍບໍ່ເສຍຄ່າ ຂໍໃຫ້ການຮ່ວມມືໃນຄັ້ງນີ້ມີຄວາມຍືນຍົງ ແລະມີຜົນສໍາເລັດໃນຂອບເຂດທົ່ວປະເທດ. ໂຄງການດັ່ງກ່າວແມ່ນຈະດໍາເນີນໄປຮອດວັນທີ 22 ມິຖຸນາ 2023.

ແຫຼ່ງຂ່າວ CRI-FM93

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...