spot_img
Homeແຈ້ງການເຈົ້າເມືອງສາມັກຄີໄຊ ອອກຄໍາສັ່ງກ່ຽວກັບການແກ້ໄຂບັນຫາສັດລ້ຽງ

ເຈົ້າເມືອງສາມັກຄີໄຊ ອອກຄໍາສັ່ງກ່ຽວກັບການແກ້ໄຂບັນຫາສັດລ້ຽງ

Published on

ເຈົ້າເມືອງສາມັກຄີໄຊ ອອກຄໍາສັ່ງກ່ຽວກັບການແກ້ໄຂບັນຫາສັດລ້ຽງ (ປະເພດ ແບ້, ງົວ ແລະ ຄວາຍ)ທີ່ປ່ອຍຊະຊາຍໃນເທດສະບານເມືອງ.

ອີງຕາມ ກົດຫມາຍປົກຄອງທ້ອງຖິ່ນແຫ່ງ ສປປລາວ ( ສະບັບປັບປັບ ) ສະບັບເລກທີ 68 /ສປຊ, ລົງວັນທີ 14 ທັນວາ 2015 ມວດທີ IV ມາດຕາ 40 ວ່າດ້ວຍສິດ ແລະ ຫນ້າທີ່ຂອງເຈົ້າເມືອງ.
ອີງຕາມ ຂໍ້ຕົກລົງຂອງເຈົ້າເມືອງ-ເມືອງ ສາມັກຄີໄຊ ສະບັບເລກທີ 767/ຈມ, ລົງວັນທີ 04 ທັນວາ 2018 ວ່າດ້ວຍການຄຸ້ມຄອງ ແລະ ບໍລິການຕົວເມືອງ ໃນເທດສະບານເມືອງ ສາມັກຄີໄຊ.
ອີງຕາມ ກອງປະຊຸມອົງການປົກຄອງແຂວງປະຈໍາງວດທີ I ປີ 2023 ໃນຄັ້ງວັນທີ 20-21 ເມສາ 2023. ອີງຕາມ ຂໍ້ຕົກລົງວ່າດ້ວຍ ການແຕ່ງຕັ້ງພະນັກງານ ອພບຕ ລົງຊຸກຍູ້ຕິດຕາມກວດກາຄຸ້ມຄອງວຽກງານທີ່ຕິດ ພັນກັບສາຍຕັ້ງ ສະບັບເລກທີ 15/ອພບຕ, ລົງວັນທີ 6 ເມສາ 2023.

ເພື່ອເຮັດໃຫ້ມີຄວາມສະອາດຈົບງາມ ແລະ ຄວາມເປັນລະບຽບຮຽບຮ້ອຍພາຍໃນເທດສະບານເມືອງ ສາມັກຄີໄຊ.
ເຈົ້າເມືອງອອກຄໍາສັ່ງ:
1. ຄອບຄົວໃດຫາກມີສັດລ້ຽງ, ມີພື້ນທີ່ເຫມາະສົມ, ມີຄອກກັກຂັງ ແມ່ນໃຫ້ຈໍາກັດຂອບເຂດບໍລະເວນ ສັດລ້ຽງຂອງຕົນໂດຍບໍ່ໃຫ້ອອກໄປສ້າງຄວາມເສຍຫາຍຕໍ່ເຂດສາທາລະນະ ຫຼື ສ່ວນບຸກຄົນອື່ນເດັດ
ຂາດ.
2. ຄອບຄົວໃດຫາກມີສັດລ້ຽງແຕ່ບໍ່ມີພື້ນທີ່ເຫມາະສົມ, ບໍ່ມີຄອກກັກຂັງ, ປ່ອຍປະລະເລີຍ ແລະ ສ້າງ ຄວາມເສຍຫາຍຕໍ່ເຂດສາທາລະນະ ຫຼື ສ່ວນບຸກຄົນອື່ນແມ່ນໃຫ້ເຄື່ອນຍ້າຍສັດດັ່ງກ່າວອອກພາຍໃນ ໃນກໍານົດເວລາ 15 ວັນ, ເລີ່ມແຕ່ວັນອອກຄໍາສັ່ງສະບັບນີ້ເປັນຕົ້ນໄປ.
3. ຖ້າຫາກຄອບຄົວໃດຝ່າຝືນແມ່ນທາງ ອົງການຈັດຕັ້ງທີ່ກ່ຽວຂ້ອງ ຈະໄດ້ຮ່ວມກັບອໍານາດການປົກຄອງ ບ້ານດໍາເນີນການສຶກສາອົບຮົມ, ປັບໃຫມ, ຫຼື ຢຶດສັດລ້ຽງດັ່ງກ່າວຕາມລະບຽບການ.
ດັ່ງນັ້ນ, ຈຶ່ງໄດ້ອອກຄໍາສັ່ງໃຫ້ເຈົ້າຂອງສັດລ້ຽງຮັບຊາບ ແລະ ຈົ່ງພ້ອມກັນຈັດຕັ້ງປະຕິບັດຢ່າງເຂັ້ມງວດ.

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...