ບໍລິສັດໂຄຄາ-ໂຄລາ ວາງແຜນຂະຫຍາຍໂຮງງານຂອງບໍລິສັດໃນກຳປູເຈຍ ດ້ວຍທຶນ 100 ລ້ານໂດລາ ຫລັງຍອດຂາຍ
ຂະຫຍາຍຕົວຂຶ້ນເຖິງ 2 ເທົ່າ.
ສຳນັກຂ່າວຕ່າງປະເທດລາຍງານ ໃນວັນທີ 30 ພະຈິກນີ້ວ່າ ແຜນການລົງທຶນຂອງບໍລິສັດໂຄຄາ-ໂຄລາ ເປີດເຜີຍຂຶ້ນ
ໃນລະວຫ່າງການພົບປະຫາລືກັບ ນາຍົກລັດຖະມົນຕີຮຸນແຊນ ຂອງທ່ານ ມາຕິນ ເຈນເຊນ ຜູ້ອຳນວຍການພາກພື້ນ
ຂອງກຸ່ມບໍລິສັດ ບັອດລິງ ອິນເວສເມັນ ພາຍໃຕ້ບໍລິສັດໂຄຄາ-ໂຄລາ ຢູ່ທີ່ອາຄານສັນຕິພາບ ໃນນະຄອນຫລວງພະນົມ
ເປັນ ເມື່ອວັນທີ 27 ພະຈິກຜ່ານມາ ຕາມການລະບຸຂອງທ່ານ ອຽງ ສຸພັນເລດ ຜູ້ຊ່ວຍນາຍົກລັດຖະມົນຕີກຳປູເຈຍ.
ທ່ານ ເຈນເຊນ ໄດ້ແຈ້ງແກ່ຜູ້ນຳກຳປູເຈຍວ່າ ບໍລິສັດຂອງເຂົາມີຍອດຂາຍເພີ່ມຂຶ້ນ 2 ເທົ່າ ພາຍໃນໄລຍະເວລາ 5 ປີ
ທີ່ເຂົ້າມາດຳເນີນກິດຈະການຢູ່ໃນປະເທດກຳປູເຈຍ ແລະ ຕັ້ງແຕ່ປີ 2014-2018 ບໍລິສັດໂຄຄາ-ໂຄລາ ຈະເພີ່ມການລົງ
ທຶນອີກ 100 ລ້ານໂດລາ ເພື່ອຂະຫຍາຍໂຮງງານຈາກໃນປັດຈຸບັນ ທີ່ມີການຈ້າງພະນັກງານ 650 ຄົນ ໂດຍເປັນຄົນກຳ
ປູເຈຍເຖິງ 648 ຄົນ ເຊິ່ງຈະເພີ່ມຂຶ້ນອີກປະມານ 300 ຄົນຫລັງຈາກສຳເລັດ.