spot_img
Homeຂ່າວຕ່າງປະເທດສະຫະລັດອາເມຣິກາສະກັດກັ້ນໜ່ວຍງານເກົາຫຼີເໜືອທີ່ເຮັດວຽກດ້ານໄອທີໃນລາວ ຈີນ ແລະ ຣັດເຊຍ

ສະຫະລັດອາເມຣິກາສະກັດກັ້ນໜ່ວຍງານເກົາຫຼີເໜືອທີ່ເຮັດວຽກດ້ານໄອທີໃນລາວ ຈີນ ແລະ ຣັດເຊຍ

Published on

ສະຫະລັດອາເມຣິກາປະກາດສະກັດກັ້ນເກົາຫຼີເໜືອ ໂດຍຈະເນັ້ນໄປທາງເຕັກໂນໂລຊີ (IT) ພາຍຫຼັງທີ່ໄດ້ຮັບລາຍງານວ່າ ມີພະນັກງານດ້ານໄອທີຈຳນວນຫຼາຍພັນຄົນປະຕິບັດງານຢູ່ໃນລາວ ຈີນ ແລະ ຣັດເຊຍ ພ້ອມອ້າງວ່າ ພະນັກງານເຫຼົ່ານີ້ມີສ່ວນພົວພັນກັບການຊ່ວຍຈັດຫາເງິນທຶນ ເພື່ອນຳມາສົ່ງເສີມ ແລະ ພັດທະນາໂຄງການທີ່ກ່ຽວຂ້ອງກັບອາວຸດທີ່ມີອະນຸພາບທຳລາຍສູງ (WMD) ໃນເກົາຫຼີເໜືອ.

ທາງການສະຫະລັດອາເມຣິກາ ກ່າວວ່າ ຄົນເກົາຫຼີເໜືອທີ່ເຮັດວຽກເປັນພະນັກງານດ້ານໄອທີຫຼາຍພັນຄົນ ໄດ້ກະຈາຍໃນຫຼາຍປະເທດໂດຍສະເພາະ ລາວ ຈີນ ແລະ ຣັດເຊຍ ຄົນກຸ່ມເຫຼົ່ານີ້ມີສ່ວນນຳລາຍໄດ້ໄປສະໜັບສະໜູນໂຄງການລູກສອນໄຟ ແລະ ໂຄງການ WMD ຂອງເກົາຫຼີເໜືອ ທີ່ຂັດກັບກົດໝາຍລະຫວ່າງປະເທດ ໂດຍພະນັກງານສ່ວນຫຼາຍຈະບໍ່ເປີດເຜີຍຕົນເອງ ບໍ່ລະບຸສະຖານທີ່ເກີດ ສະຖານທີ່ຢູ່ອາໃສ ລວມເຖິງສັນຊາດຢ່າງຊັດເຈນ ແລະ ໃຊ້ເອກະສານປອມໃນການຍື່ນສະໝັກວຽກ.

ທີ່ຜ່ານມາທາງການສະຫະລັດອາເມຣິກາ ກໍໄດ້ປະກາດເຕືອນວ່າ ການຈ້າງພະນັກງານດ້ານໄອທີທີ່ເປັນຄົນເກົາໜີເໜືອ ອາດນຳໄປສູ່ການລັກຊັບສິນທາງປັນຍາ ໂດຍນອກຈາກບໍລິສັດ Chinyong Information Technology Cooperation Company ທີ່ມີສຳນັກງານໃຫຍ່ຢູ່ເກົາຫຼີເໜືອ ເຊິ່ງຢູ່ໃນລາຍຊື່ທີ່ຖືກສະກັດກັ້ນໃນເທື່ອນີ້ຄື ສູນວິໄຈເລກທີ 110, Pyongyang University of Automation, ໜ່ວຍງານຂອງລັດ Technical Reconnaissance Bureau ກໍເປັນອີກ 3 ໜ່ວຍງານທາງດ້ານໄອທີ ທີ່ເຄີຍຖືກເກົາຫຼີໃຕ້ແບນມາກ່ອນໜ້ານີ້.

ກະຊວງການເງິນສະຫະລັດອາເມຣິກາ ລະບຸວ່າ Technical Reconnaissance Bureau ເປັນອົງກອນດ້ານໄອທີ ທີ່ສຳຄັນຂອງເກົາຫຼີເໜືອ ແລະ ມີຄວາມສຳພັນກັບກຸ່ມແຮັກເກີ Lazarus ເຊິ່ງທາງສະຫະລັດອາເມຣິກາ ອ້າງວ່າ ກຸ່ມແຮັກເກີດັ່ງກ່າວມີສ່ວນກ່ຽວຂ້ອງກັບການລັກເງິນ digital ຄັ້ງໃຫຍ່ໃນຊ່ວງເດືອນມີນາ ປີ 2022 ຈາກເຫດໂຈນລັກເງິນ digital ມູນຄ່າ 620 ລ້ານໂດລາ ຈາກລະບົບເຄືອຂ່າຍບຣັອກເຊນ ທີ່ສຳພັນກັບເກມອອນລາຍ Axie Infinity.

ແຫຼ່ງຂ່າວ infosecurity, abc australia

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...