spot_img
Homeຂ່າວຕ່າງປະເທດໂດນັລ ທຣັມ ຖືກສານຮ້ອງຟ້ອງໃນຄະດີປົກປິດສິ່ງທີ່ກ່ຽວຂ້ອງກັບນັກສະແດງຮູບເງົາຜູ້ໃຫຍ່

ໂດນັລ ທຣັມ ຖືກສານຮ້ອງຟ້ອງໃນຄະດີປົກປິດສິ່ງທີ່ກ່ຽວຂ້ອງກັບນັກສະແດງຮູບເງົາຜູ້ໃຫຍ່

Published on

ໂດນັລ ທຣັມ ຕ້ອງປະເຊີນກັບຫຼາຍກ່ວາ 30 ຄະດີ ທີ່ກ່ຽວຂ້ອງກັບການສໍ້ໂກງທາງທຸລະກິດ ໃນການຟ້ອງຮ້ອງຈາກຄະນະຕຸລາການ ມາຮັດຕັນ ຖືວ່າເປັນຄັ້ງທຳອິດໃນປະຫວັດສາດຂອງອາເມຣິກາ ທີ່ ປະທານາທິບໍດີ ຫຼື ອະດີດປະທານາທິບໍດີຖືກຕັ້ງຂໍ້ຫາທາງອາຍາ.

ຄະນະຕຸລາການສານເມືອງມາຮັດຕັນ ຮັບຮອງເອົາຮ່າງຄຳຟ້ອງຂອງອາຍະການ ແລະ ຕັດສິນໃຈຕັ້ງຂໍ້ຫາຄະດີອາຍາຕໍ່ ໂດນັລ ທຣັມ ອະດີດປະທານາທິບໍດີສະຫະລັດອາເມຣິກາ ຈາກກໍລະນີທີ່ ທຣັມໄດ້ຈ່າຍເງິນເພື່ອປົກປິດສິ່ງທີ່ກ່ຽວຂ້ອງກັບນັກສະແດງຮູບເງົາຜູ້ໃຫຍ່ ທີ່ອອກມາກ່າວວ່າ ໄດ້ມີຄວາມສຳພັນອັນເລິກເຊິ່ງຕໍ່ ທຣັມ ກ່ອນການເລືອກຕັ້ງປີ 2016.

ແຫຼ່ງຂ່າວບອກອີກວ່າ ເອກະສານຄຳຮ້ອງຟ້ອງເປັນຄວາມລັບ ແລ້ວນຳໄປຍື່ນຕໍ່ສານທີ່ມີເຂດອຳນາດ ເຊິ່ງແມ່ນສານເມືອງແມນຮັດຕັນ ໃນລັດນິວຢອກ ໂດຍຕອນນີ້ຈະບໍ່ມີການເປີດເຜີຍຂໍ້ຫາທີ່ ທຣັມ ໄດ້ຮັບ ແຕ່ຈະມີການປະກາດໃນອີກບໍ່ເທົ່າໃດມື້ຕໍ່ໜ້າ.

ສຳນັກງານຂອງ ອັລວິນ ແບຣັກ ໄອຍະການເມືອງແມງຮັດຕັນ ຈະຕິດຕໍ່ກັບທະນາຍຂອງ ທຣັມ ເພື່ອຫາລືເລື່ອງການນຳຕົວເຂົ້າມາຮັບຟັງຂໍ້ກ່າວຫາດັ່ງກ່າວ.

ທັ້ງນີ້ ໃນປີ 2018 ໄມເຄິລ ໂຄເຮນ ອະດີດທະນາຍຄວາມສ່ວນຕົວຂອງ ໂດນັລ ທຣັມ ຖືກຫ່າວກາວ່າຈ່າຍເງິນ 130.000 ໂດລາ ໃຫ້ແກ່ ນາງ ແດນຽວ ໃນເດືອນຕຸລາ 2016 ຫຼື ກ່ອນການເລືອກຕັ້ງປະທານາທິບໍດີສະຫະລັດ ພຽງແຕ່ເດືອນດຽວ ເພື່ອປົກປິດເລື່ອງຄວາມສຳພັນອັນເລິກເຊິ່ງຕໍ່ ທຣັມ.

ການຕັດສິນໃຈຂອງຄະນະຕຸລາການຈະສ້າງຜົນກະທົບໄປທົ່ວອາເມຣິກາ ເຊິ່ງບໍ່ເຄີຍມີປະທານາທິບໍດີຄົນໃດ ບໍ່ວ່າຈະຍັງດຳລົງຕຳແໜ່ງຢູ່ ຫຼື ເປັນອະດີດ ຖືກຂໍ້ຫາອາຍາຢ່າງເປັນທາງການ ຍິ່ງກວ່ານີ້ຍັງເປັນການຖືກຕັ້ງຂໍ້ຫາໃນຂະຍະທີ່ລາວກຳລັງຫາສຽງ ເພື່ອການເລືອກຕັ້ງປະທານາທິບໍດີສະຫະລັດອາເມຣິກາໃນປີ 2024.

ທີ່ມາ CNN

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...