spot_img
Homeຂ່າວພາຍ​ໃນປູກໝາກເຜັດຂາຍເປັນສິນຄ້າສ້າລາຍຮັບ 30-40 ລ້ານກີບ ຕໍ່ລະດູການຕໍ່ຄອບຄົວ

ປູກໝາກເຜັດຂາຍເປັນສິນຄ້າສ້າລາຍຮັບ 30-40 ລ້ານກີບ ຕໍ່ລະດູການຕໍ່ຄອບຄົວ

Published on

ເມືອງຈໍາພອນ ແຂວງສະຫວັນນະເຂດ ກໍ່ເປັນເມືອງໜຶ່ງທີ່ຂຶ້ນຊື່ໃນການຜະລິດກະສິກໍາເປັນສິນຄ້າ ເວົ້າລວມ ເວົ້າສະເພາະກໍ່ຄືປະຊາຊົນບ້ານໄຜ່ ທີ່ໄດ້ປູກພືດລະດູແລ້ງເປັນສິນຄ້າ ໂດຍສະເພາະ ແມ່ນປູກໝາກເຜັດ.

May be an image of grass

 

May be an image of 1 person, standing and outdoors

ທ່ານ ກອງມະນີ ແກ້ວວົງກົດ ຮອງນາຍບ້ານບ້ານໄຜ່ ໄດ້ໃຫ້ຮູ້າວ່າ: ປະຊາຊົນບ້ານໄຜ່ ສ່ວນຫຼາຍ ແມ່ນເຮັດວຽກກະສິກໍາເປັນຫຼັກ ແລະ ປູກພືດລະດູແລ້ງ ເປັນສໍາຮອງ ເຊັ່ນ: ມັນຕົ້ນ, ໝາກໄມ້ກິນໝາກ ຈຸດສໍາຄັນກໍແມ່ນປູກໝາກເຜັດດໍ ໃນແຕ່ລະຄອບຄົວ ເຊິ່ງໃນທົ່ວບ້ານມີຄອບຄົບປູກໝາກເຜັດ 132 ຄອບຄົວ, ໃນເນື້ອທີ່ 16 ເຮັກຕາ ເຊິ່ງໃນປີຜ່ານມາ ແມ່ນປູກໃນຈໍານວນ 20 ເຮັກຕາ ສໍາລັບປີນີ້ແມ່ນໄດ້ປູກຫຼຸດລົງເນື່ອງຈາກວ່າໃນຕົ້ນປີ ໝາກເຜັດລາຄາຖືກລົງ ມີແຕ່ 13ພັນກີບ-15ພັນກີບ ຕໍ່ກິໂລ, ໝາກເຜັດແຫ້ງລາຄາ 75 ພັນກີບຕໍ່ກິໂລ ເຊິ່ງໃນນີ້ມີໝາກເຜັດມີ 3 ສາຍພັນຄື: ສາຍພັນຂາວຊີ້, ສາຍພັນຂາວຢ່ອນ ແລະ ສາຍພັນຂຽວສະເຫວີຍ ເຊິ່ງໄລຍະການປູກໃຊ້ເວລາພຽງແຕ່ 3 ເດືອນກໍ່ສາມາດເກັບຜົນຜະລິດຂາຍໄດ້, ມາຮອດປັດຈຸບັນຖືວ່າລາຄາໝາກເຜັດສູງຂຶ້ນກວ່າເກົ່າ ຈຶ່ງເຮັດໃຫ້ຊາວສວນ ມີລາຍຮັບທີ່ສູງຂຶ້ນ ສະເລ່ຍລາຍໄດ້ຄອບຄົວລະ 30ລ້ານກີບ ຫາ 40 ລ້ານກີບ, ຕໍ່ລະດູການ ໃນການຂາຍແມ່ນມີແມ່ຄ້າພາຍໃນເມືອງ ແລະ ແຂວງມາເກັບຊື້ກັບທີ່ ນອກນັ້ນກໍໄດ້ສົ່ງອອກຕ່າງແຂວງຄື: ແຂວງຈຳປາສັກ, ແຂວງວຽງຈັນ.

ໂອກາດນີ້ທ່ານ ກອງມະນີ ກໍໄດ້ຮຽກຮ້ອງມາຍັງໜ່ວຍງານພາກສ່ວນທີ່ກ່ຽວຂ້ອງ ຫາຕະຫຼາດຮັບຮອງໃຫ້ລາຄາໝາກເຜັດໃຫ້ສູງຂຶ້ນ ແລະ ຄົງທີ່ , ພ້ອມທັງຮຽກຫ້ອງການນໍາພັກ-ລັດຊ່ວຍຊຸກຍູ້ຝາຍເກັບນໍ້າເພື່ອກັກເກັບນໍ້າໄວ້ໃຫ້ພຽງພໍໃນການຜະລິດ.

May be an image of 2 people and outdoors

ທ່ານ ໂອບີ ບຸນທະວີ ປະຊາຊົນບ້ານໄຜ່ ອາຊີບຕົ້ນຕໍແມ່ນເຮັດນາ ແລະ ປູກພືດເປັນອາຊີບສໍາຮອງ ໂດຍສະເພາະ ແມ່ນປູກໝາກເຜັດ ເຊິ່ງທ່ານໄດ້ໃຫ້ສໍາພາດຕື່ມວ່າ: ການປູກໝາກເຜັດປີນີ້ແມ່ນປູກໜ້ອຍກວ່າປີຜ່ານມາ ຍ້ອນວ່າ ແຕ່ກ່ອນລາຄາໝາກເຜັດດິບມີພຽງແຕ່ 3 ພັນຫາ 7 ພັນກີບຕໍ່ກິໂລ ສໍາລັບປີນີ້ລາຄາຖືວ່າສູງຂຶ້ນ 13-15 ພັນກີບຕໍ່ກິໂລ ການລົງທຶນປູກລົງທຶນປະມານ 3ລ້ານກີບ ໃນການເກັບກູ້ແມ່ນໄດ້ຈ້າງແຮງງານພາຍໃນບ້ານເກັບ 1 ກິໂລຕໍ່ 2 ພັນກີບ ບັນຫາທີ່ພົບຄື ໝາກເຜັດເປັນບວມເນົ່າບໍ່ສາມາດຮັກສາໄດ້, ສະນັ້ນຢາກໃຫ້ວິຊາການກໍຄືຫ້ອງການກະສິກໍາ-ປ່າໄມ້ໄດ້ລົງມາແນະນໍາການຮັກສາການເນົ່າຂອງໝາກເຜັດໃຫ້ມັນດີຂຶ້ນກວ່າເກົ່າ.

May be an image of food

ທີ່ມາ MDL

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...