spot_img
Homeຂ່າວພາຍ​ໃນຊາຍໃຊ້ປືນຍິງແຟນສາວເສຍຊີວິດທີ່ບ້ານສົມສະຫງ່າ

ຊາຍໃຊ້ປືນຍິງແຟນສາວເສຍຊີວິດທີ່ບ້ານສົມສະຫງ່າ

Published on

ໃນວັນທີ 3 ມີນາ 2023 ເກີດເຫດຊາຍໃຊ້ປືນຍິງແຟນສາວເສຍຊີວິດ ທີ່ ບ້ານສົມສະຫງ່າ ເມືອງໄຊເສດຖາ ນະຄອນຫຼວງວຽງຈັນ.

ໂດຍເອື້ອຍຂອງຜູ້ເສຍຊີວິດ ໄດ້ເລົ່າເຫດການຕໍ່ ລາວໂພສ ວ່າ: ຜູ້ກໍ່ເຫດຊື່ທ້າວ ດອນ (ຫຼາຍຄົນເອີ້ນວ່າ ຊ້າງ) ອາຍຸປະມານ 30 ປີ ໄດ້ກໍ່ເຫດຍິງ ນາງ ລິຕ້າ ອາຍຸ 23 ປີ ເຊິ່ງກ່ອນເກີດເຫດ ທ້າວ ດອນ ໄດ້ມີປາກສຽງກັນກັບແຟນ ແລະ ໄດ້ກໍ່ເຫດດັ່ງກ່າວ.

ພາຍຫຼັງທີ່ກໍ່ເຫດ ກໍໄດ້ອຸ້ມແຟນສາວອອກມາຂໍຄວາມຊ່ວຍເຫຼືອຈາກຄົນແຖວບ້ານ ທ້າວ ດອນ ພ້ອມກັບຄອບຄົວແຟນສາວກໍໄດ້ນຳໂຕ ນາງ ລິຕ້າ ສົ່ງໂຮງໝໍ ແຕ່ກໍເສຍຊີວິດໃນເວລາຕໍ່ມາ.

ແຕ່ຫຼັງຈາກທີ່ ທ້າວ ດອນ ໄດ້ສົ່ງ ນາງ ລິຕ້າ ແລ້ວຜູ້ກ່ຽວກໍໄດ້ໜີ ແລະ ບໍ່ສາມາດຕິດຕໍ່ໄດ້.

ພາບຜູ້ກໍ່ເຫດທີ່ໄປສົ່ງຜູ້ເສຍຊີວິດຢູ່ໂຮງໝໍ

ທາງດ້ານຄອບຄົວຜູ້ເສຍຊີວິດກໍໄດ້ອອກມາປະກາດຫາຜູ້ກໍ່ເຫດຜ່ານທາງເຟສບຸກວ່າ: ບຸກຄົນອັນຕະລາຍ ລາວໄດ້ຍິງນ້ອງສາວຂ້າພະເຈົ້າເອງ ນ້ອງສາວໄດ້ເສຍຊີວິດເເລ້ວ ເເຕ່ຕອນນີ້ຜູ້ກ່ຽວໄດ້ຫຼົບໜີ ລາວຊື່ ທ້າວດອນ ປີຍາເດດ ຂໍຄວາມຊ່ວຍເຫຼືອໃຜມີເບາະ ຫຼື ເເຈ້ງ ສາມາດນຳຈັບໄດ້ເຮົາມີລາງວັນຕອບເເທນໃຫ້, ຫຼັງຈາກເຮົາໄດ້ເຮັດພິທີທາງສາດສະໜານັ້ນທາງດ້ານຄອບຄົວຜູ້ກ່ຽວບໍ່ໄດ້ມີການຕິດຕໍ່ພົວພັນ ເເລະ ບໍ່ມາສະເເດງຄວາມເສຍໃຈ ເເລະ ໄວ້ອາໄລເເກ່ນ້ອງສາວຂ້າພະເຈົ້າເລີຍ ສະນັ້ນຂໍໃຊ້ພຶ້ນທີ່ນີ້ຂໍຄວາມເຫັນໃຈ ເເລະ ຮ່ວມມືກັບທຸກຄົນຂໍໃຫ້ເເຊຖ້າໃຜພົບເຫັນຂໍໃຫ້ເເຈ້ງຂ້າພະເຈົ້າດ້ວຍ.

อาจเป็นรูปภาพของ 1 คน

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...