ອິນເດຍແຊງຍີ່ປຸ່ນຂຶ້ນເປັນຕະຫຼາດລົດທີ່ໃຫຍ່ເປັນອັນດັບ 3 ຂອງໂລກ ດ້ວຍຍອດຂາຍໃນປີ 2022 4,25 ລ້ານຄັນ ໂດຍລົດສ່ວນຫຼາຍເປັນລົດໃຊ້ນ້ຳມັນ.
ວັນທີ 7 ມັງກອນ 2023 Nikkei Asia ໄດ້ລາຍງານວ່າ: ຍອດຂາຍລົດຂອງອິນເດຍໃນປີ 2022 ສູງກວ່າຍີ່ປຸ່ນແລ້ວ ເຮັດໃຫ້ອິນເດຍກ້າວຂຶ້ນເປັນຕະຫຼາດລົດທີ່ໃຫຍ່ເປັນອັນດັບ 3 ຂອງໂລກແທນຍີ່ປຸ່ນ.
ຂໍ້ມູນທີ່ອຸດສາຫະກຳລົດໄດ້ເປີດເຜີຍອອກມາ ປະກອບມີຂໍ້ມູນລາຍງານຂອງສະມາຄົມຜູ້ຜະລິດລົດແຫ່ງອິນເດຍລະບຸວ່າ ໃນລະຫວ່າງເດືອນມັງກອນ ຫາ ເດືອນພະຈິກ 2022 ຍອດການສົ່ງມອບລົດໃນອິນເດຍແມ່ນ 4,13 ຄັນ ເມື່ອບວກຍອດຂາຍໃໝ່ໃນເດືອນທັນວາຂອງ Maruti Suzuki ຜູ້ຜະລິດລົດລາຍໃຫຍ່ທີ່ສຸດຂອງອິນເດຍ ໄດ້ລວມຍອດຂາຍໝົດປີປະມານ 4,25 ລ້ານຄັນ ເຊິ່ງອິນເດຍໄດ້ແຊງໜ້າຍີ່ປຸ່ນ ທີ່ມີຍອດຂາຍ 4,20 ລ້ານຄັນ.
ໃນຍອດຂາຍດັ່ງກ່າວ ສ່ວນຫຼາຍແມ່ນລົດທີ່ໃຊ້ນ້ຳມັນ ແລະ ລົດໄຮບຣິດເປັນຫຼັກ ລົດໄຟຟ້າແມ່ນຈຳນວນໜ້ອຍ ເຊິ່ງມັນສະແດງໃຫ້ເຫັນວ່າຜູ້ບໍລິໂພກໃນອິນເດຍສ່ວນໃຫຍ່ຍັງນິຍົມເປັນລົດທີ່ໃຊ້ນ້ຳມັນ ແລະ ລົດໄຮບຣິດ.