ໃນປະຈຸບັນຫຼາຍປະເທດໄດ້ຮັບຜົນກະທົບຈາກສົງຄາມ ຣັດເຊຍ-ຢູເຄຣນ ບໍ່ວ່າຈະເປັນບັນຫາເງິນເຟີ້, ລາຄານໍ້າມັນເຊື້ອໄຟ ແລະແກ໊ດທີ່ເພີ່ມຂຶ້ນສູງເປັນເຫດໃຫ້ກະທົບຕົ້ນທຶນສິນຄ້າຕໍ່ຫຼາຍປະເທດ ແນ່ນອນເມື່ອຕົ້ນທຶນເພີ່ມຂື້ນ ບໍລິສັດເອງກໍຈຳເປັນຕ້ອງຂື້ນລາຄາສິນຄ້າເພື່ອຄວາມຢູ່ລອດ ສົ່ງຜົນກະທົບໃຫ້ປະເທດລາວທີ່ນຳເຂົ້າສິນຄ້າຈາກໄທ ບໍ່ວ່າຈະເປັນສິນຄ້າອຸປະໂພກ-ບໍລິໂພກ ກວມເອົາ 50% ຂອງມູນຄ່າການນຳເຂົ້າທັງໝົດ ເຮັດໃຫ້ມີການເພີ່ມຂຶ້ນລາຄາສິນຄ້າ ສົ່ງຜົນຕໍ່ຜູ້ບໍລິໂພກປະເທດລາວຈຳເປັນຕ້ອງໄດ້ຊື້ສິນຄ້າທີ່ແພງຂຶ້ນ.
ສຳລັບສິນຄ້າອຸປະໂພກ-ບໍລິໂພກຂອງຫຼາຍບໍລິສັດໃນ ປະເທດໄທ ປັບລາຄາສິນຄ້າຂື້ນໃນວັນທີ 1 ພຶດສະພາ ລັດຖະບານໄທຈະເລີ່ມໃຫ້ເປັນໄປຕາມກົນໄກຕະຫຼາດເທື່ອລະໜ່ອຍ ສົ່ງຜົນເຮັດໃຫ້ເດຶອນນີ້ຫຼາຍບໍລິສັດຈະປັບສິນຄ້າຫຼາຍລາຍການແພງຂື້ນ ເຊັ່ນ:
ແກ໊ດຫຸ້ງຕົ້ມ ຂື້ນເທື່ອລະ 15 ບາດຕໍ່ຖັງ, ໝີ່ມາມ່າ ຂື້ນ 0.5-1 ບາດຕໍ່ຊ່ອງ, ຊ໋ອດປຸງອາຫານ ຂື້ນ 10% ຕໍ່ແກ້ວ, ແຟບຊັກເຄື່ອງ ຂື້ນ 10% ຕໍ່ຖົງ, ເຄື່ອງດື່ມຊູກຳລັງ ຂື້ນ 10 ບາດຕໍ່ລັງ, ນໍ້າພິກເຜົາ ຂື້ນ 15 ບາດຕໍ່500ກຼາມ, ນໍ້າປາແດຼກ ຂື້ນ 2 ບາດຕໍ່ຕຸກ, ລ້ອນ ຂື້ນ 1-2 ບາດ, ກະປິ ຂື້ນ 3 ບາດຕໍ່ກະປຸກໃຫຍ່, ນ້ຳມັນພຶດ ຂື້ນ 3 ບາດ
ນອກຈາກນີ້ຍັງມີ: ອາຫານກະປ໋ອງ, ນົມ ແລະ ຜະລິດຕະພັນຈາກນົມ, ເຄື່ອງໃຊ້ໄຟຟ້າ, ປຸ໋ຍ, ຢາຂ້າແມງໄມ້, ອາຫານສັດ, ປູນ, ຊີມັງ, ເຫຼັກ, ເຈ້ຍ, ຢາປົ່ວພະຍາດ ແລະຜະລິດຕະພັນອື່ນໆອີກທີ່ຈະມີການເພີ່ມລາຄາຂຶ້ນ.
ສ່ວນລາຄານໍ້າມັນພືດແພງທີ່ແພງຂຶ້ນຫຼາຍກວ່າສິນຄ້າຊະນິດອື່ນ ເນື່ອງຈາກປະເທດອິນໂດເນເຊຍເປັນປະເທດສົ່ງອອກປຼາມຫຼາຍທີ່ສຸດໃນໂລກ ແລະ ເດຶອນທີ່ຜ່ານມາ ອິນໂດກໍປະກາດຢຸດການສົ່ງອອກເພື່ອບໍ່ໃຫ້ລາຄານຳມັນພືດສູງເກີນໄປພາຍໃນປະເທດ ຈຶ່ງສົ່ງຜົນໃຫ້ລາຄານໍ້າພືດທົ່ວໂລກແພງຂື້ນ.
ແຫຼ່ງຂ່າວ: 10 STORY ເລື່ອງເລົ່າຂອງ 10