spot_img
Homeຂ່າວພາຍ​ໃນຊົມເຊີຍວັນຄົບຮອບການພັດທະນາເຂດເສດຖະກິດພິເສດສາມຫຼ່ຽມຄໍາ ສປປ ລາວ ຄົບຮອບ 15 ປິ

ຊົມເຊີຍວັນຄົບຮອບການພັດທະນາເຂດເສດຖະກິດພິເສດສາມຫຼ່ຽມຄໍາ ສປປ ລາວ ຄົບຮອບ 15 ປິ

Published on

ເຂດເສດຖະກິດພິເສດສາມຫຼຽມຄຳຕັ້ງຢູ່ ທີ່ເມືອງຕົ້ນເຜິ້ງ ແຂວງບໍ່ແກ້ວ ສປປ ລາວ ເຊິ່ງມີຊາຍແດນຕິດກັບຣາຊະອານາຈັກໄທ ແລະ ສະຫະພາບມຽນມາ ຫຼື ເອີ້ນວ່າເຂດສາມຫຼຽມຄຳ. ໃນວັນທີ 26 ເມສາ ປີ 2007 ລັດຖະບານ ແຫ່ງ ສປປລາວ ໄດ້ອະນຸມັດເຊັນສັນຍາວ່າດ້ວຍການພັດທະນາເຂດເສດຖະກິດພິເສດໃນຂອບເຂດເນື້ອທີ່ 827 ເຮັກຕາ, ອາຍຸໄລຍະສຳປະທານ ເປັນເວລາ 50 ປີ ຫຼັງຈາກນັ້ນ ຜູ້ລົງທຶນພັດທະນາ ກໍໄດ້ສ້າງຕັ້ງກຸ່ມບໍລິສັດດອກງິ້ວຄໍາຈໍາກັດ ຂຶຶ້ນຢ່າງເປັນທາງການ ພ້ອມທັງດຳເນີນການລົງທຶນພັດທະນາພື້ນຖານໂຄງລ່າງ, ການດຶງດູດບັນດານັກທຸລະກິດ ຢູ່ພາຍໃນ ແລະ ຕ່າງປະເທດ, ການພັດທະນາການທ່ອງທ່ຽວ, ການຜະລິດກະສິກໍາ ເຊິ່ງເຮັດໃຫ້ທຸລະກິດການລົງທຶນມີການເຕີບໃຫຍ່ຂະຫຍາຍຕົວຢ່າງວ່ອງໄວ, ເປັນລະບົບ ແລະ ຕໍ່ເນື່ອງ.

ສະນັ້ນ, ໄລຍະຕໍ່ມາ ລັດຖະບານໄດ້ອອກດຳລັດສະບັບເລກທີ 090/ນຍ ລົງວັນທີ 4 ກຸມພາ 2010 ວ່າດ້ວຍການຈັດຕັ້ງ ການເຄື່ອນໄຫວ ແລະ ຄຸ້ມຄອງ ເຂດເສດຖະກິດ ສາມຫຼ່ຽມຄຳ ແລະ ເພີ່ມໄລຍະສຳປະທານເປັນເວລາ 99 ປີ ໂດຍຖືເອົາຕັ້ງແຕ່ປີ 2007 ເປັນຕົ້ນມາ, ລວມເນື້ອທີ່ທັງໝົດ 10,000 ເຮັກຕາ ແລະ ປ່ຽນຊື່ຈາກເຂດເສດຖະກິດ ແລະ ການທ່ອງທ່ຽວຄົບວົງຈອນອາຊຽນ ມາເປັນເຂດເສດຖະກິດພິເສດສາມຫຼຽມຄຳ ໃນປັດຈຸບັນ.

ການພັດທະນາເຂດເສດຖະກິດພິເສດສາມຫຼ່ຽມຄຳ ມາຮອດປັດຈຸບັນ ແມ່ນຄົບຮອບ 15 ປີ (26 ເມສາ 2007 -26 ເມສາ 2022) ເຊິ່ງມີຜົນງານການພັດທະນາທີ່ພົ້ນເດັ່ນຫຼາຍດ້ານ ເຊິ່ງໄດ້ກາຍເປັນຕົວເມືອງທີ່ທັນສະໄໝ, ມີການລົງທຶນການພັດທະນາເສດຖະກິດ ຢ່າງຕໍ່ເນື່ອງ ເປັນຕົ້ນການພັດທະນາພື້ນຖານໂຄງລ່າງ ໃນນັ້ນກໍາລັງສ້າງສະໜາມບິນສາກົນ ບໍ່ແກ້ວ ທີ່ຈະເປີດບໍລິການຢ່າງເປັນທາງການໃນໄວໆ ນີ້, ການທ່ອງທ່ຽວ, ການຜະລິດກະສິກໍາ ແລະ ການດຶງດູດການລົງທຶນບັນດານັກທຸລະກິດ ຢູ່ພາຍໃນ ແລະ ຕ່າງປະເທດ​ ມີຸມູນຄ່າການລົງທຶນຫຼາຍກວ່າ 2 ຕື້ກວ່າໂດລາສະຫະລັດ.

ນອກນັ້ນ, ເຫັນໄດ້ວ່າການພັດທະນາເຂດເສດຖະກິດພິເສດສາມຫຼ່ຽມຄໍາ ໄດ້ສ້າງໂອກາດໃຫ້ ປະຊາຊົນລາວ ມີວຽກເຮັດງານທໍາ, ມີອາຊີບທີ່ໝັ້ນຄົງ, ມີການຄ້າຂາຍ, ມີການລົງທຶນທຸລະກິດ ແລະ ເຂດເສດຖະກິດພິເສດສາມຫຼ່ຽມຄໍາ ໄດ້ປະກອບສ່ວນຊ່ວຍເຫຼືອສັງຄົມ ກໍຄືປະຊາຊົນ ຢ່າງຕໍ່ເນື່ອງ ໂດຍສະເພາະໄລຍະເກີດໄພພິບັດທໍາມະຊາດ ເຊັ່ນ: ໃນວັນທີ 31/7/2018 ໄດ້ຊ່ວຍເຫຼືອມອບເງິນສົດໃຫ້ແກ່ຜູ້ປະສົບໄພເຫດການນໍ້າຖ້ວມ ເມືອງສະໜາມໄຊ ແຂວງອັດຕະປື ຈໍານວນ 10 ລ້ານບາດ, ໃນວັນທີ 17 ກັນຍາ 2019 ໄດ້ມອບເງິນສົດໃຫ້ລັດຖະບານ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມຢູ່ພາກໃຕ້ ຈໍານວນ 3 ຕື້ກີບ, ໄລຍະການລະບາດຂອງພະຍາດໂຄວິດ-19 ກໍໄດ້ປະກອບສ່ວນຊ່ວຍເຫຼືອສັງຄົມ ກໍຄືປະຊາຊົນ ຫຼາຍສົມຄວນ ແລະ ດ້ານອື່ນໆ. (ສ່ວນຂໍ້ມູນທີ່ພົ້ນເດັ່ນອື່ນຈະລາຍງານໃຫ້ຊາບຕື່ມອີກຕໍ່ໄປ).

ແຫລ່ງຂໍ້ມູນ: ຫ້ອງການສະພາບໍລິຫານເຂດເສດຖະກິດພິເສດສາມຫລ່ຽມຄຳ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...