spot_img
Homeຂ່າວຕ່າງປະເທດສະ​ຫະ​ລັດ​ເຕືອນ​ແພດໃຫ້​ກວດຫາ​ພະຍາດ​ຕັບ​ອັກ​ເສບ​ໃນ​ເດັກ​ນ້ອຍ​

ສະ​ຫະ​ລັດ​ເຕືອນ​ແພດໃຫ້​ກວດຫາ​ພະຍາດ​ຕັບ​ອັກ​ເສບ​ໃນ​ເດັກ​ນ້ອຍ​

Published on

ສໍານັກຂ່າວ ຣອຍເຕີ ລາຍງານວ່າ ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ​ຂອງ​ສະ​ຫະ​ລັດໄດ້​ສົ່ງ​ຄໍາເຕືອນເຖິງແພດ​ທົ່ວ​ປະ​ເທດ​ໃຫ້​ເຝົ້າ​ລະ​ວັງ​ອາ​ການ​ຂອງ​ພະຍາດຕັບ​ອັກ​ເສບ​ໃນ​ເດັກ ເຊິ່ງອາດ​ຈະ​ຕິດ​ພັນ​ກັບ​ເຊື້ອ​ໄວ​ຣັ​ສ​ໄຂ້​ຫວັດທີ່ເປັນ​ສ່ວນ​ໜຶ່ງ​ຂອງ​ການ​ສືບ​ສວນ​ຢ່າງ​ກວ້າງ​ຂວາງ​ກ່ຽວ​ກັບ​ກໍ​ລະ​ນີ​ຕັບອັກ​ເສບ​​ຮ້າຍ​ແຮງທີ່ບໍ່ຮູ້ສາເຫດ​​ໃນ​ເດັກ​ນ້ອຍ.

ຄຳເຕືອນດັ່ງກ່າວເກີດຂຶ້ນພາຍຫຼັງການສືບສວນຢູ່ໃນສະຫະລັດ ແລະ ເອີຣົບ ກ່ຽວກັບກຸ່ມພະຍາດຕັບອັກເສບໃນເດັກນ້ອຍ. ສູນຄວບຄຸມ ແລະ ປ້ອງກັນພະຍາດຂອງສະຫະລັດ (CDC) ກ່າວວ່າ ກໍາລັງເຮັດວຽກຮ່ວມກັບໜ່ວຍງານໃນເອີຣົບເພື່ອທໍາຄວາມເຂົ້າໃຈເຖິງສາເຫດຂອງການຕິດເຊື້ອ. ເຊື້ອໄວຣັສໄຂ້ຫວັດທໍາມະດາທີ່ເອີ້ນວ່າ adenovirus ໄດ້ຖືກຢືນຢັນໃນຫຼາຍໆກໍລະນີຂອງເອີຣົບ, ແຕ່ບໍ່ແມ່ນທັງຫມົດ.

ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ​ຂອງ​ອັງ​ກິດກ່າວ​ວ່າ ພວກ​ເຂົາ​​ໄດ້​ກວດ​ພົບ​ຜູ້​ຕິດ​ເຊື້ອ​ຕັບ​ອັກ​ເສບ​ໃນ​ເດັກ​ທັງ​ໝົດ 108 ກໍລະນີ. ໃນບາງກໍລະນີກໍ່ຮ້າຍແຮງຫຼາຍຈົນເດັກນ້ອຍຕ້ອງໄດ້ຮັບການຜ່າຕັດຕັບ. ກໍລະນີເພີ່ມເຕີມໄດ້ຖືກລາຍງານຢູ່ໃນເດນມາກ, ໄອແລນ, ເນເທີແລນ ແລະ ສະເປນ, ອີງຕາມລາຍງານສູນ ປ້ອງກັນ ແລະ ຄວບຄຸມພະຍາດແຫ່ງເອີຣົບ.

ການແຈ້ງເຕືອນຂອງສະຫະລັດໄດ້ກໍານົດໃຫ້ແພດລາຍງານກໍລະນີທີ່ສົງໃສວ່າມີພະຍາດທີ່ເກີດຂື້ນໂດຍບໍ່ຮູ້ແຫຼ່ງກຳເນີດຕໍ່ພະແນກສາທາລະນະສຸກຂອງລັດ ແລະ ໃນທ້ອງຖິ່ນ. ຄໍາເຕືອນດັ່ງກ່າວໄດ້ປະຕິບັດຕາມການສືບສວນຂອງ CDC ກັບພະແນກສາທາລະນະສຸກຂອງອາລາບາມາເຂົ້າໄປໃນກຸ່ມຂອງຜູ້ປ່ວຍພະຍາດຕັບທີ່ບໍ່ຮູ້ສາເຫດຈໍານວນ 9 ກໍລະນີໃນເດັກນ້ອຍທີ່ມີສຸຂະພາບດີກ່ອນຫນ້ານີ້ ເຊິ່ງມີອາຍຸຕັ້ງແຕ່ 1 ຫາ 6 ປີ.

ກໍລະນີດັ່ງກ່າວ ໄດ້ຖືກພົບທໍາອິດໃນສະຫະລັດໃນເດືອນຕຸລາ ປີ 2021 ທີ່ໂຮງຫມໍເດັກນ້ອຍໃນອາລາບາມາ ທີ່ຮັບເອົາຜູ້ປ່ວຍອາຍຸນ້ອຍ 5 ກໍລະນີ ທີ່ມີອາການບາດເຈັບທີ່ຕັບ, ລວມທັງບາງກໍລະນີທີ່ມີພະວະຕັບວາຍກະທັນຫັນໂດຍບໍ່ຮູ້ສາເຫດ.

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...