spot_img
Homeຂ່າວພາຍ​ໃນປະເທດລາວສູນເສຍທຶນຈາກການສໍ້ລາດບັງຫຼວງຫຼາຍກວ່າ 8 ພັນຕື້ກີບ ຕັ້ງແຕ່ປີ 2016

ປະເທດລາວສູນເສຍທຶນຈາກການສໍ້ລາດບັງຫຼວງຫຼາຍກວ່າ 8 ພັນຕື້ກີບ ຕັ້ງແຕ່ປີ 2016

Published on

ນັບແຕ່ປີ 2016 ເປັນຕົ້ນມາ ລັດຖະບານລາວໄດ້ສູນເສຍເງິນທຶນໃນສະກຸນເງິນຕ່າງໆເປັນຈໍານວນທັງໝົດ 732 ລ້ານໂດລາ ຫຼື ຫຼາຍກວ່າ 8 ພັນຕື້ກີບຈາກການສໍ້ລາດບັງຫລວງ, ອີງຕາມລາຍງານຫຼ້າສຸດ.

ອົງການກວດກາແຫ່ງລັດກ່າວໃນກອງປະຊຸມທີ່ຈັດຂຶ້ນຢູ່ແຂວງອຸດົມໄຊວ່າ ສະມາຊິກພັກຈໍານວນ 3,690 ຄົນ ໄດ້ຖືກລົງໂທດທາງວິໄນກ່ຽວກັບການສໍ້ລາດບັງຫຼວງນັບຕັ້ງແຕ່ປີ 2016 ເປັນຕົ້ນມາ. ວຽງຈັນທາມສ໌ ລາຍງານວ່າ ມີຫຼາຍກວ່າ 2,000 ຄົນໃນຈຳນວນນີ້ຖືກໄລ່ອອກ ໃນຂະນະທີ່ຜູ້ອື່ນຖືກຫຼຸດຊັ້ນ ແລະ ຖືກຫ້າມບໍ່ໃຫ້ເຂົ້າຮ່ວມການເຄື່ອນໄຫວຂອງພັກ. ອົງການກວດກາແຫ່ງລັດໄດ້ເຜີຍແຜ່ບົດລາຍງານພາຍຫຼັງສຳເລັດການກວດກາໂຄງການພັດທະນາພື້ນຖານໂຄງລ່າງ, ບໍລິສັດຂຸດຄົ້ນບໍ່ແຮ່ ແລະ ໄມ້ແປຮູບ ພ້ອມທັງຄຸ້ມຄອງການນຳໃຊ້ທີ່ດິນ ໂດຍສົມທົບກັບອົງການປົກຄອງແຂວງ.

ຈາກການສູນເສຍ​ຈຳນວນ​ມະຫາສານ​ຈາກ​ການ​ສໍ້​ລາດ​ບັງ​ຫຼວງ​ນັບ​ແຕ່​ປີ 2016, ອຳນາດ​ການ​ປົກຄອງ​ສາມາດ​​ກູ້ຄືນ​ໄດ້​ພຽງແຕ່ 1,82 ຕື້​ກີບ (ປະມານ 152 ລ້ານໂດລາ) ​ທີ່ຖືກສໍ້ໂກງໂດຍ​ເຈົ້າ​ໜ້າ​ທີ່​ສໍ້​ລາດ​ບັງ​ຫຼວງ. ເຈົ້າໜ້າທີ່ກວດກາຍັງໄດ້ກວດກາໂຄງການລົງທຶນຂອງລັດ ແລະ ພົບວ່າມີເຈົ້າໜ້າທີ່ຈໍານວນໜຶ່ງມີສ່ວນພົວພັນກັບການໃຊ້ງົບປະມານໃນທາງທີ່ຜິດ ລວມທັງເຈົ້າໜ້າທີ່ລັດ ແລະ ຜູ້ບໍລິຫານຂອງບໍລິສັດ. ໂຄງ​ການ​ກໍ່​ສ້າງ​ຂົວ ​ແລະ​ ຖະ​ໜົນ​ຫົນ​ທາງ​ເປັນໂຄງການ​ຫຼັກ​ໃນການ​ສໍ້​ລາດ​ບັງ​ຫຼວງ​, ອີງ​ຕາມ​ການ​ລາຍ​ງານ​.

ທ່ານ ດຣ. ບຸນທອງ ຈິດມະນີ ກຳມະການສູນກາງພັກ, ເລຂາຄະນະບໍລິຫານງານສູນກາງພັກ, ຮອງປະທານປະເທດລາວ ທີ່ເຂົ້າຮ່ວມກອງປະຊຸມ ໄດ້ຮຽກຮ້ອງໃຫ້ອົງການກວດກາແຫ່ງລັດ ແລະ ຂະແໜງການທີ່ກ່ຽວຂ້ອງ ຈົ່ງເອົາໃຈໃສ່ ແລະ ມີຄວາມຮັບຜິດຫຼາຍຂື້ນໃນການເປີດ​ເຜີຍ​ການ​ສໍ້​ລາດ​ບັງ​ຫຼວງ​ ແລະ​ ເຈົ້າ​ໜ້າ​ທີ່​ສໍ້​ລາດ​ບັງ​ຫຼວງ.

ສປປ ລາວ ຢູ່ໃນອັນດັບທີ 128 ຂອງດັດຊະນີການຮັບຮູ້ການສໍ້ລາດບັງຫຼວງ (CPI) ຈາກ 180 ປະເທດ ໃນປີ 2021.

ອ້າງອີງຈາກ: The Laotian Times

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...