spot_img
Homeຂ່າວພາຍ​ໃນທາງການລາວກຽມເປີດການທ່ອງທ່ຽວຄືນໃໝ່ຢ່າງເຕັມຮູບແບບ

ທາງການລາວກຽມເປີດການທ່ອງທ່ຽວຄືນໃໝ່ຢ່າງເຕັມຮູບແບບ

Published on

ທາງການລາວກໍາລັງກະກຽມທີ່ຈະເລີ່ມເປີດໃຫ້ບໍລິການທ່ອງທ່ຽວໄລຍະໃໝ່ອີກຄັ້ງ ເຊິ່ງຈະຕ້ອງໄດ້ມີການກວດພະຍາດໂຄວິດ-19 ກ່ອນອອກເດີນທາງ ແລະ ເວລາເດີນທາງມາຮອດ.

ທ່ານ ດຣ. ສີສະຫວາດ ສຸດທານີລະໄຊ ໄດ້ກ່າວໃນພິທີຖະແຫຼງຂ່າວຂອງຄະນະສະເພາະກິດເພື່ອປ້ອງກັນ ແລະ ຄວບຄຸມພະຍາດໂຄວິດ-19 ວ່າ: ປັດຈຸບັນປະເທດເຮົາກໍາລັງກະກຽມການເປີດບໍລິການຄືນໃໝ່ຢ່າງເຕັມຮູບແບບ. ອີງຕາມກົດລະບຽບການເຂົ້າປະເທດສະບັບໃໝ່, ເຊິ່ງຈະຖືກປະກາດຢ່າງເປັນທາງການໃນກອງປະຊຸມຖະແຫຼງຂ່າວໃນອະນາຄົດ, ນັກທ່ອງທ່ຽວທີ່ເດີນທາງເຂົ້າມາໃນລາວຈະຕ້ອງຜ່ານການກວດພະຍາດໂຄວິດ-19 ສອງຄັ້ງ.

ທ່ານ ດຣ. ສີສະຫວາດ ກ່າວວ່າ ນັກທ່ອງທ່ຽວຈະຕ້ອງໄດ້ເຮັດການທົດສອບ RT-PCR 72 ຊົ່ວໂມງກ່ອນອອກເດີນທາງ, ເຊັ່ນດຽວກັນກັບ RDT (Rapid Diagnostic Test) ເມື່ອເດີນທາງມາຮອດ. ທ່ານ ກ່າວວ່າ “ໄລຍະເວລາທີ່ລໍຖ້າຜົນກວດແມ່ນຂຶ້ນກັບຈໍານວນນັກທ່ອງທ່ຽວທີ່ເດີນທາງມາຮອດ.”

ຜູ້ທີ່ຕິດເຊື້ອໂຄວິດ-19 ແລະ ຫາຍດີແລ້ວບໍ່ຈໍາເປັນຕ້ອງເຮັດການທົດສອບ RT-PCR, ຢ່າງໃດກໍ່ຕາມຕ້ອງມີໃບຢັ້ງຢືນການແພດຢ່າງເປັນທາງການ.

ນັກທ່ອງທ່ຽວຜູ້ທີ່ມີຜົນກວດ RDT ເປັນລົບອາດຈະໄດ້ເຂົ້າປະເທດຢ່າງອິດສະຫຼະ, ໃນຂະນະດຽວກັນຜູ້ທີ່ມີຜົນກວດເປັນບວກຈະຕ້ອງໄດ້ກັກໂຕຢູ່ໂຮງແຮມທີ່ກໍານົດໄວ້. ຜູ້​ທີ່​ມີ​ອາ​ການ​ຮ້າຍ​ແຮງ​ຈະ​ໄດ້​ຮັບ​ການ​ເຂົ້າ​ປິ່ນປົວຢູ່ໂຮງ​ຫມໍ​.

ຂ່າວ​ດັ່ງກ່າວ​ມີ​ຂຶ້ນຫຼັງ​ຈາກ​ທີ່​ ທ່ານ ພັນ​ຄຳ ວິພາ​ວັນ ​ນາຍົກລັດຖະມົນຕີ ​ໄດ້​ຕົກລົງ​ຈະ​ເປີດ​ປະ​ເທດ​ຄືນ​ໃໝ່ດ້ານ​ການທ່ອງທ່ຽວ​ຢ່າງ​ເຕັມ​ຮູບແບບ.

ທ່ານ​ນາ​ຍົກ​ລັດ​ຖະ​ມົນ​ຕີ​ກ່າວ​ວ່າ, ທ່ານ​ໄດ້​ເຫັນ​ດີ​ເປັນ​ເອ​ກະ​ພາບ “ໃນ​ຫຼັກ​ການ” ໃນການເປີດປະເທດຄືນໃໝ່ ແລະ ​ຂະ​ແໜງ​ການ​ທີ່​ກ່ຽວ​ຂ້ອງ​ຄວນ “ຖອດ​ຖອນ​ບົດ​ຮຽນ​ຈາກ​ປະ​ເທດ​ເພື່ອນບ້ານ​” ເມື່ອ​ຮ່າງ​ລະ​ບຽບ​ການ​ໃໝ່.

ແຫຼ່ງຂ່າວຈາກ: The Laotian Times

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...