spot_img
Homeປະເພນີ-ວັດທະນະທຳຊາວລາວຮ່ວມແຫ່ຜາສາດເຜິ້ງ ໃນງານບຸນນະມັດສະການພະທາດຫຼວງ

ຊາວລາວຮ່ວມແຫ່ຜາສາດເຜິ້ງ ໃນງານບຸນນະມັດສະການພະທາດຫຼວງ

Published on

69e00a41e924924cf06fc703cb3ea473

 

ໃນ​ມື້​ຂື້ນ 14 ຄ່ຳ ເດືອນ 12 ລາວ ກົງ​ກັບ​ວັນ​ທີ 5 ພະ­ຈິກ 2014 ປວງ​ຊົນ​ລາວ​ທັງ​ຊາດ ໂດຍ​ສະ­ເພາະຊາວ​ນະ­ຄອນ­ຫຼວງ​

ວຽງ​ຈັນ​ນ້ອຍ-ໃຫຍ່ທຸກ​ຖ້ວນ​ໜ້າ​ໄດ້​ຮ່ວມ​ຂະ​ບວນ ​ແຫ່​ຜາສາດ​ເຜິ້ງ​ຢ່າງ​ຄຶກ­ຄື້ນ ເນື່ອງ​ໃນ​ງານບຸນ​ນະ­ມັດ­ສະ­ການ​ພະ

​ທາດ­ຫຼວງ​ວຽງ ຈັນ​ທີ່​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 31 ຕຸ­ລາ-6 ພະ­ຈິກ 2014.

 

ບັນ­ຍາ­ກາດ​ຂະ​ບວນ​ແຫ່​ຜາ­ສາດເຜີ້ງ​ເຕັມ​ໄປ​ດ້ວຍ​ຄວາມ​ເບີກ­ບານ​ມ່ວນຊື່ນ​ ຂອງ​ພໍ່​ແມ່​ປະ­ຊາ­ຊົນ​ຊາວ​ລາວ​ສະແດງ​

ອອກ​ໃນ​ການ​ສົ່ງ​ສຽງ​ໂຮ​ຮ້ອງ​ຢ່າງຟົດ​ ສະ­ໜັ່ນ​ມີ​ຂະ​ບວນ​ແຫ່​ຜາ­ສາດ​ເຜິ້ງທີ່​ມາ​ຈາກ​ຫຼາຍ​ພາກ­ສ່ວນ ຊຶ່ງ​ໃຫ້​ກຽດນຳ­

ພາ​ຂະ​ບວນ​ແຫ່ ໂດຍ​ທ່ານ ດຣ.ພັນຄຳ ວິ­ພາ​ວັນ ຮອງ​ນາ­ຍົກ­ລັດ­ຖະ­ມົນ­ຕີ​ຜູ້​ຊີ້​ນຳ​ວຽກ​ງານ​ວັດ­ທະ­ນະ­ທຳ-ສັງ­ຄົມ ທ່ານ

ດຣ. ສິນ​ລະ​ວົງ ຄຸດ​ໄພ­ທູນ ເຈົ້າຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ພໍ່​ແມ່​ປະ­ຊາ­ຊົນ​ທຸກ​ໝູ່​ເຫຼົ່າ​ເຂົ້າ​ຮ່ວມ​ຢ່າງ​ຄັບ­ຄາ

​ໜາ​ແໜ້ນ.

 

ບຸນ​ນະ­ມັດ­ສະ­ການ​ພະ​ທາດ­ຫຼວງວຽງ​ຈັນ​ ແມ່ນ​ບຸນ​ປາງ​ໃຫຍ່​ສຸດ​ຂອງລາວ​ທີ່​ເປັນ​ຮີດ­ຄອງ​ປະ­ເພ­ນີ​ທີ່​ດີ­ງາມຂອງ​ຊາດ ​

ທີ່​ສືບ​ທອດ​ກັນ​ມາ​ແຕ່​ບູ­ຮານນະ​ການ ຈົນ​ຮອດ​ປະ­ຈຸ​ບັນ​ກໍ​ຍັງ​ຈັດ​ຂຶ້ນເປັນ​ປະ­ຈຳ​ໃນ​ທຸກໆ​ປີ, ສຳ­ລັບ​ປີ​ນີ້ ມີຫຼາກ​ຫຼາຍ​

ກິດ­ຈະ­ກຳ​ທີ່​ສ້າງ​ຄວາມ​ສົນ ໃຈ​ເປັນ​ຢ່າງ​ຍິ່ງ​ຕໍ່​ແຂກ​ຕ່າງ​ດ້າວ​ຊາວຕ່າງ​ແດນ​ເມື່ອ​ພົບ​ເຫັນ ໂດຍ​ສະ­ເພາະຂະ​ບວນ​ແຫ່

​ຜາ­ສາດ​ເຜິ້ງ​ທີ່​ມີ​ຄວາມ​ສວຍງາມ​ເປັນ​ເອ­ກະ­ລັກ​ ສະ­ເພາະ​ຍິ່ງ​ເມື່ອ​ມີຫຼາຍ​ຂະ​ບວນ​ທີ່​ມາ​ຈາກ 9 ຕົວ ເມືອງຂອງ​ນະ­ຄອນ

­ຫຼວງ, ພາກ­ສ່ວນ​ອົງ­ການຈັດ​ຕັ້ງ​ສາ­ກົນ, ບໍ­ລິ­ສັດ​ຫ້າງ​ຮ້ານ​ແຫ່​ເຂົ້າສະ­ໜາມ​ຫຼວງ​ຍິ່ງ​ສ້າງ​ຄວາມ​ຕື່ນ​ຕາ​ຕື່ນ​ໃຈ.

 

ແນວ­ໃດ​ກໍ​ດີ ການ​ແຫ່​ຜາ­ສາດ​ເຜີ້ງໃນ​ງານ​ບຸນ​ນະ­ມັດ­ສະ­ການ​ພະ​ທາດ­ຫຼວງແມ່ນ​ສະ­ແດງ​ໃຫ້​ ເຫັນ​ວ່າ ປະ­ຊາ­ຊົນ​ລາວ

ມີ​ຄວາມ​ເຫຼືອມ​ໃສ​ສັດ­ທາ​ທາງ​ພຸດ​ທະ​ສາສະ­ໜາ ແລະ ເຫັນ​ໄດ້​ຄວາມ​ສຳ­ຄັນ​ຂອງພະ​ທາດ­ຫຼວງ​ອັນ​ເປັນ​ປູ­ຊະ­ນີ­ຍະ­ສະ­

ຖານບູ­ຮານ​ ອັນ​ເກົ່າ​ແກ່​ຂອງ​ຊາດ​ລາວ​ທີ່ໄດ້​ສ້າງ​ຂຶ້ນ​ໃນ​ສະ­ໄໝ​ເຈົ້າ​ໄຊ​ເສດ​ຖາ​ທິລາດ.

 

ແຫລ່ງຂ່າວ: ເສດຖະກິດ – ສັງຄົມ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...