spot_img
Homeຂ່າວຕ່າງປະເທດທະນາຄານກາງຂອງຣັດເຊຍໄດ້ຕັດເງິນສໍາຮອງໂດລາ

ທະນາຄານກາງຂອງຣັດເຊຍໄດ້ຕັດເງິນສໍາຮອງໂດລາ

Published on

ໃນ​ທ້າຍ​ປີ 2021, ກ່ອນ​ທີ່​ຈະ​ເກີດ​ສົງ​ຄາມຢູເຄຣນ ຣັດ​ເຊຍ​ໄດ້​ເລີ່ມ​​ຫຼຸດ​ຜ່ອນ​ການ​ເປີດຮັບ​ເງິນ​ໂດ​ລາ​ ແລະ ​ເພີ່ມ​ເງິນ​ຢວນ ​ແລະ​ ເງິນ​ເອີ​ໂຣ​ໃນ​ການ​ຄອບ​ຄອງ​ຂອງ​ຕົນ.

ໃນປັດຈຸບັນ ຣັດເຊຍມີທຶນສໍາຮອງໃນສະກຸນເງິນຢວນ ແລະ ທອງຄໍາພຽງພໍ ເຖິງແມ່ນວ່າຈະມີມາດຕະການຂວ້າມບາດຂອງຕາເວັນຕົກທີ່ຕັດການເຂົ້າເຖິງສະກຸນເງິນບາງປະເທດ, ທ່ານ ເອລວິຣາ ນາບິລລິນາ, ຜູ້ວ່າການທະນາຄານຂອງຣັດເຊຍ ກ່າວໃນບົດລາຍງານປະຈໍາປີຕໍ່ລັດຖະສະພາໃນວັນຈັນທີ່ຜ່ານມາ.

ວັນ​ທີ 1 ມັງກອນ​, ທະນາຄານ​ກາງຣັດ​ເຊຍ​ໄດ້​ຫຼຸດ​ຄັງ​ສຳຮອງ​ເງິນ​ໂດ​ລາ​ຈາກ 21,2% ​ເປັນ 10,9% ​ເມື່ອ​ທຽບ​ໃສ່​ປີ​ກ່ອນ, ອີງ​ຕາມ​ບົດ​ຄວາມ​ຂອງ Bloomberg.

​ໃນ​ຂະນະ​ດຽວກັນ, ການ​ຖື​ຄອງ​ເງິນ​ຢວນຂອງຣັດ​ເຊຍ​ໄດ້​ເພີ່ມ​ຂຶ້ນ​ຈາກ 12,8% ຂຶ້ນເປັນ 17,1% ​ເມື່ອ​ທຽບ​ໃສ່​ປີ​ກາຍ. ສ່ວນແບ່ງຂອງເອີໂຣແມ່ນເພີ່ມຂຶ້ນຈາກ 29.2% ເປັນ 33.9%, ແລະ ທອງຄໍາສຳຮອງໄດ້ຫຼຸດລົງເລັກນ້ອຍ ອີງຕາມຂໍ້ມູນຂອງທະນາຄານ.

ທ່ານ ນາບິລລິນາ ກ່າວຕໍ່ລັດຖະສະພາວ່າ ເສດຖະກິດຂອງຣັດເຊຍໃນທີ່ສຸດຈະສາມາດກັບຄືນສູ່ເສັ້ນທາງການຂະຫຍາຍຕົວຫຼັງຈາກ GDP ຂອງປະເທດຫຼຸດລົງ.

ນັບ​ຕັ້ງ​ແຕ່​ຣັດ​ເຊຍ​ໂຈມຕີຢູເຄຣນ​ຄັ້ງ​ທຳ​ອິດ​ໃນ​ວັນ​ທີ 24 ກຸມພາ​, ອາ​ເມ​ລຣິກາ ​ແລະ ​ປະ​ເທດ​ອື່ນໆ​ໄດ້​ວາງ​ມາດ​ຕະການ​ຂວ້າມບາດ​ດ້ານ​ການ​ເງິນ​ຢ່າງ​ເຂັ້ມ​ງວດ​ຕໍ່​ເສດຖະກິດ​ຂອງ​ປະ​ເທດ, ບໍລິສັດ​ຂອງ​ຕົນ ​ແລະ​ ບັນດາ​ອຳນາດ​ການ​ປົກຄອງ​ທີ່​ຮັ່ງມີ​ທີ່​ສຸດບາງສ່ວນ.

​ເຈົ້າ​ໜ້າ​ທີ່ຣັດ​ເຊຍ​ກ່າວວ່າ, ມາດຕະການຂວ້ຳບາດລວມມີ​ຂໍ້​ຈຳກັດ​ດ້ານ​ການ​ຄ້າ ​ແລະ ການ​ລະງັບ​ເງິນສໍາຮອງເງິນຕາ​ຕ່າງປະ​ເທດ. ມາດຕະການ​ຂວ້າມບາດ​ເຫຼົ່າ​ນີ້​ໄດ້​ຢຸດ​ສະ​ງັກເງິນຄັງສໍາຮອງໄວ້ປະມານເຄິ່ງໜຶ່ງ​ຈາກເງິນສໍາຮອງ 642 ພັນລ້ານໂດ​ລາ​ສະຫະລັດ.

ອາທິດທີ່ຜ່ານມາ, ຄໍາເມີແຊນ ການເງິນລາຍວັນຂອງຣັດເຊຍ ລາຍງານວ່າ ທະນາຄານຂະຫນາດໃຫຍ່ຂອງຣັດເຊຍໄດ້ເຫັນວ່າເງິນທີ່ປ່ຽນຈາກໂດລາ ແລະ ເອີໂຣເປັນເງິນຢວນເພີ່ມຂຶ້ນຢ່າງໄວວາ ແລະ ມີການເປີດບັນຊີໃຫມ່ຈໍານວນຫຼາຍໃນເງິນຢວນ.

ແຫຼ່ງທີ່ມາ: MARKETS INSIDER

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...