ເພື່ອກະກຽມຄວາມພ້ອມໃຫ້ແກ່ການຈັດງານມະຫາກຳກີລາແຫ່ງຊາດ ຄັ້ງທີ 10 ທີ່ແຂວງອຸດົມໄຊ ໄດ້ຮັບກຽດເປັນ
ເຈົ້າພາບ ຊຶ່ງຈະຈັດຂຶ້ນໃນວັນທີ 13-21 ທັນວາທີ່ຈະມາເຖິງໃນວັນທີ 3 ພະຈິກ 2014 ທີ່ສະໜາມກີລາໃໝ່ ແຂວງອຸ
ດົມໄຊໄດ້ຈັດພິທີມອບ-ຮັບສະໜາມກີລາຢ່າງເປັນທາງການເປັນ ກຽດ ເຂົ້າຮ່ວມໃນພິທີ ມີທ່ານ ຄຳຫຼ້າ ລິ້ງນະສອນ
ເຈົ້າແຂວງໆອຸດົມໄຊ ປະທານຈັດງານມະຫະກຳກີລາແຫ່ງຊາດຄັ້ງທີ 10, ມີທ່ານ ບົວລານ ສີລິປັນຍາ ລັດຖະມົນຕີ
ຊ່ວຍວ່າການກະຊວງສຶກສາທິການ ແລະ ກີລາ, ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫຼງ
ຂ່າວ, ວັດທະນະທຳ ແລະ ທ່ອງທ່ຽວ, ບັນດາຫົວໜ້າກົມ, ຮອງກົມຈາກສູນກາງ, ການນຳຂັ້ນແຂວງ, ຫົວໜ້າ-ຮອງ
ຫົວໜ້າພະແນກການອ້ອມຂ້າງແຂວງ, ຕະຫຼອດຮອດພະນັກງານ, ພໍ່ແມ່ປະຊາຊົນພາຍໃນເທສະບານແຂວງເຂົ້າ
ຮ່ວມຢ່າງຫຼວງຫຼາຍ.
ໃນພິທີທ່ານ ສົມເພັດ ມ້າວປະເສີດ ປະທານບໍລິສັດເອລີ-ສຳຫຼວດອອກແບບ, ທີ່ປຶກສາ ແລະ ກໍ່ສ້າງ ຊຶ່ງເປັນຜູ້ຮັບ
ເໝົາ ກໍ່ສ້າງສະໜາມກີລາແຂວງອຸດົມໄຊໄດ້ຂຶ້ນລາຍງານວ່າ: ໂຄງການກໍ່ສ້າງສະໜາມກີລາແຂວງອຸດົມໄຊ ໄດ້ເລີ່ມ
ກໍ່ສ້າງແຕ່ວັນທີ 1 ກໍລະກົດ 2010 ລວມມີສາມໜ້າວຽກໃຫ່ຍຄື: ວຽກກໍ່ສ້າງສະໜາມກີລາໃໝ່ປະກອບມີສະໜາມ
ເປີດ-ປິດ ສາມາດບັນຈຸຜູ້ຊົມໄດ້ 10 ພັນຄົນ, ສະໜາມກີລາໃນຮົ່ມ (ບານສົ່ງ ແລະ ບານບ້ວງ), ສະລອຍນ້ຳ, ສະໜາມ
ບານສົ່ງຊາຍຫາດ, ເທນນິດ, ຍິງປືນ, ເປຕັງ, ສະໜາມບານເຕະສຳລັບຊ້ອມ, ສະໜາມໝາກຂ່າງ, ໜ້າເກັກ, ສະ
ໜາມຊ່ວງເຮືອ, ປະຕູໂຂງ ແລະ ຮົ້ວອ້ອມສະໜາມ, ຫ້ອງນ້ຳສາທາລະນະ, ລານຈອດລົດ, ເສັ້ນທາງຕ່າງໆພາຍໃນສະ
ໜາມ ແລະ ປູກຕົ້ນໄມ້ປະດັບ.
ວຽກສ້ອມແປງສະໜາມກີລາເກົ່າປະກອບມີວຽກສ້ອມແປງສະໂມສອນດອກປີກ ໄກ່, ສ້ອມແປງສະໂມສອນໂຮງຮຽນ
ຊົນເຜົ່າ ແລະ ສ້ອມແປງສະໜາມກີລາບານເຕະຂອງສະໜາມກີລາແຂວງເກົ່າ ແລະ ວຽກສະໜອງອຸປະກອນກີລາ
ສຳລັບການແຂ່ງຂັນກີລາ 25 ປະເພດ, ນອກຈາກນີ້ ທາງບໍລິສັດຍັງໄດ້ກໍ່ສ້າງໜ້າວຽກເພີ່ມເຕີມທີ່ບໍ່ຢູ່ໃນສັນຍາເບື້ອງ
ຕົ້ນມີສະໜາມມວຍໃນຮົ່ມ, ເດີ່ນໝາກແຫຼ້, ສະຖານີດູດນ້ຳ ແລະ ທາງປູຢາງສອງຊັ້ນອ້ອມຮົ້ວຂອງສະໜາມກີລາວ
ລວມມູນຄ່າການກໍ່ສ້າງ ທັງໝົດ 250 ຕື້ກວ່າກີບ.
ໂອກາດນີ້ທ່ານ ສົມເພັດ ມ້າວປະເສີດ ປະທານບໍລິສັດເອລີ-ສຳຫຼວດອອກແບບ, ທີ່ປຶກສາ ແລະ ກໍ່ສ້າງໄດ້ກ່າວມອບສະ
ໜາມກີລາໃໝ່ໃຫ້ແກ່ອຳນາດການປົກຄອງແຂວງ ອຸດົມໄຊຄຸ້ມຄອງນຳໃຊ້ ໂດຍແມ່ນ ທ່ານ ໂອວາດ ຈັນທະວົງ ຄະນະ
ປະຈຳພັກແຂວງຫົວໜ້າພະແນກສຶກສາທິການ ແລະ ກີລາ ແຂວງອຸດົມໄຊ ເປັນຜູ້ຮັບພ້ອມທັງລົງນາມເຊັນບົດບັນ
ທຶກຮ່ວມກັນໂດຍຊ້ອງໜ້າທ່ານ ເຈົ້າແຂວງອຸດົມໄຊ,ບັນດາທ່ານລັດຖະມົນຕີຊ່ວຍວ່າການຄະນະນຳສູນ ກາງ ແລະ
ທ້ອງຖິ່ນເຂົ້າຮ່ວມເປັນສັກຂີພີຍານ.
ແຫລ່ງຂ່າວ: ເສດຖະກິດ – ສັງຄົມ