spot_img
Homeຂ່າວຕ່າງປະເທດພໍ່ແມ່ຮ້ອງໄຫ້ໃຈສິຂາດ ລູກອາຍຸ 2 ປີ ຈົມສະລອຍນໍ້າເສຍຊີວິດ

ພໍ່ແມ່ຮ້ອງໄຫ້ໃຈສິຂາດ ລູກອາຍຸ 2 ປີ ຈົມສະລອຍນໍ້າເສຍຊີວິດ

Published on

ເຊື່ອວ່າບໍ່ມີໃຜຢາກໃຫ້ເກີດເລື່ອງແບບນີ້ຂຶ້ນຢ່າງແນ່ນອນ ແຕ່ກໍຕ້ອງບໍ່ປະໝາດຈົນເກີນໄປ ດັ່ງກັບເຫດການທີ່ເກີດຂຶ້ນໃນວັນທີ 14 ກຸມພາທີ່ຜ່ານມາ ໜ່ວຍກູ້ໄພຢູ່ທີ່ພັດທະຍາ ປະເທດໄທ ໄດ້ຮັບແຈ້ງເຫດວ່າ ມີເດັກນ້ອຍອາຍຸ 2 ປີ ຈົມນໍ້າເສຍຊີວິດໃນສະລອຍນໍ້າພາຍໃນບ້ານພັກເຊົ່າແຫ່ງໜຶ່ງ ເມື່ອໄປຮອດຈຸດເກີດເຫດກໍເຫັນພໍ່ແມ່ອຸ້ມຮ່າງລູກຊາຍອອກມາຂໍຄວາມຊ່ວຍເຫຼືອ

ເຈົ້າໜ້າທີ່ໃຫ້ການຊ່ວຍເຫຼືອດ້ວຍການປໍ້າຫົວໃຈ ແຕ່ກໍບໍ່ສາມາດຊ່ວຍຊີວິດໄວ້ໄດ້ທັນ ເຊິ່ງພໍ່ ແລະ ແມ່ຂອງເດັກນ້ອຍທີ່ເສຍຊີວິດກໍຮ້ອງໄຫ້ໂສກເສົ້າໃຈສິຂາດຢູ່ຂ້າງໆ. ສອບຖາມເບື້ອງຕົ້ນໃຫ້ຮູ້ວ່າ ຜູ້ເປັນພໍ່ເຮັດອາຊີບຊ່າງຖ່າຍຮູບ ໄດ້ພາລູກ ແລະ ເມຍມາຖ່າຍຮູບຢູ່ທີ່ບ້ານພັກດັ່ງກ່າວ ໂດຍເຫດເກີດຂຶ້ນໃນຂະນະທີ່ພໍ່ ແລະ ແມ່ ຢູ່ທີ່ຊັ້ນເທິງຂອງບ້ານ ກໍາລັງຖ່າຍຮູບ ແລະ ປ່ອຍໃຫ້ລູກຫຼິ້ນນໍ້າຢູ່ທີ່ຊັ້ນລຸ່ມ.

ໃນວັນທີ 16 ກຸມພາ ທີ່ຜ່ານມາ ກໍເປັນວັນເກີດຂອງນ້ອງວີໂອ (ເດັກນ້ອຍທີ່ຈົມນໍ້າເສຍຊີວິດ) ເຊິ່ງພໍ່ແມ່ຂອງນ້ອງໄດ້ຈັດວັນເກີດ ແລະ ເປົ່າເຄັກໃຫ້ລູກຊາຍໃນມື້ງານສົບເຊິ່ງໄດ້ຈັດຂຶ້ນຢູ່ທີ່ວັດ.

ຢ່າງໃດກໍຕາມ, ສັງຄົມອອນລາຍໄທກໍໄດ້ສະແດງຄວາມຄິດເຫັນກັບຂ່າວດັ່ງກ່າວເປັນຈໍານວນຫຼາຍ ມີທັງສະແດງຄວາມເສຍໃຈນໍາຄອບຄົວ ລວມໄປເຖິງຄວາມຄິດເຫັນໃນທາງຕໍາໜິພໍ່ແມ່ທີ່ບໍ່ເບິ່ງແຍງລູກໃຫ້ດີ ເຊິ່ງຫຼາຍຄົນກໍເບິ່ງວ່າມັນເປັນອຸບັດຕິເຫດ ແລະ ບໍ່ມີໃຜຢາກໃຫ້ເກີດເຫດການນີ້ຂຶ້ນ ຈຶ່ງບໍ່ຄວນຊໍ້າເຕີມຕໍ່ຄອບຄົວຜູ້ເສຍຊີວິດອີກ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...