ເວັບໄຊ BRUSSELS (AP) ລາຍງານ: ໂອໄມຄຣອນ ຄາດວ່າຈະກາຍເປັນສາຍພັນທີ່ໂດດເດັ່ນຂອງໄວຣັສໂຄໂຣນ່າ ໃນ 27 ປະເທດສະຫະພາບເອີຣົບໃນຊ່ວງກາງເດືອນມັງກອນທີ່ຈະມາເຖິງນີ້ທ ຂະນະທີ່ຜູ້ນຳຫຼາຍຝ່າຍຕ່າງກໍເປັນຫ່ວງວ່າ ອັດຕາການຕິດເຊື້ອທີ່ເພີ່ມຂຶ້ນຈຳນວນຫຼາຍ ຈະເຮັດໃຫ້ເອີຣົບຖືກປົກຄຸມໄປດ້ວຍຄວາມມືດມົນ ໃນຊ່ວງເທສະການສັນພັກ.

ຫົວໜ້າອົງການອະນາໄມໂລກກ່າວວ່າ ປັດຈຸບັນມີ 77 ປະເທດໄດ້ລາຍງານກໍລະນີພົບເຊື້ອໂຄວິດສາຍພັນ ໂອໄມຄຣອນ ເຊິ່ງຄວາມຈິງຕົວແປດັ່ງກ່າວໜ້າຈະມີຢູ່ໃນຫຼາຍປະເທດ ແຕ່ຍັງກວດບໍ່ພົບ ຂະນະທີ່ຈຳນວນຜູ້ຕິດເຊື້ອໃນເອີຣົບຍັງເພີ່ມຫຼາຍຂຶ້ນເມື່ອລະດູໜາວຫຍັບໃກ້ເຂົ້າມາ ແລະຕົວແປເດລຕ້າກໍຍັງແຜ່ລະບາດເປັນວົງກວ້າງ ເຊິ່ງໄດ້ກະຕຸ້ນໃຫ້ລັດຖະບານເອີຣົບຫຼາຍແຫ່ງດຳເນີນການດ້ານສາທາລະນະສຸກ ເມື່ອອັດຕາການເສຍຊີວິດເພີ່ມຂຶ້ນໃນຊ່ວງລະດູໃບໄມ້ຫຼົ່ນ, ເຖິງຢ່າງນັ້ນກໍຕາມ ຍັງບໍ່ມີຊ່ຽວຊານຄົນໃດຮູ້ວ່າ ໂອໄມຄຣອນເປັນອັນຕະລາຍແກ່ຊີວິດຄືກັບໄວຣັສສາຍພັນອື່ນ ຫຼື ບໍ່.

ທ່ານ ນາງ ເອີຊູລາ ຟອນ ເດີ ລີເຢນ, ປະທານຄະນະກຳມາທິການເອີຣົບ ກ່າວວ່າ ສະຫະພາບເອີຣົບ ພ້ອມທີ່ຈະຕໍ່ສູ້ກັບໄວຣັສສາຍພັນໂອໄມຄຣອນ ເນື່ອງຈາກ 66.6% ຂອງປະຊາກອນ ໄດ້ຮັບການສີດວັກຊີນຄົບຖ້ວນ ອີກດ້ານໜຶ່ງ ສະຫະພາບເອີຣົບກໍມີ “ຈຸດແຂງ” ແລະ “ວິທີການ” ທີ່ຈະສາມາດເອົາຊະນະພະຍາດ ໂຄວິດ-19 ໄດ້.