ສໍານັກຂ່າວຕ່າງປະເທດ ໄດ້ລາຍງານວ່າ: ລົດໄຟ KIHA 183 ຈໍານວນ 17 ຄົນ ທີ່ປະເທດຍີ່ປຸ່ນມອບໃຫ້ກັບປະເທດໄທ ໄດ້ເດີນທາງມາຮອດປະເທດໄທແລ້ວ ໂດຍຈາກການກວດສອບສະພາບໃນເບື້ອງຕົ້ນແມ່ນຍັງຢູ່ໃນສະພາບດີ ແລະ ຄາດວ່າຈະສາມາດໃຊ້ງານໄດ້ອີກ 50 ປີ ເຊິ່ງຈະມີການປັບບາງສ່ວນຂອງລົດໄຟໃຫ້ສາມາດແລ່ນຢູ່ໃນລາງລົດໄຟຂອງປະເທດໄທໄດ້ ໂດຍໃຊ້ເວລາປະມານ 4 ເດືອນ

ໃນເບື້ອງຕົ້ນ ການລົດໄຟແຫ່ງປະເທດໄທ ຈະນໍາລົດໄຟ KIHA 183 ມາທົດລອງເປີດໃຊ້ບໍລິການໃນໄລຍະທາງທີ່ສັ້ນໂດຍຈະນໍາມາໃຊ້ໃນ 4 ເສັ້ນທາງຫຼັກຄື:

1. ອຸດອນທານີ – ໜອງຄາຍ – ວຽງຈັນ ເພື່ອຮອງຮັບນັກທ່ອງທ່ຽວທີ່ມາຈາກການເປີດໃຫ້ບໍລິການຂອງລົດໄຟລາວ-ຈີນ ແລະ ປະຊາຊົນທີ່ເດີນທາງລະຫວ່າງ ສປປ ລາວ ແລະ ປະເທດໄທ
2. ນະຄອນຣາດຊະສີມາ – ຂອນແກ່ນ ເພື່ອຮອງຮັບການໃຫ້ບໍລິການໃນຂອງທາງສາຍຄູ່ຂອນແກ່ນໃຫ້ມີສັກກະຍະພາບທາງດ້ານການເດີນທາງລະຫວ່າງແຂວງ ນະຄອນຣາດຊະສີມາ ກັບ ແຂວງ ຂອນແກ່ນ ທີ່ເປັນເມືອງຂະໜາດໃຫຍ່ ລວມໄປເຖິງການຂົນສົ່ງແບບຕໍ່ເນື່ອງຂອງລົດໄຟຄວາມໄວສູງ ບາງກອກ – ນະຄອນຣາດຊະສີມາ
3. ບາງກອກ – ຫົວຫິນ – ສວນສົນປະດິພັທ ເພື່ອທົດແທນຂະບວນລົດໄຟນໍາທ່ຽວຊາຍລະເລສວນສົນປະດິພັທ ເຊິ່ງເປັນຂະບວນລົດໄຟນໍາທ່ຽວປະຈໍາປີທີ່ມີປະລິມານຜູ້ໃຊ້ບໍລິການສູງ ໂດຍມີຈຸດປະສົງເພື່ອພັດທະນາຄຸນນະພາບຂອງການເດີນທາງ, ການທ່ອງທ່ຽວ ແອລະ ການສ້າງປະສົບການທີ່ດີໃຫ້ກັບກຸ່ມລູກຄ້າໃໝ່ ແລະ ລູກຄ້າປະຈໍາ

ຂະບວນລົດທ່ອງທ່ຽວໃນພື້ນທີ່ພາກກາງ ແລະ ແຂວງທີ່ໃກ້ຄຽງ ເພື່ອສົ່ງເສີມການທ່ອງທ່ຽວໃນພື້ນທີ່ພາກກາງທີ່ຢູ່ບໍ່ໄກຈາກບາງກອກຕາມລະດູການ, ເທດສະການ ຫຼື ງານພິເສດທາງດ້ານການທ່ອງທ່ຽວ