Homeຂ່າວພາຍ​ໃນສຶກສາສຳຫຼວດຄວາມເປັນໄປໄດ້ໂຄງການພັດທະນາເມືອງທັນສະໄໝ ຢູ່ ນວ

ສຶກສາສຳຫຼວດຄວາມເປັນໄປໄດ້ໂຄງການພັດທະນາເມືອງທັນສະໄໝ ຢູ່ ນວ

Published on

ໂຄງການພັດທະນາເມືອງທັນສະໄໝ (Smart City) ຈະຖືກສ້າງຂຶ້ນເທິງພື້ນທີ່ຂະໜາດ 2,900 ເຮັກຕາ ໂດຍກວມເອົາ 12 ບ້ານ ຂອງເມືອງຫາດຊາຍຟອງ ແລະ ເມືອງໄຊເສດຖາ, ນະຄອນຫຼວງວຽງຈັນ ເຊິ່ງບໍລິສັດກຸ່ມດວງຈະເລີນ ພັດທະນາກໍ່ສ້າງ ຈຳກັດຜູ້ດຽວເປັນເຈົ້າຂອງໂຄງການ.

ອີງຕາມຂໍ້ມູນຈາກບໍລິສັດກຸ່ມດວງຈະເລີນ ພັດທະນາກໍ່ສ້າງ ຈຳກັດຜູ້ດຽວຮູ້ວ່າ: ໂຄງການດັ່ງກ່າວໄດ້ເລີ່ມຕົ້ນສຶກສາສຳຫຼວດຄວາມໄປໄດ້ ແລະເກັບກໍາຂໍ້ມູນຕົວຈິງ ພາຍຫຼັງນາຍົກລັດຖະມົນຕີແຫ່ງ ສປປ ລາວ ອອກໃບມອບສິດວັນທີ່ 13 ກໍລະກົດ 2020 ໂດຍຈະແບ່ງກິດຈະການພັດທະນາອອກເປັນ 13 ເຂດ ໄດ້ແກ່ ເຂດບໍລິຫານທຸລະກິດ, ເຂດອຸດສາຫະກຳ, ການສຶກສາ, ສາທາລະນະສຸກ, ທີ່ຢູ່ອາໄສ, ກິລາ, ທ່ອງທ່ຽວ, ກະສິກຳ, ຕົວເມືອງອາຊຽນ, ຄອນໂດມີນຽມ ແລະບ້ານຈັດສັນ, ເຂດບໍລິການທາງດ່ວນ, ເຂດປ່າໄມ້ ແລະ ສວນສາທາລະນະ ຂະນະທີ່ ຕຶກອາຄານ ຫຼື ສິ່ງປຸກສ້າງຕ່າງໆຈະມີການກໍ່ສ້າງເທິງພື້ນທີ່ 1,500 ເຮັກຕາ ຫຼື 50.70%, ສ່ວນພື້ນທີ່ 600 ເຮັກຕາ ຫຼື 21.18% ແມ່ນຈະກໍ່ສ້າງເສັ້ນທາງ, ລານຈອດລົດ ແລະ ລານກິດຈະກໍາຕ່າງໆ ແລະເຂດຂຽວ ລວມທັງ ສວນສາທາລະນະ 800 ເຮັກຕາ ຫຼື 27.12%.

ໂຄງການຈະຊົດເຊີຍຜົນເສຍຫາຍຈາກການພັດທະນາທີ່ດິນ, ສິ່ງປຸກສ້າງ ແລະ ຜົນລະປູກຂອງປະຊາຊົນ ຕາມອັດຕາການຊົດເຊີຍຂອງລັດຖະບານກຳນົດໄວ້ ພ້ອມໃຫ້ບູລິມະສິດ ແກ່ບຸກຄົນທີ່ສົນໃຈເຂົ້າມາເຮັດວຽກໃນໂຄງການ  ເພື່ອສົ່ງເສີມໃຫ້ປະຊາຊົນເຂດດັ່ງກ່າວມີລາຍໄດ້ທີ່ໝັ້ນຄົງ ພ້ອມມີນະໂຍບາຍໃຫ້ປະຊາຊົນໃນເຂດໂຄງການມີສ່ວນຮ່ວມໃນການປົກປັກຮັກສາບ້ານ, ກຸ່ມບ້ານ ຫຼື ຊຸມຊົນທີ່ມີປະຊາຊົນອາໄສຢູ່ໜາແໜ້ນ ໃຫ້ເປັນເຂດອານຸລັກບ້ານວັດທະນາທໍາຂອງທ້ອງຖິ່ນ, ເຂດບ້ານພັດທະນາວັດທະນາທຳຂອງທ້ອງຖິ່ນ ໂດຍຈະມີການພັດທະນາພື້ນຖານໂຄງລ່າງໃຫ້ມີຄວາມເປັນລະບຽບຮຽບຮ້ອຍ ຕາມນະໂຍບາຍພັດທະນາເມືອງທັນສະໄໝ.

ໂຄງການພັດທະນາເມືອງທັນສະໄໝ ເປັນການພັດທະນາຕົວເມືອງທັນສະໄໝຕົ້ນແບບດ້ານພື້ນຖານໂຄງລ່າງ ແລະການນຳໃຊ້ຊັບພະຍາກອນ, ພະລັງງານ, ການຮັກສາສິ່ງແວດລ້ອມ, ການບໍລິຫານຈັດການຕົວເມືອງ ເພື່ອໃຫ້ເປັນສູນກາງດຶງດູດການລົງທຶນພາຍໃນ ແລະຕ່າງປະເທດ ແນໃສ່ການສ້າງອາຊີບໃຫ້ປະຊາຊົນ ຕິດພັນກັບການອະນຸລັກວັດທະນະທຳ ແລະຮີດຄອງປະເພນີຂອງທ້ອງຖິ່ນ.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...