spot_img
Homeຂ່າວຕ່າງປະເທດອະດີດນັກໂທດທົນບໍ່ໄຫວ ຍື່ນຮ້ອງຟ້ອງຜູ້ຄຸມນັກໂທດ ໃນຂໍ້ຫາບັງຄັບໃຫ້ຟັງເພງ Baby Shark

ອະດີດນັກໂທດທົນບໍ່ໄຫວ ຍື່ນຮ້ອງຟ້ອງຜູ້ຄຸມນັກໂທດ ໃນຂໍ້ຫາບັງຄັບໃຫ້ຟັງເພງ Baby Shark

Published on

ເພງ Baby Shark ເປັນເພງທີ່ກາຍເປັນກະແສນິຍົມໃນໂລກອອນລາຍໃນໄລຍະໜຶ່ງ ແຕ່ວ່າເພງດັ່ງກ່າວກໍຍັງໄດ້ຖືກນໍາມາເປີດເພື່ອລົງໂທດນັກໂທດທີ່ຢູ່ໃນຄຸກ ຈົນເຮັດໃຫ້ຜູ້ຄຸມນັກໂທດຖືກຕັ້ງຂໍ້ຫາທາລຸນນັກໂທດ.

ໃນວັນທີ 6 ພະຈິກ 2021 ທີ່ຜ່ານມາ ເວັບໄຊ້ຂ່າວຕ່າງປະເທດໄດ້ລາຍງານວ່າມີອະດີດນັກໂທດ 3 ຄົນໄດ້ລວມໂຕກັນຍື່ນຟ້ອງຄະດີກ່ຽວກັບສິດທິຂອງພົນລະເມືອງກັບທາງຄຸກ ໃນລັດໂອຄາໂຮມາ ປະເທດອາເມລິກາ ໂດຍໃຫ້ເຫດຜົນວ່າໄດ້ຮັບຄວາມທຸກທໍລະມານຈາກເພງ Baby Shark ໃນຕອນທີ່ຖືກຄຸມຂັງຢູ່ທີ່ຄຸກແຫ່ງນັ້ນເມື່ອ 2 ປີກ່ອນ.

ຕາມການລາຍງານການສອບສວນໃນປີທີ່ຜ່ານມາພົບວ່າ ນັກໂທດຢ່າງໜ້ອຍ 4 ຄົນຖືກບັງຄັບໃຫ້ຟັງເພງເດັກນ້ອຍທີ່ກໍາລັງເປັນທີ່ນິຍົມ ແລະ ເປີດຊໍ້າໄປຊໍ້າມາເປັນເວລາດົນໃນຊ່ວງເດືອນພະຈິກຫາເດືອນທັນວາ ປີ 2019. ຜູ້ຄຸມນັກໂທດໃຫ້ເຫດຜົນວ່າການໃຊ້ເພງ Baby Shark ເປັນເຄື່ອງມືໃນການລົງໂທດນັກໂທດນັ້ນແມ່ນເປັນການສອນບົດຮຽນໃຫ້ກັບພວກເຂົາ ເພາະພວກເຂົາຮູ້ສຶກວ່າການລົງໂທດທາງວິໄນພາຍໃນສະຖານທີ່ຄຸມຂັງບໍ່ໄດ້ຜົນໃນການແກ້ໄຂພຶດຕິກໍາຂອງນັກໂທດ.

ຈາກການຟ້ອງຮ້ອງຂອງອະດີດນັກໂທດ ເຮັດໃຫ້ເຈົ້າໜ້າທີ່ຄຸກຄຸມຂັງສອງຄົນ ແລະ ຜູ້ບັນຊາການ ຖືກຕັ້ງຂໍ້ຫາສົມຮູ້ຮ່ວມຄິດ ແລະ ທາລຸນນັກໂທດ.

ທ່ານ ເດວິດ ພຣາເຕີ ໄອຍະການເຂດໂອຄາໂຮມາ ໄດ້ກ່າວວ່າ: “ການໃຊ້ເພງ baby Shark ໃນຄຸກນັ້ນແມ່ນໂຫດຮ້າຍ ແລະ ໄຮ້ມະນຸດສະທໍາ ແລະ ເຮັດໃຫ້ເກີດຄວາມຕຶງຄຽດທາງອາລົມທີ່ບໍ່ເໝາະສົມຕໍ່ນັກນັກໂທດ

ແຫຼ່ງຂ່າວ: Khaosod

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...