spot_img
Homeຂ່າວພາຍ​ໃນລາຄາຊີ້ນໝູໃນນະຄອນຫຼວງວຽງຈັນຫຼຸດລົງພາຍຫຼັງລັດຖະບານປະກາດລັອກດາວ

ລາຄາຊີ້ນໝູໃນນະຄອນຫຼວງວຽງຈັນຫຼຸດລົງພາຍຫຼັງລັດຖະບານປະກາດລັອກດາວ

Published on

ລາຄາຊີ້ນໝູໃນຕະຫຼາດແຫ່ງຕ່າງໆທົ່ວນະຄອນຫຼວງວຽງຈັນຕໍ່າລົງ ເນື່ອງຈາກປະລິມານການຊື້ຂອງລູກຄ້າຫຼຸດລົງໃນຊ່ວງລັອກດາວ ຂະນະທີ່ຕະຫຼາດຂາຍສົ່ງລາຍໃຫຍ່ບາງແຫ່ງໄດ້ປິດກິດຈະການຊົ່ວຄາວຍ່ອນການແຜ່ລະບາດຂອງພະຍາດໂຄວິດ-19.

ທ່ານ ຄຳຫຼ້າ ແສງດາລາ, ຜູ້ອຳນວຍການບໍລິສັດລັດວິສາຫະກິດສະບຽງອາຫານນະຄອນຫຼວງວຽງຈັນ, ທັງເປັນເຈົ້າຂອງໂຮງຂ້າສັດດອນດູ່ກ່າວຕໍ່ໜັງສືພິມວຽງຈັນທາຍວ່າງບໍ່ດົນຜ່ານມານີ້ວ່າ: ລາຄາຂາຍສົ່ງຊີ້ນໝູໃຫ້ກັບພໍ່ຄ້າໃນທ້ອງຕະຫຼາດຫຼຸດລົງຈາກ 32,000 – 33,000 ກີບຕໍກິໂລ ເປັນ 28,000 – 29,000 ກີບ ຕໍ່ກິໂລ ຂະນະທີ່ພໍ່ຄ້າແມ່ຄ້າໃນທ້ອງຕະຫຼາດຈຳຕ້ອງໄດ້ຫຼຸດລາຄາຂາຍລົງທີ່ປະມານ 2,000 – 3,000 ກີບຕໍ່ກິໂລ ເພື່ອດຶງດູດລູກຄ້າທີ່ມີຈຳນວນຫຼຸດລົງໃນຊ່ວງລັອກດາວ.

ທ່ານ ຄຳຫຼ້າ ແສງດາລາ ກ່າວຕື່ມວ່າ: ຈຳນວນໝູທີ່ນຳມາຂ້າເພື່ອຜະລິດຊີ້ນທີ່ໂຮງຂ້າສັດກໍຫຼຸດລົງຈາກ 400 ໂຕຕໍ່ວັນ ເປັນ 350 ໂຕຕໍ່ວັນ ໃນຂະນະທີ່ການຂົນສົ່ງສັດໃຫຍ່ປະເພດງົວ ແລະຄວາຍກໍພົບຄວາມຫຍຸ້ງຍາກ ເນື່ອງຈາກຂໍ້ຈຳກັດໃນການເດີນທາງ ແລະມາດຕະການອື່ນໆໃນຊ່ວງລັອກດາວ.

ຂໍ້ມູນຈາກ: ໜັງສືພິມ Vientiane Times

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...