ເວັບໄຊ News ລາຍງານ: ເຮືອດຳນໍ້ານິວເຄຼຍຂອງອົດສະຕາລີ ສາມາດເດີນທາງໄດ້ໃນໄລຍະໄກໂດຍບໍ່ຈຳເປັນຕ້ອງເຂົ້າຈອດທຽບທ່າ ແຕ່ມີຈຸດດຽວທີ່ພວກເຂົາບໍ່ສາມາດຜ່ານເຂົ້າໄປໄດ້ນັ້ນກໍຄື ເຂດນ່ານນໍ້າຂອງນິວຊີແລນ ເຊິ່ງເປັນປະເທດປອດນິວເຄຼຍມາແຕ່ປີ 1980 ແລະກົດຫ້າມກໍຍັງເປັນກົດຫ້າມຄືເກົ່າບໍ່ປ່ຽນແປງ.
ທ່ານ ນາງ ຈາຊິນດາ ອາຣ໌ເດີນ, ນາຍົກລັດຖະມົນຕີນິວຊີແລນ ກ່າວວ່າ: ຈຸດຢືນຂອງນິວຊີແລນກ່ຽວກັບການສັ່ງຫ້າມເຮືອພະລັງງານນິວເຄຼຍເຂົ້າເຂດດ່ານນໍ້າຂອງປະເທດຍັງຢູ່ຈຸດເດີມບໍ່ປ່ຽນແປງ ເນື່ອງຈາກນິວຊີແລນເປັນປະເທດສຳຄັນທີ່ສຸດໃນມະຫາສະໝຸດປາຊີຟິກ ແລະ ລັດຖະບານກໍໄດ້ຫຼິງເຫັນຄວາມສຳຄັນຂອງການພັດທະນາດ້ານນະໂຍບາຍຕ່າງປະເທດທີ່ກ່ຽວຂ້ອງທາງຜົນປະໂຫຍດຂອງພາກພື້ນ.
ນາຍົກລັດຖະມົນຕີນິວຊີແລນ ກ່າວຕື່ມວ່າ ເຖິງແມ່ນເຂດແດນຂອງນິວຊີແລນບໍ່ສາມາດຕ້ອນຮັບເຮືອດຳນໍ້າລຳໃໝ່ຂອງອົດສະຕາລີໄດ້ ແຕ່ກໍສະແດງຄວາມຍິນດີຕໍ່ຂໍ້ຕົກລົງໃໝ່ອັນສຳຄັນ ທີ່ຈະເຮັດໃຫ້ອົດສະຕາລີສາມາດເຮັດວຽກຮ່ວມກັບສະຫະລັດ ລວມທັງສະຫະຣາຊະອານາຈັກ ແລະ ເຖິງແມ່ນວ່າ ນິວຊີແລນບໍ່ໄດ້ເປັນສ່ວນໜຶ່ງໃນຂໍ້ຕົກລົງເຮືອດຳນໍ້ານິວເຄຼຍ ແຕ່ຄວາມສຳພັນດ້ານຄວາມໝັ້ນຄົງລະຫວ່າງນິວຊີແລນກັບສາມປະເທດກໍຍັງບໍ່ປ່ຽນແປງ ເພາະທັງສີ່ປະເທດລ້ວນແຕ່ເປັນສະມາຊິກຂອງພັນທະມິດ Five Eyes ຮ່ວມກັບການາດາ.