ຕາມການຖະແຫຼ່ງຂ່າວ ຂອງຄະນະສະເພາະກິດ ປະຈຳວັນທີ 4 ກັນຍາ 2021, ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ກ່າວວ່າ:
ດັ່ງທີ່ພວກເຮົາຮູ້ກັນແລ້ວວ່າ ພະຍາດ ໂຄວິດ-19 ມີການພັດທະນາ ແລະ ປັບພັນທຸກໍາໂຕເອງ ຂອງພວກມັນໄປເລື້ອຍໆ, ໃນວັນທີ 30 ສິງຫາ 2021 ທີ່ຜ່ານມາ ອົງການອະນາໄມໂລກ ໄດ້ອອກມາແຈ້ງວ່າສາຍພັນມູ (Mu) ລະຫັດ B.1.612 ເປັນສາຍພັນທີ່ຫນ້າຈັບຕາເບິ່ງເປັນທີ່ສຸດ, ສາຍພັນນີ້ພົບຄັ້ງທໍາອິດຢູ່ ປະເທດ ໂຄລໍາເບຍ ໃນເດືອນ ມັງກອນ 2021 ແລະ ແຜ່ລະບາດ ໄປໃນຫຼາຍປະເທດຂອງ ທະວີບ ອາເມລິກາໄຕ້, ທະວິບຢູໂກຼບ, ປະຈຸບັນ ສາຍພັນມູ ນີ້ ພົບໃນ 42 ປະເທດ ແລະ 49 ລັດ ຂອງສະຫາລັດອາເມລິກາ.
ໃນ ສປປ ລາວ ຍັງບໍ່ທັນພົບສາຍພັນນີ້ ແຕ່ວ່າ ການເດີນທາງເຂົ້າອອກ ແມ່ນຕ້ອງໄດ້ເອົາໃຈໃສ່ເຝົ້າລະວັງຢ່າງໃກ້ຊິດ ແລະ ຕິດຕາມ ການເກີດລະບາດໃນທົ່ວໂລກ ເພື່ອຄວາມພ້ອມ ແລະ ປະເມີນສະຖານະການແລະ ກຽມພ້ອມຮັບມືໃນບ້ານເຮົາ.
ການສັກວັນຊີນຍັງແມ່ນວິທີທາງທີ່ດີທີ່ສຸດເພື່ອປ້ອງກັນການເສຍຊິວິດ.