spot_img
Homeຂ່າວທ້ອງຖິ່ນລາວພົບຜູ້ຕິດເຊື້ອໂຄວິດ-19 ເພີ່ມ 1 ຄົນເປັນແຮງງານເດີນທາງມາແຕ່ມາເລເຊຍ

ລາວພົບຜູ້ຕິດເຊື້ອໂຄວິດ-19 ເພີ່ມ 1 ຄົນເປັນແຮງງານເດີນທາງມາແຕ່ມາເລເຊຍ

Published on

ຄະນະສະເພາະກິດຄວບຄຸມ ປ້ອງກັນ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ໃນັວນທີ 24 ມັງກອນ 2021 ວ່າ ພົບຜູ້ຕິດເຊື້ອໂຄວິດ-19 ເພີ່ມອີກ 2 ກໍລະນີ ເຮັດໃຫ້ປະຈຸບັນ, ປະເທດລາວມີຜູ້ຕິດເຊື້ອສະສົມ 44 ກໍລະນີ.

ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມອີກ 1 ກໍລະນີ, ໃນນັ້ນ ເປັນຄົນສັນຊາດລາວ 1 ຄົນ ເພດຍິງ ອາຍຸ 29 ປີ ເປັນແຮງງານຕົກຄ້າງຈາກປະເທດມາເລເຊຍ ເຊິ່ງມີລາຍລະອຽດດັ່ງລຸ່ມນີ້:

  • ໃນໄລຍະວັນທີ 5-6 ມັງກອນ 2021 ຜູ້ກ່ຽວມີອາການໄຂ້, ໄອ ແຕ່ບໍ່ໄດ້ໄປກວດຢູ່ໂຮງໝໍ ມີແຕ່ຊື້ຢາມາກິນເອງ 2-3 ມື້ ອາການກໍ່ດີຂຶ້ນ.
  • ກ່ອນຈະເດີນມາທາງລາວແມ່ນໄດ້ກວດຕົວຢ່າງຊອກຫາເຊື້ອໂຄວິດ-19 ໃນວັນທີ 22 ມັງກອນ 2021 ທີ່ກົວລາລຳເປີ ປະເທດມາເລເຊຍ ຜົນກວດເປັນລົບ ຜູ້ກ່ຽວຈຶ່ງຖືກອະນຸຍາດໃຫ້ກັບມາ ປະເທດລາວ ພ້ອມກັບຖ້ຽວບິນມະນຸດສະທຳ
  • ວັນທີ 24 ມັງກອນ 2021 ມາຮອດສະໜາມບິນວັດໄຕ ເວລາ 8 ໂມງ, ເມື່ອຮອດລາວແລ້ວກໍ່ໄດ້ເກັບຕົວຢ່າງມາກວດວິເຄາະຫາເຊື້ອໂຄວິດ-19 ແລະ ນຳສົ່ງຜູ້ກ່ຽວໄປຈຳກັດບໍລິເວນຢູ່ສູນຫຼັກ 27 ໂດຍລົດເມ ໃນວັນດຽວກັນນັ້ນພົບວ່າຜົນກວດຜູ້ກ່ຽວພົບເຊື້ອຄວິດ-19 ແລະ ໄດ້ນຳຕົວຜູ້ກ່ຽວນຳສົ່ງປິ່ນປົວ.

ຜູ້ໃກ້ຊິດມີທັງໝົດ 26 ຄົນ ແລະ ນັ່ງລົດເມຮ່ວມກັນໄປສູນຈຳກັດບໍລິເວນ 32 ຄົນທີ່ໄດ້ຮັບການກວດຫາເຊື້ອແລ້ວແຕ່ຜົນອອກມາເປັນລົບ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...