ເມື່ອວັນທີ 17 ຕຸລາ 2014 ທີ່ຜ່ານມາ ສຳນັກຂ່າວຕ່າງປະເທດຫຼາຍສຳນັກລາຍງານ ເລື່ອງລາວທີ່ເຄີຍໄດ້ຍິນ ແບບໄສຍະສາດວ່າໃສ່ກະແຈຂອງ ແລ້ວເຮັດໃຫ້ຂອງຕິດກັນ (ປ້ອງກັນຜົວຫຼືເມຍນອກໃຈ) ມື້ນີ້ເປັນເລື່ອງຈິງ ເມື່ອຄູ່ຮັກຄູ່ໜຶ່ງໃນອິຕາລີ ໄປຟາດກັນສຸດຕື່ນເຕັ້ນກາງທະເລ ແຕ່ເຮັດໄປເຮັດມາ ອະໄວຍະວະເພດທັງສອງຄົນ ຕິດກັນຈົນເອົາອອກບໍ່ໄດ້ ຕ້ອງນຳສົ່ງໂຮງໝໍພາບສອງ ໃຫ້ແພດຊ່ວຍເອົາອອກໃຫ້.
ເຫດການເກີດຂຶ້ນໃນແຄວ້ນມາເກຂອງອິຕາລີ ຄູ່ຮັກຄູ່ໜຶ່ງເຊິ່ງບໍ່ໄດ້ຮັບການເປີດເຜີຍຊື່ ໄດ້ໄປຍ່າງຫຼິ້ນບໍລິເວນຫາດຊາຍ ແຄມທະເລແຫ່ງໜຶ່ງ ແລະພວກເຂົາໄດ້ໃຊ້ຊ່ວງເວລາທີ່ອາກາດອົບອຸ່ນນີ້ ກອດຈູບແລະບັນເລງເພງຮັກກັນ ຢ່າງຕື່ນເຕັ້ນໃນນ້ຳ ແຕ່ເຫດການບໍ່ຄາດຄິດໄດ້ເກີດຂຶ້ນ ເມື່ອພວກເຂົາບໍ່ສາມາດຖອດອະໄວຍະວະ ອອກຈາກກັນໄດ້ ເນື່ອງຈາກເກີດການດູດກັນພາຍໃນນ້ຳ ເຖິງແມ່ນວ່າຈະພະຍາຍາມດຶງອອກ ປານໃດກໍບໍ່ສຳເລັດ ເຮັດໃຫ້ເລື່ອງໜ້າຕື່ນເຕັ້ນນີ້ ກາຍເປັນຝັນຮ້າຍທີ່ທັງສອງ ຕ້ອງຈົດຈຳໄປຕະຫຼອດຊີວິດ.
ໂຊກດີທີ່ມີຜູ້ຍິງຜູ້ໜຶ່ງຍ່າງຜ່ານມາເທິງຫາດຊາຍດັ່ງກ່າວພໍດີ ທັງສອງຈຶ່ງໄດ້ຂໍຄວາມຊ່ວຍເຫຼືອ ແລະລາວກໍໄດ້ເອົາແພຂົນໜູໄປໃຫ້ ເພື່ອປົກປິດຮ່າງກາຍຂອງທັງສອງ ກ່ອນຈະຖືກນຳສົ່ງໂຮງໝໍດ່ວນ ເຊິ່ງຈາກບັນຫາທີ່ໜ້າອັບອາຍນີ້ ແພດກໍໄດ້ໃຊ້ຢາຂະຫຍາຍປາກມົດລູກ (ທີ່ມັກໃຊ້ກັບແມ່ໃກ້ເກີດລູກ) ເພື່ອໃຫ້ທັງສອງສາມາດຖອດ ອະໄວຍະວະເພດອອກຈາກກັນໄດ້ໃນທີ່ສຸດ.