spot_img
Homeຂ່າວຕ່າງປະເທດອິນໂດເນເຊຍຮຽກຮ້ອງໃຫ້ອາຊຽນຮັກສາຄວາມເປັນກາງ ແລະ ຄວາມສາມັກຄີ

ອິນໂດເນເຊຍຮຽກຮ້ອງໃຫ້ອາຊຽນຮັກສາຄວາມເປັນກາງ ແລະ ຄວາມສາມັກຄີ

Published on

ລັດຖະບານອິນໂດເນເຊຍບໍ່ຕ້ອງການຢູ່ທ່າມກາງການແຂ່ງຂັນຊິງອຳນາດລະຫວ່າງ ສ.ອາເມລິກາ ແລະ ຈີນ ເຊິ່ງຂະຫຍາຍຂອບເຂດມາເຖິງອາຊີຕະເວັນອອກສຽງໃຕ້ຫຼາຍຂຶ້ນ ພ້ອມທັງຮຽກຮ້ອງໃຫ້ອາຊຽນຮັກສາຄວາມເປັນກາງ ແລະ ຄວາມສາມັກຄີ.

ເວັບໄຊ The Jakarta Post ລາຍງານ ເມື່ອວັນທີ 9 ກັນຍານີ້ວ່າ ທ່ານ ນາງ ເຣດໂນ ມາຣ໌ຊູດີ ລັດຖະມົນຕີກະຊວງການຕ່າງປະເທດອິນໂດເນເຊຍ ກ່າວເມື່ອວັນອັງຄານວ່າ ສະມາຄົມປະຊາຊາດແຫ່ງອາຊຽນ ເຊິ່ງອິນໂດເນເຊຍເປັນສ່ວນໜຶ່ງທີ່ຕ້ອງການເປັນພັນທະມິດກັບທຸກຝ່າຍບໍ່ວ່າຈະເປັນ ສ.ອາເມລິກາ ຫຼື ຈີນກໍ່ຕາມ ອາຊຽນບໍ່ປະສົງຕິດຢູ່ທ່າມກາງການແຂ່ງຂັນໃນລັກສະນະດັ່ງກ່າວ.

ຂະນະດຽວກັນ, ທ່ານ ນາງ ມາຣ໌ຊູດີ ໄດ້ຮຽກຮ້ອງໃຫ້ອາຊຽນຕ້ອງຮ່ວມມືກັນຢຶດໝັ້ນຕໍ່ພື້ນຖານຂອງຄວາມເປັນກາງ ແລະ ຄວາມເປັນເອກະພາບ ເຊິ່ງນາງໄດ້ກ່າວວ່າ ບໍ່ວ່າບັນຍາກາດໃນທະເລຈີນໃຕ້ຈະໜ້າວິຕົກກັງວົນ ແລະ ຕ້ອງໄດ້ຕິດຕາມຢ່າງໃກ້ຊິດຕະຫຼອດກໍ່ຕາມ ເນື່ອງຈາກ ສ.ອາເມລິກາ ແລະ ຈີນ ຕ່າງພາກັນຍົກລະດັບກິດຈະກຳທາງການທະຫານໃນບໍລິເວນນີ້ ສ່ວນໃນທາງການທູດທັງສອງປະເທດສະແດງອອກຊັດເຈນຫຼາຍຂຶ້ນ ບົກພື້ນຖານຂອງຄວາມເປັນປໍລະປັກ ສະຖານະການດັ່ງກ່າວຄືຄວາມຈິງດ້ານພູມສາດການເມືອງທີ່ອາຊຽນຕ້ອງປະເຊີນຮ່ວມກັນຢ່າງຫຼີກລ່ຽງບໍ່ໄດ້.

ທັງນີ້, ລັດຖະມົນຕີກະຊວງການຕ່າງປະເທດທັງ 10 ປະເທດອາຊຽນ ມີປະຊຸມຮ່ວມກັນຜ່ານລະບົບເທເລຄອນເຟີເຣນຮ່ວມກັນຫຼາຍລາຍການຈົນເຖິງທ້າຍອາທິດນີ້ ລວມເຖິງການຫາລືກັບປະເທດຄູ່ເຈລະຈາ ລວມເຖິງ ສ.ອາເມລິກາ ແລະ ຈີນ ເຊິ່ງທັງສອງປະເທດນີ້ຕ່າງຝ່າຍກໍ່ເພີ່ມຄວາມພະຍາຍາມໂນ້ມນ້າວໃຫ້ອາຊຽນ ເຂົ້າຂ້າງຕົນເອງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...