spot_img
Homeຂ່າວຕ່າງປະເທດເກົາຫຼີເໜືອປະກາດພາວະສຸກເສີນ ຫຼັງພົບຜູ້ຕ້ອງສົງໃສປ່ວຍໂຄວິດ-19 ຄົນທຳອິດຂອງປະເທດ

ເກົາຫຼີເໜືອປະກາດພາວະສຸກເສີນ ຫຼັງພົບຜູ້ຕ້ອງສົງໃສປ່ວຍໂຄວິດ-19 ຄົນທຳອິດຂອງປະເທດ

Published on

ເວັບໄຊຂ່າວ ມະຕິຊົນ ລາຍງານວ່າ ເມື່ອວັນທີ 26 ກໍລະກົດ ທີ່່ຜ່ານມາ ສຳນັກຂ່າວກາງເກົາຫຼີເໜືອ ໃຫ້ຮູ້ວ່າ ພົບຜູ້ຕ້ອງສົງໃສວ່າປ່ວຍເປັນໂຣກໂຄວິດ-19 ກໍລະນີທຳອິດຂອງປະເທດ ໂດຍທ່ານ ຄິມ ຈອງ ອຶນ ຜູ້ນຳເກາຫຼີເໜືອ ໄດ້ຮຽກປະຊຸມສຸກເສີນ ຄະນະໂປລິດບູໂຣ ເມື່ອວັນທີ 25 ກໍລະກົດ ເພື່ອປະກາດໃຊ້ມາດຕະການສຸກເສີນລະດັບສູງສຸດ ແລະ ປະກາດເຕືອນໄພລະດັບສູງເພື່ອຄວບ ຄຸມການແຜ່ລະບາດຂອງໄວຣັດ.

ທັງນີ້, ຫາກຢືນຢັນວ່າຜູ້ຕ້ອງສົງໃສດັ່ງກ່າວປ່ວຍເປັນໂຣກໂຄວິດ-19 ແທ້ ກໍ່ຈະຖືເປັນຜູ້ປ່ວຍໂຄວິດ-19 ຢ່າງເປັນທາງການກໍ ລະນີທີ 1 ຂອງປະເທດເກົາຫຼີເໜືອ.

ສຳນັກຂ່າວເຄຊີອັນເອັນ ລະບຸວ່າ ຜູ້ຕ້ອງສົງໃສວ່າປ່ວຍໂຄວິດ-19 ຄົນນີ້ເປັນຊາວເກົາຫຼີເໜືອທີ່ແປພັກໜີໄປເກົາຫຼີໃຕ້ເມື່ອ 3 ປີກ່ອນ ແລະ ເດີນທາງກັບເກົາຫຼີເໜືອເມື່ອວັນທີ 19 ກໍລະກົດທີ່ຜ່ານມາ ໂດຍການລັກຂ້າມຊາຍແດນກັບເຂົ້າປະເທດແບບຜິດກົດ ໝາຍ ແລະ ຖືກຈັບໄດ້ທີ່ເມືອງແກຊອງ ເຊິ່ງເປັນເມືອງຊາຍແດນຕິດກັບເກົາຫຼີໃຕ້ ຫຼັງພົບວ່າບຸກຄົນດັ່ງກ່າວມີອາການສົງໃສວ່າປ່ວຍເປັນເປັນໂຣກໂຄວິດ-19 ຈິ່ງໄດ້ຖືກກັກຕົວເພື່ອຕິດຕາມອາການ ລວມໄປເຖິງການກັກຕົວບຸກຄົນທີ່ໃກ້ຊິດກັບຜູ້ຕ້ອງສົງໃສລາຍນີ້.

ກ່ອນໜ້ານີ້, ລັດຖະບານເກົາຫຼີເໜືອໄດ້ຢືນຢັນວ່າ ບໍ່ພົບຜູ້ປ່ວຍຕິດເຊື້ອໂຄວິດ-19 ໃນປະເທດ ເຖິງແມ່ນວ່າທົ່ວໂລກຈະມີການລະບາດຢ່າງໜັກຕັ້ງແຕ່ຕົ້ນປີຈົນເຖິງເວລານີ້ກໍ່ຕາມ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...