spot_img
Homeຂ່າວການພັດທະນາໂຄງການກໍ່ສ້າງເສັ້ນທາງຫົວຂົວ-ໂນນຄໍ້-ນາຄວາຍ ຈະສຳເລັດກາງປີ 2015

ໂຄງການກໍ່ສ້າງເສັ້ນທາງຫົວຂົວ-ໂນນຄໍ້-ນາຄວາຍ ຈະສຳເລັດກາງປີ 2015

Published on

20141015125536

 

ພາຍຫຼັງ​ທີ່​ກ້າວ​ສູ່​ລະດູແລ້ງ ດິນ​ຟ້າ​ອາກາດ​ອຳນວຍ​ຄວາມສະດວກ ບັນດາ​ຜູ້​ຮັບ​ເໝົາ​ກໍ່ສ້າງໂຄງການ​ພັດທະນາ​ພື້ນ

ຖານ​ໂຄງລ່າງ​ ໄດ້​ເຂົ້າ​ສູ່​ໜ້າ​ວຽກ​ຂອງ​ຕົນ ດ້ວຍ​ຄວາມ​ຂຸ້ນຂ້ຽວເພື່ອ​ເຮັດໃຫ້​ໂຄງການ​ທີ່​ຕົນ​ຮັບຜິດຊອບນັ້ນ​ ມີ​ຄວາມ​

ຄືບ​ໜ້າ​ໄປ​ໄດ້​ດີ ແລະ ມີ​ຜົນສຳເລັດ​ຕາມ​ແຜນການ​ທີ່ສັນຍາ​ກັບ​ເຈົ້າ​ຂອງ​ໂຄງການ ໃນບັນດາ​ໂຄງການ​ດັ່ງກ່າວ​ນັ້ນ

ກໍ່​ມີໂຄງການ​ກໍ່ສ້າງ​ເສັ້ນທາງ​ຫົວ​ຂົວ-ໂນນ​ຄໍ້-ນາ​ຄວາຍ ເມືອງ​ໄຊ​ເຊດຖາ ນະຄອນຫຼວງ​ວຽງ​ຈັນ ທີ່​ປັດຈຸ​ບັນ​ນີ້ ພວມ​ຈັດ

​ຕັ້ງ​ປະຕິບັດ​ຫຼາຍໜ້າ​ວຽກ ແລະ ບັນດາ​ໜ້າ​ວຽກດັ່ງກ່າວ ​ກໍ່​ຄ່ອຍໆ​ມີ​ຄວາມ​ຄືບໜ້າ.

 

ທ່ານ ສຸກ ວົງສາ ຫົວໜ້າໂຄງການ​ດັ່ງກ່າວ ໄດ້​ກ່າວ​ວ່າ: ໂຄງການ​ກໍ່ສ້າງ​ເສັ້ນທາງ​ຫົວ​ຂົວ-ໂນນ​ຄໍ້-ນາ​ຄວາຍ ໄດ້​ແບ່ງ​

ອອກເປັນ 2 ໄລຍະ ມີ 2 ບໍລິສັດ​ຮັບເໝົາ​ກໍ່ສ້າງ​ຄື: ໄລຍະ 3 ກິ​ໂລແມັດ ແຕ່​ບ້ານ​ຄຳ​ສະຫວາດ-ບ້ານ​ນາ​ຄວາຍ ແມ່ນ​ຮັບ​

ເໝົາໂດຍ ​ບໍລິສັດ ກໍ່ສ້າງ ແລະ ຊຸກຍູ້ການ​ຜະລິດ​ກະສິກຳ ໄລຍະ​ນີ້​ໜ້າວຽກ​ລວມ​ແມ່ນ​ມີ​ຄວາມ​ຄືບ​ໜ້າ 51% ເຊິ່ງ​ໜ້າ​

ວຽກ​ທີ່​ພວມ​ຈັດຕັ້ງ​ປະຕິບັດ​ໄປ​ພ້ອມ​ກັນ​ມີ​ ສືບຕໍ່ວາງ​ທໍ່​ລະບາຍ​ນ້ຳ​ທີ່​ຍັງ​ບໍ່​ທັນ​ສຳເລັດ 2% ວຽກ​ລົງ​ດິນ​ຮອງ​ພື້ນທາງ

ແລະ ວຽກ​ເທ​ເບ​ຕົງ​ໜ້າທາງ.

 

ສຳລັບ​ໄລຍະ 4 ກິໂລແມັດ ແຕ່​ບ້ານ​ຫົວ​ຂົວ-ບ້ານ​ຄຳ​ສະຫວາດ ຮັບ​ເໝົາ​ໂດຍ​ບໍລິສັດ ເອ​​ສ​ເຄ​ຊີ ໄລຍະ​ນີ້​ໜ້າ​ວຽກ​ລວມ

ແມ່ນ​ມີ​ຄວາມ​ຄືບ​ໜ້າ 21% ແລະ ປັດຈຸບັນ​ແມ່ນ​ພວມ​ເລັ່ງ​ໃສ່ 3 ໜ້າ​ວຽກ​ໄປ​ພ້ອມ​ກັນຄື: ວຽກວາງ​ທໍ່​ລະບາຍ​ນ້ຳ ລົງ​

ດິນ​ຮອງພື້ນ​ທາງ ແລະ ວຽກ​ເທ​ເບ​ຕົງ​ໜ້າທາງ ຖື​ວ່າ​ໂຄງການ​ດັ່ງກ່າວແມ່ນ​ຈະ​ສຳເລັດ​ພາຍ​ໃນ​ກາງ​ປີ 2015.

 

ທ່ານ ສຸກ ວົງສາ ຍັງ​ກ່າວຕື່ມ​ວ່າ: ເຖິງ​ວ່າ​ຈະ​ກ້າວ​ສູ່​ລະດູແລ້ງ​ ຝົນ​ຢຸດ​ຕົກ ທາງ​ເຈົ້າ​ຂອງໂຄງການ ​ກໍ່​ຈະ​ບໍ່​ໃຫ້​ບໍລິສັດ​ຜູ້​

ຮັບເໝົາ​ກໍ່ສ້າງ ​ເລັ່ງ​ໜ້າ​ວຽກ​ຂອງ​ຕົນໄປ​ໄວ​ເກີນ​ໄປ ຍ້ອນ​ວ່າ​ເພື່ອ​ຢາກເຮັດ​ໃຫ້​ໂຄງການ​ມີ​ຄຸນະພາບ ບໍ່​ແມ່ນ​ວ່າ​ເຮັດ​

ແລ້ວ​ໄວ​ແຕ່​ຄຸ​ນະພາບ​ບໍ່​ມີ​ແມ່ນ​ບໍ່​ເອົາ ດັ່ງນັ້ນ ໂຄງການ​ຈະ​ມີ​ຄຸນະພາບ​ສູງ ມີ​ອາຍຸໃຊ້​ງານ​ໄດ້​ຍາວ​ນານ ​ຕ້ອງ​ໄດ້​ເອົາໃຈ

​ໃສ່​ການ​ຄຸມ​ງານ​ ໃຫ້​ໄດ້​ຕາມມາດຕະຖານ​ເຕັກນິກ​ຂອງ​ການ​ກໍ່ສ້າງ ໂດຍ​ສະເພາະກໍ່​ແມ່ນ​ບັນຫາ​ເບ​ຕົງ​ໜ້າ​ທາງ ​ຕ້ອງ​

ໃຫ້​ໄດ້ມາດຖານ​ເຕັກນິກ ແລະ ອີກ​ບັນຫາ​ໜຶ່ງ​ ໄລຍະ​ກໍ່ສ້າງ​ຮຽກຮ້ອງມາ​ຍັງ​ຜູ້​ທີ່ຢູ່​ອາໄສ​ຢູ່​ຕາມ​ແຄມທາງ​ ໃຫ້​ອຳນວຍ

​ຄວາມ​ສະດວກ ແລະ ຜູ້​ທີ່​ທຽວ​ທາງ​ກໍ່​ຕ້ອງ​ມີຄວາມ​ລະມັດລະວັງ ​ຄ່ອຍ​ໄປຄ່ອຍ​ມາ ຖ້າ​ຫຼີກ​ລ່ຽງ​ໄດ້​ກໍ່​ໃຫ້​ໄປຊົມໃຊ້​ເສັ້ນ

ທາງ​ອື່ນ​ແທນ ທັງ​ນີ້ກໍ່​ເພື່ອ​ຄວາມ​ປອດ​ໄພ ແລະ ສ້າງຄວາມ​ສະດວກ​ໃຫ້​ແກ່​ຜູ້​ຮັບ​ເໝົາກໍ່ສ້າງ​ໂຄງການ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...