ເວັບໄຊ ຂ່າວສົດ ລາຍງານວ່າ ຫວຽດນາມເປີດໃຫ້ບໍລິການໂຮງແຮມຫຼູທີ່ຕົກແຕ່ງດ້ວຍຄຳແຫ່ງທຳອິດຂອງໂລກ ຫວັງດຶງດູດນັກທ່ອງທ່ຽວໃຫ້ກັບມາທ່ຽວປະເທດອີກຄັ້ງ ຫຼັງຈາກທາງລັດໄດ້ຜ່ອນຄາຍມາດຕະການປິດເມືອງເພື່ອສະກັດກັ່ນການລະບາດຂອງໂຄວິດ-19 ດົນກວ່າ 3 ເດືອນ.

ໂຮງແຮມ ໂດລເຊ ຮ່າໂນຍ ໂກລເດັນ ເລກ (Dolce Hanoi Golden Lake) ຕັ້ງສະຫງ່າງາມກາງໃຈເມືອງນະຄອນຮ່າໂນຍ ພາຍໃນຕົບແຕ່ງດ້ວຍກະເບື້ອງເຄືອບຄຳ ແລະ ເຟີນິເຈີເຄື່ອງໃຊ້ທີ່ຫຸ້ມດ້ວຍຄຳ 24 ກະຣັດ ລວມເຖິງຊັກໂຄກ, ອ່າງລ້າງໜ້າ, ອ່າງອາບນໍ້າ ຫຼື ເຄື່ອງໃຊ້ປະເພດຖ້ວຍ, ຈອກກາເຟກໍ່ຕາມ.

ໂຮງແຮມຫ້າດາວແຫ່ງນີ້ໃຊ້ເວລາໃນການກໍ່ສ້າງ 11 ປີ ມີຄວາມສຸງ 25 ຊັ້ນ ແລະ ມີຫ້ອງພັກໃຫ້ບໍລິການ 400 ຫ້ອງ ໂດຍມີລາຄາເລີ່ມຕົ້ນຄືນລະ 250 ໂດລາ.

ຮຽບຮຽງຂ່າວ: ພຸດສະດີ