ເຈວລ້າງມືທີ່ມີສ່ວນປະສົມຂອງແອວກໍຮໍ ເປັນຜະລິດຕະພັນທາງເລືອກໜຶ່ງໃນການໃຊ້ທຳຄວາມສະອາດມື ເພື່ອສຸຂະອານາໄມທີ່ດີໃນການປ້ອງກັນເຊື້ອໄວຣັດໂຄວິດ-19 ໂດຍໄດ້ມີການປະກາດຈາກທາງກະຊວງທາລະນະສຸກຂອງຕ່າງປະເທດ ເລື່ອງກຳນົດລັກສະນະຂອງເຄື່ອງສຳອາງທີ່ມີສ່ວນປະສົມຂອງແອວກໍຮໍເພື່ອສຸຂະອະນາໄມສຳລັບມື ຕ້ອງມີຄວາມເຂັ້ມຂຸ້ນຂອງປະລິມານແອວກໍຮໍບໍ່ໃຫ້ຫຼຸດ 70% ເນື່ອງຈາກວ່າ ຫາກປະລິມານແອວກໍຮໍນ້ອຍກວ່າ 70% ຈະບໍ່ສາມາດຂ້າເຊື້ອໂຣກໄດ້.
ແອລກໍຮໍທີ່ປະສົມໃນຜະລິດຕະພັນເຈວລ້າງມືຈະເປັນປະເພດ: ເອທິລແອລກໍຮໍ ຫຼື ເອທານນໍ (Ethyl alcohol ຫຼື Ethanol), ໄອໂຊໂພຣພິລແອລກໍຮໍ ຫຼື ໄອໂຊໂພພານໍ (isopropyl alcohol ຫຼື isopropanol), ເອັນ-ໂພຣພິລແອລກໍຮໍ ຫຼື ເອັນ-ໂພຣພານໍ (n-propyl alcohol ຫຼື n-propanol) ໂດຍອາດເປັນພຽງສານດຽວ ຫຼື ປະສົມລວມກັນຢູ່ຕັ້ງແຕ່ 70% ຂຶ້ນໄປ.
ການເລືອກຊື້ຜະລິດຕະພັນເຈວລ້າງມືເພື່ອໃຊ້ສຳລັບຂ້າເຊື້ອໄວຣັດໂຄວິດ-19 ໄດ້ແທ້ ຫຼື ບໍ່? ທ່ານຄວນກວດສອບສ່ວນປະສົມໃຫ້ດີກ່ອນ ແລະ ກວດສອບເລກທະບຽນທີ່ຈົດແຈ້ງເຈວລ້າງມືໃຫ້ດີກ່ອນ ເພື່ອສ້າງຄວາມໝັ້ນໃຈວ່າຜະລິດຕະພັນມີສ່ວນປະສົມຂອງແອວກໍຮໍ 70% ຂຶ້ນໄປ.
ຮຽບຮຽບບົດ: ພຸດສະດີ