spot_img
Homeຂ່າວທ້ອງຖິ່ນລາວມອບເງິນ 2 ຕື້ກີບຊ່ວຍຕ້ານໄວຣັດໂຄໂຣນ່າໃຫ້ແກ່ ສປ ຈີນ

ລາວມອບເງິນ 2 ຕື້ກີບຊ່ວຍຕ້ານໄວຣັດໂຄໂຣນ່າໃຫ້ແກ່ ສປ ຈີນ

Published on

ໜັງສືພິມວຽງຈັນທາມລາຍງານໃຫ້ຮູ້ວ່າ ນະຄອນຫຼວງວຽງຈັນ ຮ່ວມກັບ ສະມາຄົມມິດຕະພາບ ລາວ-ຈີນ ໄດ້ຈັດພິທີປຸກລະດົມຂະບວນການຕ້ານໄວຣັສ ປອດອັກເສບ ໂຄໂຣນາ ສາຍພັນໃໝ່ (Novel Corona Virus) ຂຶ້ນໃນວັນທີ 11 ກຸມພາ 2020 ທີ່ນະຄອນຫຼວງວຽງຈັນ ເຊິ່ງສາມາດລະດົມທຶນໄດ້ ຫຼາຍກ່ວາ 2 ຕື້ກີບ ຈາກຫຼາຍບໍລິສັດ ແລະ ອົງການຈັດຕັ້ງຕ່າງໆໃນທົ່ວປະເທດ.

ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ໄດ້ກ່າວໃນພິທີປຸກລະດົມທຶນຄັ້ງນີ້ວ່າ: ປະເທດລາວ ແລະ ຈີນ ທັງສອງເປັນມິດຕະພາບເຊິ່ງກັນ ແລະ ກັນ. ດັ່ງນັ້ນ ໃນຍາມທີ່ເພື່ອນພົບຄວາມຫຍຸ້ງຍາກນີ້ ພວກເຮົາຈຶ່ງໄດ້ຈັດງານລະດົມທຶນ ເພື່ອຈັດຊື້ອຸປະກອນທີ່ຈຳເປັນ ໄປຊ່ວຍເຫຼືອເພື່ອນມິດເພື່ອສະແດງເຖິງນໍ້າໃຈ, ຄວາມເປັນຫ່ວງ ເປັນໃຍ ແລະ ແບ່ງເບົາ ຄວາມທຸກໂສກຂອງເພື່ອນ.

ນັບແຕ່ທ້າຍເດືອນທັນວາ 2019 ເປັນຕົ້ນມາ, ໄດ້ເກີດການລະບາດຂອງພະຍາດປອດອັກເສບ ໂຄໂຣນາ ຢ່າງກວ້າຂວາງ ແລະ ວ່ອງໄວ, ໂດຍເລີ່ມຈາກ ເມືອງ ອູຮັນ ແຂວງ ຫູເປີ່ຍ ສປ ຈີນ, ມາເຖິງປະຈຸບັນແມ່ນໄດ້ແຜ່ລະບາດໄປຫຼາຍແຂວງ ຂອງ ສປ ຈີນ ແລະ ຫຼາຍປະເທດ ນັບທັງທະວີບອາຊີ, ເອີຣົບ, ອາເມລິກາ. ຕາມສະຖິຕິ (ວັນທີ 11/2/2020 ເວລາ 15:50 ໂມງ ມີຜູ້ຕິດເຊື້ອແລ້ວ 43,112 ກໍລະນີ, ມີຜູ້ເສຍຊີວິດ 1,018 ຄົນ, ເຈັບໜັກ 7,333 ກໍລະນີ  ສ່ວນໃຫຍ່ຢູ່ເມືອງ ອູຮັນ ແຂວງ ຫູເປີ່ຍ ໃນຈຳນວນ ຜູ້ຕິດເຊື້ອດັ່ງກ່າວປົວດີແລ້ວ 4,135 ກໍລະນີ).

ສະນັ້ນ, ພັກ-ລັດຖະບານຈີນ ໄດ້ເພີ່ມທະວີໃນການຄວບຄຸມປ້ອງກັນແກ້ໄຂ ໂດຍໃຊ້ຫຼາຍມາດຕະການ, ຫຼາຍນະໂຍບາຍ ເພື່ອຢັບຢັ້ງແກ້ໄຂພະຍາດດັ່ງກ່າວໃຫ້ໝົດໄປ. ໃນນັ້ນ ກໍ່ມີຄວາມຕ້ອງການເຄື່ອງມືອຸປະກອນຈຳນວນຫຼວງຫຼາຍເປັນຕົ້ນແມ່ນ: ຜ້າອັດປາກ-ອັດດັງ ແລະ ຢາລ້າງມື  ເຖິງວ່າຈະມີໂຮງງານຫຼວງຫຼາຍ ກໍ່ບໍ່ອາດຕອບສະໜອງໄດ້ຢ່າງທ່ວງທັນ.

ດ້ານຍອດຜູ້ເສຍຊີວິດມີລາຍງານຫຼ້າສຸດຈາກ Johns Hopkins CSSE ປະຈຳວັນທີ 17 ກຸມພາ 2020 ເວລາ 09.03 ນາທີ ມີຍອດຜູ້ຕິດເຊື້ອໄວຣັດໂຄໂຣນາສາຍພັນໃໝ່ ຫຼື ໂຄວິດ-19 ມີຍອດຜູ້ເສຍຊີວິດ 1,775 ຄົນ, ຮັກສາໄດ້ 10,972 ຄົນ, ຍອດຜູ້ຕິດເຊື້ອສະສົມ 71,329 ຄົນ ຄິດສະເລ່ຍຍອດຜູ້ເສຍຊີວິດ 2,45% ແລະ ຮັກສາເຊົາ 15,38%.

 

ຮຽບຮຽງຂ່າວ: ​ພຸດສະດີ

ບົດຄວາມຫຼ້າສຸດ

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...

ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ

ລາວ-ກໍາປູເຈຍ ລົງນາມສືບຕໍ່ຮ່ວມມືດ້ານການປັກຫຼັກໝາຍຊາຍແດນ ວັນທີ 26 ກໍລະກົດ2025 ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍພະນະທ່ານທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ, ປະທານຄະນະກໍາມະການຊາຍແດນຮ່ວມລາວ-ກໍາປູເຈຍແລະຄະນະຜູ້ແທນຝ່າຍກໍາປູເຈຍນໍາໂດຍພະນະທ່ານລາມເຈຍ,...

ເຫດການຄາຕະກຳ! ເຂີຍໂຫດບໍ່ພໍໃຈເມຍແຊຣໂພສລົງເຟສບຸກ ໃຊ້ອາວຸດປືນຍິງຄອບຄົວ ພ້ອມຈົບຊີວິດຕົນເອງ ລວມທົງໝົດ 5 ສົບ

ເຂີຍໂຫດບໍ່ພໍໃຈເມຍ ທີ່ແຊຣລົງເຟສບຸກ ຈຶ່ງກໍ່ເຫດຄາຕະກຳ ແລ້ວຈົບຊີວິດຕົນເອງຕາມ ປກສ ແຂວງຊຽງຂວາງ ລາຍງານວ່າ: ວັນທີ 15 ກໍລະກົດ 2025 ຜ່ານມານີ້, ເຈົ້າໜ້າທີ່ກອງບັນຊາການ ປ້ອງກັບຄວາມສະຫງົບ ແຂວງຊຽງຂວາງໄດ້ຮັບລາຍງານ...

ເດັກນ້ອຍອາຍຸ 11 ປີ ຊາວບຣາຊິນ ມີແຂ້ວ 81 ເຫຼັ້ມ

ແພດສຸດອຶ້ງ! ເດັກນ້ອຍຜູ້ຍິງອາຍຸ 11 ປີ ຊາວບຣາຊິນ ໄປຖອນແຂ້ວຢູ່ຄລີນິກ ແຕ່ຜົນສະແກນພົບວ່າມີແຂ້ວຫຼາຍເຖິງ 81 ເຫຼັ້ມ. ສຳນັກຂ່າວຕ່າງປະເທດລາຍງານໃນວັນທີ 16 ກໍລະກົດ 2025 ຜ່ານມາ, ກ່ຽວກັບເລື່ອງລາວສຸດອຶ້ງເມື່ອມີເດັກນ້ອຍຜູ້ຍິງຊາວບຣາຊິນ...