spot_img
Homeຂ່າວທ້ອງຖິ່ນອະດີດອໍານວຍການລັດວິສາຫະກິດລາວບໍລິການສິນຄ້າຜ່ານແດນ ຖືກຕັດສິນຈຳຄຸກຕະຫຼອດຊີວິດ ໃນຂໍ້ຫາສໍ້ລາດບັງຫຼວງ!

ອະດີດອໍານວຍການລັດວິສາຫະກິດລາວບໍລິການສິນຄ້າຜ່ານແດນ ຖືກຕັດສິນຈຳຄຸກຕະຫຼອດຊີວິດ ໃນຂໍ້ຫາສໍ້ລາດບັງຫຼວງ!

Published on

ໜັງສືພິມລາວພັດທະນາລາຍງານໃຫ້ຮູ້ວ່າ ເມື່ອທ້າຍອາທິດຜ່ານມານີ້, ສານປະຊາຊົນນະຄອນຫຼວງວຽງຈັນ, ໄດ້ຕັດສິນລົງໂທດພະນັກງານຂອງລັດວິສາຫະກິດລາວບໍລິການສິນຄ້າຜ່ານແດນທີ່ຂຶ້ນກັບກະຊວງການເງິນຄື: ທ້າວ ຄໍາແພງ ອາຍຸ 62 ປີ ອະດີດຜູ້ອໍານວຍການລັດວິສາຫະກິດດັ່ງກ່າວ, ຢູ່ບ້ານ ຈອມເພັດ ເມືອງ ສີສັດຕະນາກ ນະຄອນຫຼວງວຽງຈັນ ໃຫ້ຈໍາຄຸກຕະຫຼອດຊີວິດ, ພ້ອມທັງປັບໄໝຈໍານວນ 1% ຂອງມູນຄ່າທີ່ຜູ້ກ່ຽວໄດ້ສໍ້ລາດບັງຫຼວງເອົາໄປ, ຮິບທີ່ດິນ 2 ຕອນ, ລົດໃຫຍ່ 2 ຄັນເປັນຂອງລັດ ແລະ ພ້ອມທັງໃຫ້ໃຊ້ເງິນທີ່ຍັງຄ້າງຄືນໃຫ້ລັດທັງໝົດ, ພ້ອມນີ້ ແລະ ສານຍັງໄດ້ຕັດສີນລົງໂທດພະນັກງານທີ່ຮ່ວມກະທໍາຜິດປະກອບມີ: ທ້າວ ຈັນທະວີສຸກ ອາຍຸ 57 ປີ ຢູ່ບ້ານ ຈອມແຈ້ງ, ເມືອງ ສີສັດຕະນາກ, ທ້າວ ພອນປະເສີດ ອາຍຸ 48 ປີ ຢູ່ບ້ານ ພະຂາວ ເມືອງ ໄຊທານີ ແລະ ທ້າວ ພູສົມບູນ ອາຍຸ 38 ປີຢູ່ບ້ານ ປາກດົງ, ເມືອງ ທ່າແຂກ ແຂວງ ຄໍາມ່ວນ ໃຫ້ຈໍາຄຸກຜູ້ລະ 18 ປີ, ​ພ້ອມປັບໃໝ 1% ຂອງມູນຄ່າເສຍຫາຍ, ແຕ່ຈໍາເລີຍທັງ 3 ໄດ້ສົ່ງເງິນທີ່ຍັກຍອກຄືນໃຫ້ລັດແລ້ວສານຈຶ່ງພິຈາລະນາຫຼຸດຜ່ອນໂທດເຫຼືອເຄິ່ງໜຶ່ງຄືໃຫ້ຈໍາຄຸກຜູ້ລະ 9 ປີ.

ເຈົ້າໜ້າທີ່ໃຫ້ຮູ້ວ່າ ຈໍາເລີຍທັງ 4 ຄົນ ຖືກເຈົ້າໜ້າທີ່ຈັບຕົວເມື່ອທ້າຍເດືອນມັງກອນ 2019 ຜ່ານມາ, ເຊິ່ງໃນທີ່ປະຊຸມສານໃຫ້ຮູ້ວ່າ: ນັບແຕ່ທ້າວ ຄໍາແພງ ໄດ້ເຂົ້າມາຮັບໜ້າທີ່ເປັນຜູ້ອໍານວຍການລັດວິສາຫະກິດດັ່ງກ່າວນັບແຕ່ປີ 2008 ເປັນຕົ້ນມາ, ກໍເລີ່ມມີການສໍ້ລາດບັງຫຼວງເອົາເງິນຂອງບໍລິສັດຫຼາຍຮູບແບບຄື: ຮັບເງິນນາຍໜ້າຈາກຜູ້ຮັບເໝົາບຸກເບີກເນື້ອທີ່ສ້າງສາງຂອງລັດວິສາຫະກິດບໍລິການຜ່ານແດນຢູ່ແຂວງ ຈໍາປາສັກ ແລະ ຄໍາມ່ວນ, ຕັດຮອນເອົາເງິນຄ່າບໍລິການປ່ຽນຖ່າຍຕູ້ຄອນເທນເນີບ້ວງອາກອນມູນຄ່າເພີ່ມ, ນໍາໃຊ້ບັດວີຊາຂອງຫ້ອງການຖອນເງິນມາໃຊ້ສ່ວນຕົວໃນເວລາໄປຕ່າງປະເທດ ໂດຍໄດ້ຮ່ວມຫົວເຂົ້າກັບພະນັກງານຂອງຕົນຈໍານວນໜຶ່ງ ແລະ ນັກທຸລະກິດທີ່ກ່ຽວພັນກັບວຽກງານທີ່ຕົນເອງຄຸ້ມຄອງເພື່ອສ້າງຄວາມຮັ່ງມີໃຫ້ແກ່ຕົນເອງ ແລະ ພວກພ້ອງແບບບໍ່ຊອບທໍາ ອັນໄດ້ສ້າງຄວາມເສຍຫາຍໃຫ້ແກ່ງົບປະມານລັດເປັນຈໍານວນຫຼາຍຕື້ກີບ. ນອກນີ້, ຜູ້ກ່ຽວຍັງໄດ້ສັ່ງຈ່າຍເງິນບໍາເນັດ-ອຸດໜູນຕ່າງໆໃຫ້ພະນັກງານການນໍາກະຊວງການເງິນ ແລະ ພະນັກງານຂັ້ນການນໍາຂອງແຂວງ ຄໍາມ່ວນ, ຈໍາປາສັກ ແລະ ບໍ່ແກ້ວທີ່ບໍ່ສອດຄ່ອງກັບລະບຽບກົດໝາຍລວມມີທັງໝົດ 343 ຄົນຕົກເປັນມູນຄ່າຫລາຍກວ່າ 6,3 ຕື້ກວ່າກີບ.

 

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...