ລັດຖະບານອັຟອານິສຖານປະກາດປ່ອຍຕົວນັກໂທດກຸ່ມຕາລີບັນ 490 ຄົນຈາກເຮືອນຈຳຕ່າງໆທົ່ວປະເທດເພື່ອສະແດງເຖິງຄວາມເປັນມິດ ຊຶ່ງຖືເປັນສ່ວນໜຶ່ງຂອງຄວາມພະຍາຍາມຊຸກຍູ້ຂະບວນການສັນຕິພາບທີ່ຢຸດນິ້ງໃຫ້ເດີນໜ້າຕໍ່ໄປ.
ລາຍງານຂ່າວຈາກນະຄອນຄູບູລ ປະເທດອັຟການິສຖານເມື່ອວັນທີ 13 ມິຖຸນາຜ່ານມາໃຫ້ຮູ້ວ່າ ທ່ານ ເຟຣອຊ ບາຊາຣີ ຜູ້ອຳ ນວຍການສູນສື່ສານມວນຊົນຂອງອັຟການິສຖານໄດ້ກ່າວວ່າ ກຸ່ມນັກໂທດຕາລີບັນທີ່ໄດ້ຮັບການປ່ອຍຕົວເປັນອິດສະຫຼະແມ່ນເປັນກຸ່ມຄົນທີ່ເຈັບປ່ວຍ ແລະ ຖືກຕັດສິນໂທດຈຳຄຸກບໍ່ເຖິງ 1 ປີ.
ທັງນີ້ ນັກໂທດກຸ່ມດັ່ງກ່າວເປັນສ່ວນໜຶ່ງຂອງນັກໂທດຈຳນວນ 887 ຄົນທີ່ປະທານາທິບໍດີ ອັຊຣັຟ ການີ ຂອງອັຟອານິສຖານສັ່ງປ່ອຍຕົວເພື່ອສະຫຼອງເທສະການວັນຢຸດ ອີດິ້ລ ຟີຕຣີ ພາຍລັງສິ້ນສຸດເດືອນຣໍມະດອນ (ສິນອົດຂອງຊາວມຸດສະລິມ) ເມື່ອຕົ້ນເດືອນມິຖຸນາຜ່ານມາ ແຕ່ກໍຍັງບໍ່ທັນມີການລະບຸວ່ານັກໂທດທັງໝົດຈະຖືກປ່ອຍຕົວເມື່ອໃດ?.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: dailynews.co.th