spot_img
Homeຂ່າວຕ່າງປະເທດຫວຽດນາມ - ຣັດເຊຍ ຫວັງບັນລຸເຂດການຄ້າເສລີ ຕັ້ງເປົ້າມູນຄ່າການຄ້າປີໜ້າ 7,000 ລ້ານໂດລາ

ຫວຽດນາມ – ຣັດເຊຍ ຫວັງບັນລຸເຂດການຄ້າເສລີ ຕັ້ງເປົ້າມູນຄ່າການຄ້າປີໜ້າ 7,000 ລ້ານໂດລາ

Published on

 

ຫວຽດນາມ ແລະ ລັດເຊຍ ພະຍາຍາມທີ່ຈະກະຕຸ້ນມູນຄ່າການຄ້າທະວິພາຄີໃຫ້ໄດ້ 7,000 ລ້ານໂດລາ ໃນປີ 2015 ແລະ

ເພີ່ມເປັນ 10,000 ລ້ານໂດລາໃນປີ 2020.

 

ແຫລ່ງຂ່າວຕ່າງປະເທດລາຍງານ ໃນວັນທີ 6 ຕຸລາ 2014 ນີ້ ໂດຍອ້າງຕາມການລະບຸຂອງ ທ່ານ ດ່ວານ ຊວີ ເຄືອງ ຮອງ

ປະທານສະພາການຄ້າ ແລະ ອຸດສາຫະກຳຫວຽດນາມວ່າ ທັງສອງຝ່າຍພະຍາຍາມທີ່ຈະບັນລຸການເຈລະຈາຂໍ້ຕົກລົງເຂດ

ການຄ້າເສລີລະຫວ່າງຫວຽດນາມ ແລະ ສະຫະພາບອາກອນເບລາຣຸສ ຄາຊັກສະຖານ ແລະ ຣັດເຊຍ ເຊິ່ງຫາກຂໍ້ຕົກລົງ

ດັ່ງກ່າວໄດ້ລົງນາມກັນແລ້ວ ຈະເຮັດໃຫ້ເປົ້າໝາຍມູນຄ່າການຄ້າທະວິພາຄີໃນປີ 2015 ແລະ ປີ 2020 ສາມາດບັນລຸງໄດ້.

 

ໃນກອງປະຊຸມທຸລະກິດຫວຽດນາມ – ຣັດເຊຍ ທີ່ຈັດຂຶ້ນໃນນະຄອນຫລວງຮ່າໂນ້ຍ ທ່ານ ອັນເດຣ ກັອບຕຸນ ເອກອັກຄະ

ລັດຖະທູດຣັດເຊຍປະຈຳຫວຽດນາມໄດ້ກ່າວວ່າ ໃນຊ່ວງບໍ່ພໍເທົ່າໃດປີຜ່ານມາ ຫວຽດນາມໄດ້ເປັນໜຶ່ງໃນພາກພື້ນອາຊີ

ປາຊີຟິກ ທີ່ຣັດເຊຍໄດ້ໃຫ້ຄວາມສຳຄັນເປັນອັນດັບຕົ້ນໆໃນດ້ານເສດຖະກິດ ແລະ ການເມືອງ.

 

ກອງປະຊຸມທຸລະກິດຫວຽດນາມ – ຣັດເຊຍ ແມ່ນມີບໍລິສັດຂອງຣັດເຊຍເຂົ້າຮ່ວມ 25 ລາຍ ແລະ ຕ້ອງການຫາໂອກາດ

ໃນການດຳເນີນທຸລະກິດກັບບໍລິສັດຂອງຫວຽດນາມ ໃນດ້ານເຕັກໂນໂລຊີ, ການສື່ສານ ແລະ ໂທລະຄົມມະນາຄົມ, ສຸຂະ

ພາບ ແລະ ການຢາ, ສິ່ງແວດລ້ອມ, ພະລັງງານ, ເຄື່ອງກົນຈັກ, ອຸດສາຫະກຳລົດຍົນ, ການແຍກໂລຫະອອກຈາກແຮ່,

ນ້ຳມັນເຊື້ອໄຟ ແລະ ອາຍແກັສ ດັ່ງນີ້ເປັນຕົ້ນ.

 

ໃນປີ 2013 ຜ່ານມາ ມູນຄ່າການຄ້າທະວິພາຄີລະຫວ່າງຫວຽດນາມ ແລະ ຣັດເຊຍ ມີຫລາຍເກືອບ 4,000 ລ້ານໂດລາ

ໃນຂະນະທີ່ຕົວເລກໃນຊ່ວງ 7 ເດືອນທຳອິດຂອງປີ 2014 ແມ່ນຢູ່ປະມານ 2,000 ລ້ານໂດລາ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...