spot_img
Homeຂ່າວພາຍ​ໃນ"ປືນ" ອາດບໍ່ຊ່ວຍແກ້ໄຂໄດ້ທຸກບັນຫາ!

“ປືນ” ອາດບໍ່ຊ່ວຍແກ້ໄຂໄດ້ທຸກບັນຫາ!

Published on

ສັງຄົມອອນລາຍໃນປັດຈຸບັນກຳລັງວິພາກວິຈານກ່ຽວກັບວິດີໂອຄລິບ ແລະ ຮູບພາບຂອງຄົນທີ່ກຳລັງຖືປືນ ຊຶ່ງໄດ້ກ່າວອ້າງອິດທິພົນຂອງຕົນເອງ ແລະ ພະຍາຍາມໃຊ້ປືນໃນການແກ້ໄຂບັນຫາ ຊຶ່ງກໍມີຫຼາຍກໍລະນີທີ່ຜ່ານມາແມ່ນບໍ່ມີບັນຫາໃດທີ່ສາມາດແກ້ໄຂໄດ້ໂດຍການໃຊ້ອາວຸດປືນ ກົງກັນຂ້າມຍິ່ງເຮັດໃຫ້ສະຖານະການຮ້າຍແຮງຂຶ້ນຕື່ມເມື່ອມີປືນເຂົ້າມາມາກ່ຽວຂ້ອງ.

ເຫັນໄດ້ໃນກໍລະນີທີ່ເກີດຂຶ້ນເມື່ອບໍ່ດົນມານີ້ ຊຶ່ງມີເຈົ້າໜ້າທີ່ຕຳຫຼວດຄົນໜຶ່ງເກີດຂໍ້ຂັດແຍ່ງກັນເລັກນ້ອຍຈາກການເກີດອຸບັດເຫດ ເເລະ ໄດ້ຈົກປືນອອກມາຂົ່ມຂູ່ຄູ່ກໍລະນີ ແລະ ເຫດການດັ່ງກ່າວກໍຖືກຖ່າຍຄລິບວິດີໂອເອົາໄວ້ ຊຶ່ງກໍລະນີດັ່ງກ່າວຖືເປັນການໃຊ້ອຳ ນາດໃນທາງບໍ່ຖືກຕ້ອງ ແລະ ບໍ່ເໝາະສົມ ແລະ ໄດ້ເກີດກະເເສຄຳເວົ້າທີ່ວ່າ ມຶງລູກໃຜ? ໃນຂະນະທີ່ຍົກປືນຂຶ້ນມາຂົ່ມຂູ່ຄູ່ກໍລະນີ ແຕ່ໂຊກຍັງດີປືນທີ່ລາວຈົກອອກມານັ້ນຍິງບໍ່ອອກ ແຕ່ວ່າການກະທຳດັ່ງກ່າວກໍກາຍເປັນເລື່ອງທີ່ຖືກເວົ້າເຖິງໄວທີ່ສຸດເທິງໂລກ ອອນລາຍ.

ດັ່ງນັ້ນ ຈິ່ງເກີດຄຳຖາມຂຶ້ນມາວ່າ ເປັນຫຍັງຊາຍຄົນນັ້ນຈິ່ງຈົກປືນລາວອອກຢ່າງໄວວາ? ແທນທີ່ຈະສະຫງົບສະຕິອາລົມ ແລ້ວຄ່ອຍໆລົມກັນດ້ວຍເຫດ ແລະ ຜົນ ເພື່ອຊອກຫາທາງອອກຮ່ວມກັນກັບຄູ່ກໍລະນີ? ແລະ ຖ້າຫາກວ່າປືນກະບອກນັ້ນສາມາດຍິງອອກມາໄດ້ແທ້? ​ສະຖານະການທີ່ເກີດຂຶ້ນຂະນະນັ້ນຈະເປັນແນວໃດ?​ ຊຶ່ງໃນຂະນະທີ່ເກີດເຫດນັ້ນ ຜູ້ກ່ຽວແມ່ນມີອາການມຶນເມົາພໍສົມຄວນ ຊຶ່ງອາດຈະເຮັດໃຫ້ລາວບໍ່ສາມາດຄວບຄຸມສະຕິຂອງຕົນເອງໄດ້ ແລະ ອາດຈະເກີດມີກໍລະນີຮ້າຍແຮງເຖິງຂັ້ນບາດເຈັບ ຫຼື ເສຍຊີວິດກໍເປັນໄດ້  ຈາກເຫດການດ່ັ່ງກ່າວສັງຄົມອອນລາຍກໍມີການແຊຣຄລິບອີກຄລີບໜຶ່ງທີ່ເຫດການຄ້າຍຄືກັນຊຶ່ງເປັນ ເຫດການທີ່ກ່ຽວກັບຄວາມຂັດແຍ່ງທາງດ້ານທີ່ດິນ ຊຶ່ງເຈົ້າຂອງດິນໄດ້ຈົກປືນອອກມາຍິງຂຶ້ນຟ້າເຖິງສີ່ຄັ້ງ ເພື່ອເປັນການຂົ່ມຂູ່ໃຫ້ຄູ່ກໍລະນີຖອຍອອກຫ່າງຈາກຕົນເອງ.

ລອງມາຄິດນຳກັນເບິ່່ງວ່າຈະເກີດຫຍັງຂຶ້ນ? ຖ້າຫາກຄູ່ກໍລະນີທີ່ເກີດຂໍ້ຂັດເເຍ່ງກັນນັ້ນກໍຖືອາວຸດປືນມາເຊັ່ນດຽວກັນ? ແນ່ນອນຫາກທັງສອງມີອາວຸດປືນຢູ່ໃນມືອາດຈະມີເຫດການຍິງກັນເກີດຂຶ້ນ ຊຶ່ງຄວາມເປັນຈິງແລ້ວຄວາມຂັດແຍ່ງຕ່າງໆເຫຼົ່ານີ້ແມ່ນສາມາດແກ້ໄຂໄດ້ໂດຍສັນຕິວິທີເຊັ່ນ ການປຶກສາຫາລືກັນຂອງທັງສອງຝ່າຍຜ່ານຫ້ອງການບ້ານ ໜ່ວຍງານໄກ່ເກ່ຍຂອງລັດຖະບານ ຫຼື ໃນລະດັບສານປະຊາຊົນ.

ຂະນະທີ່ເກີດເຫດການດ່ງກ່າວນັ້ນ ເປັນຊ່ວງໄລຍະທີ່ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີກຳລັງສົ່ງຂໍ້ຄວາມສະແດງຄວາມເສົ້າສະຫຼົດໃຈ ແລະ ເຫັນອົກເຫັນໃຈໄປຍັງເຫຍື່ອອາດຊະຍາກຳຄວາມຮຸນແຮງຈາກການນຳໃຊ້ອາວຸດປືນກາດຍິງປະຊາຊົນທີ່ປະເທດນິວຊີແລນ ມັນເປັນເລື່ອງສຳຄັນທີ່ຕ້ອງຍົກເອົາເລື່ອງດັ່ງກ່າວຂຶ້ນມາເວົ້າໃນບ້ານເຮົາເພື່ອບໍ່ໃຫ້ມີເຫດການດັ່ງກ່າວເກີດຂຶ້ນຊ້ຳອີກ ຢ່າງໃດກໍຕາມ ການນຳເອົາອາວຸດປືນເຂົ້າມາກ່ຽວຂ້ອງໃນກໍລະນີທີ່ເກີດຂໍ້ຂັດເເຍ່ງຈະກາຍເປັນການສ້າງບັນຫາໃຫ້ບານປາຍ ແລະ ທະວີຄວາມຮຸນແຮງຂຶ້ນໄປອີກ.

ອາວຸດປືນຈະບໍ່ສາມາດຊ່ວຍແກ້ໄຂບັນຫາຫຍັງໄດ້ເລີຍ ທາງທີ່ດີຄວນຈະນຳເອົາບັນຫາໄປພົບໜ່ວຍງານທີ່ກ່ຽວຂ້ອງເພື່ອຊ່ວຍພິຈາ ລະນາ ແລະ ແກ້ໄຂ ວາງອາວຸດປືນຂອງທ່ານໄວ້ ແລະ ສຶກສາລະບຽບກົດໝາຍ ເພື່ອນຳເອົາຂໍ້ໄດ້ປຽບທາງດ້ານກົດໝາຍນັ້ນມາ ເປັນຕົວຊ່ວຍໃນການແກ້ບັນຫາໃນເວລາທ່ານມີຂໍ້ຂັດເເຍ່ງແມ່ນເປັນການດີທີ່ສຸດ ທັງນີ້ ປະເທດຂອງພວກເຮົາແມ່ນປະເທດມີຄວາມສະຫງົບ ແລະ ປອດໄພ ແຕ່ທ່ານຈະເຮັດໃຫ້ບ້ານເມືອງມີຄວາມອັນຕະລາຍຖ້າຫາກທ່ານນຳໃຊ້ອາວຸດປືນແກ້ໄຂບັນຫາ.

 

 

 

 

 

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...