ຄົນຈີນຈອງຊື້ ໄອໂຟນ 6 ຍອດພຸ່ງ 2 ລ້ານເຄື່ອງພາຍໃນ 6 ຊົ່ວໂມງ ເຜີຍຍອດສັ່ງຈະຂຶ້ນໄປອີກ ຫລັງເປີດໃຫ້ຈອງຜ່ານ
ເວັບໄຊຢ່າງເປັນທາງການ.
ສຳນັກຂ່າວຕ່າງປະເທດລາຍງານ ໃນວັນທີ 2 ຕຸລານີ້ວ່າ ທາງການຈີນໃຫ້ໃບອະນຸຍາດແກ່ບໍລິສັດແອັບເປີ້ນ ເພື່ອຈັດຈຳ
ໜ່າຍສະມາດໂຟນລຸ້ນ ໄອໂຟນ 6 ແລະ ໄອໂຟນ 6 ພລັສ ແລ້ວ ໂດຍໄອໂຟນໃໝ່ລ່າສຸດນີ້ ຈະວາງຂາຍໃນຈີນຢ່າງເປັນ
ທາງການໃນວັນທີ 17 ຕຸລາ 2014 ທີ່ຈະມາເຖິງ. ລ່າສຸດເວັບໄຊເວິຍເຟິງ ເຊິ່ງເປັນເວັບດ້ານເຕັກໂນໂລຊີຂອງຈີນ ໄດ້ເປີດ
ເຜີຍວ່າ ຈາກຍອດການສັ່ງຈອງລ່ວງໜ້າຂອງຜູ້ໃຫ້ບໍລິການເຄືອຂ່າຍຍັກໃຫຍ່ຂອງຈີນ 3 ເຈົ້າ ເຊິ່ງປະກອບໄປດ້ວຍ:
ໄຊນ່າ ໂມບາຍ, ໄຊນ່າ ຢູນິຄອມ ແລະ ໄຊນ່າ ເທເລຄອມ ນັ້ນ ເມື່ອນຳເອົາໂຕເລກມາລວມກັນ ແມ່ນຈະມີຫລາຍເຖິງ 2
ລ້ານເຄື່ອງແລ້ວ ພາຍໃນໄລຍະພຽງແຕ່ 6 ຊົ່ວໂມງເທົ່ານັ້ນ.
ຢ່າງໃດກໍຕາມ ຕົວເລກສັ່ງຈອງ 2 ລ້ານເຄື່ອງດັ່ງກ່າວນີ້ ຍັງບໍ່ທັນໄດ້ນັບລວມກັບເຄື່ອງທີ່ຈະຖືກສັ່ງຈອງຜ່ານທາງເວັບ
ໄຊຢ່າງເປັນທາງການຂອງແອັບເປິ້ນໃນປະເທດຈີນ ເຊິ່ງຈະເປີດໃຫ້ເລີ່ມສັ່ງຈອງໄດ້ຕັ້ງແຕ່ວັນທີ 10 ຕຸລາ 2014 ທີ່ຈະມາ
ເຖິງນີ້ ລວມເຖິງຍອດສັ່ງຈອງຜ່ານເວັບໄຊຂອງຜູ້ໃຫ້ບໍລິການໂທລະສັບມືຖືລາຍໃຫຍ່ທັງ 3 ແລະ ຜູ້ໃຫ້ຈຳໜ່າຍລາຍ
ຍ່ອຍ ທີ່ໄດ້ຮັບອະນຸຍາດອີກ ກ່ອນທີ່ເຄື່ອງຈະວາງຈຳໜ່າຍແທ້ຈິງໃນວັນທີ 17 ຕຸລາ 2014 ນັ້ນ ຕົວເລກສັ່ງຈອງລ່ວງ
ໜ້າຂອງ ໄອໂຟນ 6 ສຳລັບຕະຫລາດຈີນ ແມ່ນຍັງຈະມີຈຳນວນເພີ່ມຂຶ້ນອີກຢ່າງແນ່ນອນ.