ແດນມັງກອນ ນັບຖອຍຫລັງຈູດພຸເພື່ອສະຫລອງເສັ້ນທາງລົດໄຟຄວາມໄວສູງ ສາຍຍາວທີ່ສຸດໃນໂລກ ເຊື່ອມດິນແດນ
ອັນຫ່າງໄກທາງພາກຕາເວັນຕົກກັບນະຄອນຫລວງປັກກິ່ງ.
ເສັ້ນທາງລົດໄຟຄວາມໄວສູງ ຫລັນໂຈວ-ຊິນຈຽງ ສາຍທຳອິດຂອງເຂດປົກຄອງຕົນເອງຊິນຈຽງ ຊົນຊາດອຸຍກູ ເຊິ່ງເລີ່ມ
ກໍ່ສ້າງມາຕັ້ງແຕ່ປີ 2009 ຈະເປີດໃຫ້ບໍລິການແກ່ປະຊາຊົນ ແລະ ນັກທ່ອງທ່ຽວໃນກາງເດືອນຕຸລານີ້ ໂດຍເຊື່ອມຕໍ່ການ
ເດີນທາງລະຫວ່າງຊິນຈຽງ ແຂວງການຊູ່ ແລະ ແຂວງຊິງໄຫ່ ທີ່ຕັ້ງຢູ່ໃກ້ຄຽງ ລວມເຖິງຫລຸດໄລຍະເວລາຈາກເດີມ 12 ຊົ່ວ
ໂມງ ເຫລືອພຽງແຕ່ 8 ຊົ່ວໂມງເທົ່ານັ້ນ.
ນອກຈາກນີ້ ຍັງຊ່ວຍຫລຸດໄລຍະເວລາການເດີນທາງຈາກນະຄອນຫລວງປັກກິ່ງ ໄປທາງພາກເໜືອຂອງປະເທດ ເຖິງ
ນະຄອນອູຣຸມຊີ ເມືອງເອກຂອງແຂວງຊິນຈຽງ ເຊິ່ງເມື່ອກ່ອນໃຊ້ເວລາ 40 ຊົ່ວໂມງ ຫລຸດລົງເຫລືອແຕ່ 20 ຊົ່ວໂມງ.
ທາງການຈີນ ໄດ້ທຸ່ມງົບປະມານ 143,500 ລ້ານຢວນ ກັບໂຄງການກໍ່ສ້າງເສັ້ນທາງລົດໄຟຄວາມໄວສູງສາຍຍາວທີ່ສຸດ
ໃນໂລກ ທີ່ມີຄວາມຍາວກ່ວາ 1,776 ກິໂລແມັດ ໂດຍປະກອບໄປດ້ວຍສະຖານີຍ່ອຍ 31 ສະຖານີ ແລະ ມີຄວາມໄວໃນ
ການເດີນທາງສູງເຖິງ 250 ກິໂລແມັດຕໍ່ຊົ່ວໂມງ.