spot_img
Homeຂ່າວພາຍ​ໃນຫົວໜ້າຈະລາຈອນ ນວ. ແຈ້ງ! ເມົາແລ້ວຂັບປັບໃໝ 20 ເທົ່າຍັງປະຕິບັດບໍ່ໄດ້

ຫົວໜ້າຈະລາຈອນ ນວ. ແຈ້ງ! ເມົາແລ້ວຂັບປັບໃໝ 20 ເທົ່າຍັງປະຕິບັດບໍ່ໄດ້

Published on

ອີງຕາມຂໍ້ຕົກລົງ ສະບັບເລກທີ 1323/ຈນວ ລົງວັນທີ 21 ທັນວາ 2018 ມາດຕະການຫຼຸດຜ່ອນອຸບັດຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ ທີ່ໄດ້ເຜີຍອອກສື່ສັງຄົມອອນລາຍ ໃນມາດຕາ 13 ລະບຸໄວ້ວ່າ ກໍລະນີຜູ້ຂັບຂີ່ພາຫະນະດື່ມເຄື່ອງດື່ມທີ່ມີທາດເຫຼົ້າ ແລະ ເສບສິ່ງມຶນເມົາເປັນຕົ້ນເຫດພາໃຫ້ເກີດອຸບັດຕິເຫດ ແມ່ນໃຫ້ນຳໃຊ້ມາດຕະການສູງສຸດ ຄັ້ງທີ 4 ນັ້ນຄືການຂຽນໃບຮັບສາລະພາບລະເມີດກົດຈະລາຈອນ, ຢຶດໃບຂັບຂີ່ເລີຍ ຮອດ 1 ປີ ຈຶ່ງອະນຸຍາດໃຫ້ເສັງໃບຂັບຂີ່ຄືນໃໝ່ ແລະ ປັບໃໝ 20 ເທົ່າ.

ຕໍ່ກັບປະເດັນດັ່ງກ່າວສັງຄົມໄດ້ມີການສະແດງຄວາມຄິດເຫັນຈຳນວນຫຼາຍ ບາງກຸ່ມຄົນກ່າວວ່າມາດຕະການນີ້ເປັນມາດຕະການທີ່ເຂັ້ມງວດເກີນໄປໃນຍຸກທີ່ເສດຖະກິດບໍ່ເອື້ອອຳນວຍປະຊາຊົນຫາເຊົ້າກິນຄໍ່າ ຫຼາຍຄົນແນະນຳວ່າກ່ອນຄວນຈະນຳໃຊ້ຄວນເຮັດແບບທົດລອງກ່ອນ, ໂຄສະນາໃຫ້ຄົນເຊື່ອມຊຶມເຂົ້າໃຈຄັກແນ່ໃນທົ່ວສັງຄົມ ແລະ ບາງຈຳນວນແມ່ນເຫັນດີຕໍ່ມາດຕະການນີ້ ເນື່ອງຈາກຈະເປັນການເອື້ອຍອຳນວຍໃຫ້ຄວາມສະດວກແກ່ປະຊາຊົນ ມີສະຕິລະວັງຕົວ ແລະ ຮັກສຸຂະພາບຫຼາຍຂື້ນ.

ຕໍ່ກັບການປັບໄໝ 20 ເທົ່າ ສຳລັບຜູ້ທີ່ເມົາແລ້ວຂັບລົດ ທ່ານ ພັທ ເພັງສະຫວັນ ທຳມະບູນ ຫົວໜ້າຈະລາຈອນ ນະຄອນຫຼວງວຽງຈັນ ໄດ້ໃຫ້ສຳພາດກ່ຽວກັບເລື່ອງນີ້ກັບທາງໜັງສືພິມລາວພັດທະນາວ່າ ດຳລັດປັບໃໝ 20 ເທົ່າ ຂອງສະພານະຄອນຫຼວງມັນເປັນບ່ອນອີງຂອງສານໄອຍາການ ເປັນຜູ້ປັບໃໝຖ້າວ່າພວກເຮົາດຳເນີນສົ່ງເລື່ອງໄປຫາສານຕັດສິນຈະຖືກປັບໃໝເທົ່ານີ້ ແຕ່່ເຈົ້າໜ້າທີ່ (ຈະລາຈອນ) ບໍ່ໄດ້ປັບໃໝ ເຊິ່ງການປັບໃໝໃນປັນຈຸບັນຍັງອີງໃສ່ການປັບໃໝ ດຳລັດ 188/ນຍ ຢູ່, ຢ້ານສັງຄົມອອນລາຍເຂົ້າໃຈວ່າເຈົ້າໜ້າທີ່ (ຈະລາຈອນ) ຈະປັບໃໝ 10 ເທົ່າ 20 ເທົ່າໃນເວລາດື່ມເຫຼົ້າເມົາແລ້ວເກີດອຸບັດຕິເຫດນັ້ນບໍ່ແມ່ນ ເຊິ່ງການປັບໃໝ 20 ເທົ່ານັ້ນແມ່ນກົດໝາຍຕ່າງຫາກທີ່ສະພາເຂດຮັບຮອງແລ້ວ ແຕ່ສະພາຂັ້ນເທິງຍັງບໍ່ອະນຸຍາດໃຫ້ນຳໃຊ້ ຍັງບໍ່ທັນມີດຳລັດອອກມາ, ຍັງບໍ່ທັນມີແຈ້ງການອອກມານຳໃຊ້ ແລະ ຍັງບໍ່ທັນເຊັນ ເຊິ່ງທາງຈະລາຈອນຍັງລໍຖ້າ.

https://www.facebook.com/Laophattananews/videos/2360554350827810/?epa=SEARCH_BOX

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...