spot_img
Homeຂ່າວຕ່າງປະເທດກຳປູເຈຍສະແດງຄວາມບໍ່ພໍໃຈທີ່ອີຢູກຽມຍົກເລີກສິດພິເສດທາງການຄ້າ

ກຳປູເຈຍສະແດງຄວາມບໍ່ພໍໃຈທີ່ອີຢູກຽມຍົກເລີກສິດພິເສດທາງການຄ້າ

Published on

ສຳນັກຂ່າວຕ່າງປະເທດລາຍງານຈາກປະເທດກຳປູເຈຍ ເມື່ອວັນທີ 13 ກຸມພາ 2019ວ່າ ສົມເດັດຮຸນເຊນ ນາຍົກລັດຖະມົນຕີກຳປູເຈຍ ກ່າວເມື່ອວັນອັງຄານທີ່ຜ່ານມາ ຫຼັງສະຫະພາບເອີຣົບ (ອີຢູ) ເລີ່ມຂະບວນການພິຈາລະນາຄວາມຮ່ວມມືທາງດ້ານການຄ້າກັບກຳປູເຈຍ ທີ່ອາດນຳໄປສູ່ການຖອດຖອນສິດຜົນປະໂຫຍດທາງດ້ານການຄ້າຂອງກຳປູເຈຍໃນການເຂົ້າເຖິງລະບົບຕະຫຼາດດຽວຂອງສະຫະພາບວ່າ ອະທິປະໄຕຂອງກຳປູເຈຍກຳລັງຖືກແຊກແຊງຈາກພາຍນອກ ແລະ ເລື່ອງນີ້ບໍ່ສາມາດໃຊ້ເປັນເງື່ອນໄຂຕໍ່ການແລກປ່ຽນໃດໆ.

ເຖິງແມ່ນວ່າ ສົມເດັດ ຮຸນເຊນ ບໍ່ໄດ້ເອີ່ຍເຖິງປະເດັນການຖອນສິດການຄ້າພິເສດຈາກອີຢູ ໂດຍກົງ ແຕ່ກະຊວງການຕ່າງປະເທດຂອງກຳປູເຈຍອອກຖະແຫຼງການໃນເວລາຕໍ່ມາວ່າ ມະຕິຂອງອີຢູນັ້ນ “ບໍ່ຍຸດຕິທຳທີ່ສຸດ” ແລະ ເປັນການດຳເນີນການພຽງຝ່າຍດຽວ ໂດຍລາຍງານຂອງຄະນະກຳມະການເອີຣົບ (ອີຊີ) ເຊິ່ງເປັນຝ່າຍບໍລິຫານຂອງອີຢູ ລະບຸການເລີ່ມຂະບວນການດັ່ງກ່າວໃນວັນທີ 12 ກຸມພາ 2019ທີ່ຜ່ານມາ ເຊິ່ງຈະມີກຳນົດໄລຍະເວລາ 18 ເດືອນ ຖ້າຫາກມາຕະການຂວໍ້າບາດເກີດຂຶ້ນແທ້ ກຳແພງພາສີອີຢູຕໍ່ສິນຄ້າປະເພດເຄື່ອງນຸ່ງຫົ່ມຈາກກຳປູເຈຍຈະມີລາຄາເພີ່ມຂຶ້ນສູງສຸດ 12% ແຕ່ສຳລັບຖົງຕີນຈະຢູ່ທີ່ລະຫວ່າງ 7-17% ດ້ານສະຫະພາບແຮງງານຂອງກຳປູເຈຍປະເມີນວ່າການຖອນສິດການຄ້າພິເສດຈາກອີຢູອາດສົ່ງຜົນໃຫ້ປະເທດສູນເສຍລາຍຮັບເຖິງ 700 ລ້ານໂດລາຕໍ່ປີ.

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...