spot_img
Homeຂ່າວຕ່າງປະເທດຊາວອາເມຣິກັນກ່ວາ 45 ລ້ານຄົນ ມີຊີວິດການເປັນຢູ່ ຕ່ຳກ່ວາເສັ້ນຄວາມທຸກຍາກ!

ຊາວອາເມຣິກັນກ່ວາ 45 ລ້ານຄົນ ມີຊີວິດການເປັນຢູ່ ຕ່ຳກ່ວາເສັ້ນຄວາມທຸກຍາກ!

Published on

 

ຜົນສຳຫລວດລ່າສຸດຂອງສະຫະລັດເປີດເຜີຍວ່າ ປະຊາກອນອາເມຣິກັນຈຳນວນຫລາຍກ່ວາ 45 ລ້ານຄົນ ຍັງຄົງ

ມີສະພາບຄວາມເປັນຢູ່ຕ່ຳກ່ວາເສັ້ນຄວາມທຸກຍາກ.

 

ສຳນັກຂ່າວຕ່າງປະເທດລາຍງານ ໂດຍອ້າງການເປີດເຜີຍຂອງສຳນັກງານສຳມະໂນປະຊາກອນສະຫະລັດ ທີ່ມີການ

ເຜີຍແຜໃນວັນອັງຄານທີ 16 ກັນຍາ 2014 ຜ່ານມານີ້ ໂດຍຜົນຂອງການສຳຫລວດຄັ້ງລ່າສຸດ ໃນປີ 2013 ພົບວ່າ

ຊາວອາເມຣິກັນຈຳນວນຫລາຍກ່ວາ 45 ລ້ານຄົນ ຫລື 14.5% ຂອງຈຳນວນປະຊາກອນທັງໝົດ 318.75 ລ້ານຄົນ

ແມ່ນຍັງຄົງມີຊີວິດການເປັນຢູ່ໃນລະດັບຕ່ຳກ່ວາ ເສັ້ນຄວາມທຸກຍາກ ຫລື ໝາຍເຖິງການມີລະດັບລາຍຮັບຕ່ຳ

ກ່ວາ 23,850 ໂດລາສະຫະລັດ ຫລື ຕ່ຳກ່ວາປະມານ 191 ລ້ານກີບຕໍ່ປີ ສຳລັບຄອບຄົວທີ່ມີສະມາຊິກ 4 ຄົນ.

 

ອັດຕາສ່ວນຂອງຄົນທຸກຍາກໃນສະຫະລັດອາເມຣິກາ ທີ່ຖືກເຜີຍແຜ່ອອກມາລ່າສຸດ ແມ່ນຢູ່ທີ 14.5% ນັ້ນ ຖືວ່າ

ໄດ້ຫລຸດລົງມາພຽງເລັກໜ້ອຍ ເມື່ອທຽບກັບອັດຕາສ່ວນຄົນທຸກຍາກຢູ່ທີ່ 15% ຂອງການສຳຫລວດໃນປີ 2012

ແລະ ຍັງຄົງສູງກ່ວາອັດຕາສ່ວນຄົນທຸກຍາກໃນສະຫະລັດອາເມຣິກາ ເມື່ອປີ 2007 ທີ່ມີຢູ່ 12.3% ເຊິ່ງປີນັ້ນ ແມ່ນ

ຖືເປັນປີທີ່ອາເມຣິກາເລີ່ມກ້າວເຂົ້າສູ່ສະພາວະເສດຖະກິດຖົດຖອຍ ເມື່ອທ້າຍປີ 2007.

 

ຜົນການສຳຫລວດຍັງຄົງພົບວ່າ ປະມານ 1 ໃນ 3 ຂອງຄອບຄົວຊາວອາເມຣິກັນ ທີ່ມີຄວາມເປັນຢູ່ທີ່ຕ່ຳກ່ວາເສັ້ນ

ຄວາມທຸກຍາກໃນຂະນະນີ້ ແມ່ນມີຫົວໜ້າຄອບຄົວເປັນເພດຍິງ ເຊິ່ງຕົກເປັນ 15.6 ລ້ານຄົວເຮືອນ.

 

ຍິ່ງໄປກ່ວານັ້ນ ຜົນການສຳຫລວດຍັງພົບວ່າ ອັດຕາສ່ວນຂອງຄົນຜິວດຳທີ່ທຸກຍາກໃນສະຫະລັດອາເມຣິກາໃນປີ

ທີ່ຜ່ານມາ ຍັງຄົງຢູ່ທີ່ລະດັບ 27.2% ເຊິ່ງເປັນລະດັບທີ່ບໍ່ມີການປ່ຽນແປງເລີຍ ຈາກການສຳຫລວດເມື່ອປີ 2012

ແລະ ຍັງຄົງຢູ່ສູງກ່ວາອັດຕາສ່ວນຄົນຜິວດຳທີ່ທຸກຍາກ 24.3% ໃນປີ 2007 ກ່ອນເສດຖະກິດຂອງສະຫະລັດຈະ

ກ້າວເຂົ້າສູ່ສະພາວະຖົດຖອຍອີກດ້ວຍ.

 

557000011071902

Homeless man begs for money in the Financial District in San Francisco

Homeless-Street-People

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...