spot_img
Homeຂ່າວ​ໄອ​ທີວິທີແກ້ໄຂເວລາຖືກໄວຮັສໃນເຟສບຸກ

ວິທີແກ້ໄຂເວລາຖືກໄວຮັສໃນເຟສບຸກ

Published on

ຖ້າຫາກທ່ານເຫັນໝູ່ເພື່ອນຂອງທ່ານໃນ Facebook ໂພສລິ້ງແປກໆເຊັ່ນ ຄລິບລາມົກອະນາຈານ ຫຼື ຂ່າວທີ່ບໍ່ເປັນຄວາມຈິງ ເຊິ່ງເປັນສິ່ງທີ່ເຮົາໝັ້ນໃຈວ່າໝູ່ຂອງເຮົາບໍ່ໂພສແບບນີ້ແນ່ນອນ, ສິ່ງທີ່ໂພສນັ້ນອາດຈະແມ່ນ ໄວຣັສ (ຫຼືເອີ້ນວ່າ Malwares) ແລະ ໃນບາງຄັ້ງໝູ່ຂອງທ່ານກໍບໍ່ຮູ້ວ່າເຂົາເຈົ້າຖືກໄວຣັສໂຕນີ້ໄປແລ້ວ. ຖ້າຫາກເຮົາບັງເອີນໄປກົດທີ່ລິ້ງໃນໂພສນັ້ນ, ເຮົາກໍອາດຈະຖືກໄວຣັສ ເອົາເຟສບຸກຂອງເຮົາໄປໂພສລິ້ງນັ້ນຕໍ່ ແລະ ແທັກຕໍ່ໝູ່ຂອງເຮົາທຸກຄົນ ສ້າງຕ່ອງໂສ້ໄວຣັສໄປເລື້ອຍໆ. ເຮົາສາມາດກວດສອບ ແລະ ແກ້ໄຂບັນຫານີ້ຄື:

  1. ປ່ຽນລະຫັດເຂົ້າເຟສບຸກຂອງທ່ານທັນທີ

ປ່ຽນລະຫັດຜ່ານເຟສບຸກທັນທີທີ່ຮູ້ວ່າທ່ານຕິດໄວຣັສນີ້ ໂດຍກົດເລືອກເຄື່ອງໝາຍ ∇ ສາມຫຼ່ຽມ ຢູ່ແຖບດ້ານເທິງ (1) >> ເລືອກການຕັ້ງຄ່າ ຫຼື Setting (2) >> >> ກົດເຂົ້າຄວາມປອດໄພ ຫຼື Securit and Login (3) >> ຈາກນັ້ນກໍປ່ຽນລະຫັດຜ່ານ (4) ທີ່ຄາດເດົາໄດ້ຍາກຂຶ້ນ (ແຕ່ທ່ານຢ່າລືມລະຫັດໃໝ່ຂອງທ່ານເດີ້).

2. ລຶບແອ໋ບໃນ Facebook ທີ່ຕ້ອງສົງໃສ

ເມື່ອປ່ຽນລະຫັດຜ່ານຮຽບຮ້ອຍແລ້ວ, ຂັ້ນຕອນຕໍ່ໄປແມ່ນລຶບແອ໋ບທີ່ຕິດໄວຣັສນັ້ນອອກຈາກເຟສບຸກຂອງທ່ານ ໂດຍຢູ່ໜ້າຕ່າງເກົ່າ ແລ້ວຄລິກ ແອັບ ແລະ ເວັບໄຊ້ ຫຼື Apps and Websites ເພື່ອເບິ່ງວ່າທ່ານຕິດຕັ້ງແອ໋ບໃດແນ່ໃນເວັບໄຊ້ຂອງທ່ານ ເຊິ່ງແອັບດັ່ງກ່າວອາດຈະເປັນແອັບທີ່ທ່ານຕັ້ງໃຈ ຫຼື ບໍ່ໄດ້ຕັ້ງໃຈຕິດຕັ້ງໄວ້ກໍໄດ້. ຖ້າຫາກແອັບໃດທີ່ທ່ານບໍ່ໄດ້ໃຊ້ໃນຊີວິດປະຈໍາວັນ, ທ່ານຄວນຈະລຶບແອັບນີ້ຖິ້ມໄປ ຫຼື ທ່ານສາມາດລຶບແອັບທັງໝົດອອກເລີຍກໍໄດ້ ແລ້ວຈິ່ງຕິດຕັ້ງແອັບທີ່ທ່ານໃຊ້ຕົວຈິງ.

3. ລົງໂປຣແກຣມແອນຕີ້ໄວຣັສ ຫຼື ໂປຣແກຣມປ້ອງກັນຊອບແວ

ເພື່ອປ້ອງກັນໃຫ້ເຟສບຸກຂອງທ່ານປອດໄພຢູ່ສະເໝີ, ທ່ານຄວນຈະລົງໂປຣແກຣມປ້ອງກັນຊອບແວ ຫຼື ກວດແອນຕີ້ໄວຣັສຢູ່ສະເໝີ. zdnet.com ແນະນໍາບາງໂປຣແກຣມສຳລັບປ້ອງກັນຊອບແວຂອງທ່ານໄດ້ແກ່ Microsoft Security EssentialsMalwarebytesAvira ແລະ Avast ເຊິ່ງເປັນໂປຣແກຣມຟຣີທັງໝົດ. ໂປຣແກຣມທີ່ກ່າວມາເປັນໂປຣແກຣມສຳລັບຜູ້ໃຊ້ງານ Windows, ຖ້າຫາກທ່ານໃຊ້ Mac ທ່ານສາມາດລອງໃຊ້ໂປຣແກຣມແອນຕີ້ໄວຣັສຈາກ Sophos ໄດ້.

 

ແລ້ວເຮົາຈະກວດສອບວ່າເຮົາໂພສລິ້ງໄວຣັສນັ້ນຕອນໃດໄດ້ແນວໃດ?

ທ່ານສາມາດເບິ່ງໄດ້ວ່າທ່ານໄດ້ເຄື່ອນໄຫວຫຍັງແນ່ໃນເຟສບຸກ ໄດ້ໄປ Like ຫຼື Share ລິ້ງໃດບໍ່ ແລະ ໄດ້ໂພສຫຍັງຕອນໃດ. ເມື່ອພົບແລ້ວ, ທ່ານສາມາດລົບໂພສດັ່າງກ່າວອອກໄດ້ເລີຍ

 

 

 

ຂຽນໂດຍ: ລັດສະໝີ ພອນວິໄລ

ແຫຼ່ງຂ່າວ: it24hrs.com, tech.mthai.com, zdnet.com

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...