spot_img
Homeຂ່າວຕ່າງປະເທດ“ ສະຕາບັກ ” ຈັບມື “ ອາລີບາບາ ” ບຸກຕະຫຼາດເດລີເວີຣີໃນຈີນ

“ ສະຕາບັກ ” ຈັບມື “ ອາລີບາບາ ” ບຸກຕະຫຼາດເດລີເວີຣີໃນຈີນ

Published on

ນັກຂ່າວຕ່າງປະເທດລາຍງານຈາກເມືອງ ຊຽງໄຮ້, ປະເທດຈີນ ເມື່ອວັນທີ 2 ສິງຫາ ວ່າ ທ່ານ ເຄວິນ ຈອນສັນ ປະທານຄະນະເຈົ້າໜ້າທີ່ບໍລິຫານ ( CEO ) ຂອງສະຕາບັກ ໄດ້ອອກມາກ່າວເມື່ອວັນພຸດທີ່ຜ່ານມານີ້ ເລື່ອງການບັນລຸຂໍ້ຕົກລົງກັບປະທານບໍລິສັດ ອາລີບາບາ ຜູ້ໃຫ້ບໍລິການດ້ານທຸລະກິດ ອີຄອມເມີສ ລາຍໃຫຍ່ຂອງຈີນ ເພື່ອເພີ່ມໂອກາດໃຫ້ກັບເຄືອຂ່າຍຮ້ານກາເຟລາຍໃຫຍ່ລະດັບໂລກຂອງສະຫະລັດ ໃນການເຂົ້າເຖິງຕະຫຼາດຜູ້ບໍລິໂພກແດນມັງກອນ ທີ່ກະແສການສົ່ງອາຫານແບບເຖິງໜ້າປະຕູບ້ານ ຫຼື ເດລີເວຣີກໍາລັງໄດ້ຮັບຄວາມນິຍົມເພີ່ມຂຶ້ນ.

ທັ້ງນີ້ ພາຍໃຕ້ຂໍ້ຕົກລົງລະຫວ່າງທັງ 2 ບໍລິສັດລະບຸວ່າ ເຄື່ອງດື່ມ ແລະ ອາຫານຂອງສະຕາບັກທີ່ວາງຈໍາໜ່າຍຕາມສາຂາໃນຈີນ ຈະມີບໍລິການສົ່ງແບບ ເດລີເວຣີໂດຍ ບໍລິສັດ “ ເອລ ດອດ ມີ ” ຫຼື “ ເອເລີ້ມີ” ( ele.me ) ທີ່ຢູ່ໃນເຄືອຂອງ ອາລີບາບາ ເຊິ່ງບໍລິການດັ່ງກ່າວຈະເລີ່ມຂຶ້ນໃນລະດູໃບໄມ້ຫຼົ່ນປີນີ້ ໂດຍມີ ປັກກິ່ງ ແລະ ຊຽງໄຮ້ເປັນພື້ນທີ່ນໍາທາງ.

ປັດຈຸບັນນີ້, ສະຕາບັກ ມີສາຂາຫຼາຍກວ່າ 3,400 ແຫ່ງ ໃນເກືອບ 140 ເມືອງທົ່ວຈີນ ອີກທັງຍັງເຄີຍປະກາດແຜນເປີດສາຂາໃໝ່ໃນຈີນ “ ທຸກ 15 ຊົ່ວໂມງ ” ອີກດ້ວຍ. ເຖິງຢ່າງໃດກໍຕາມ ທຸລະກິດຂອງສະຕາບັກໃນຈີີນ ພວມປະເຊີນກັບຄວາມທ້າທາຍຫຼາຍຂຶ້ນ ຈາກທຸລະກິດທ້ອງຖິ່ນຊຶ່ງກ້າວຂຶ້ນມາເປັນຄູ່ແຂ່ງທີ່ໜ້າຢ້ານກົວຄື “ ລັກກິງ ຄອບຟີ່ ” ( Luckin Coffee ) ທີ່ໃຫ້ບໍລິການສັ່ງ ແລະ ສົ່ງອາຫານຜ່ານແອບພຣິເຄຊັ່ນ ແລະ ມີນະໂຍບາຍສະໜັບສະໜູນການຂາຍວ່າ ລູກຄ້າຈະໄດ້ຮັບປະທານອາຫານທັງໝົດຟຣີ ຫາກພະນັກງານໄປສົ່ງສິນຄ້າຊ້າກວ່າ 30 ນາທີ.

 

 

ແັລ່ງຂ່າວຕ່າງປະເທດ: TDN

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...