Homeຂ່າວຕ່າງປະເທດອິດສະລາແອນ ລະເບີດເປົ້າຫມາຍ 25 ຈຸດ ໃນເຂດກາຊາ (ມີວິດີໂອ)

ອິດສະລາແອນ ລະເບີດເປົ້າຫມາຍ 25 ຈຸດ ໃນເຂດກາຊາ (ມີວິດີໂອ)

Published on

ສຳນັກຂ່າວຕ່າງປະເທດລາຍງານຈາກເມືອງເທລອາວີຟ, ປະເທດອິດສະລາແອນ ເມື່ອວັນທີ 20 ມິຖຸນາ ວ່າກອງກຳລັງປ້ອງກັນອິດສະລາແອນ (IDF) ອອກຖະແຫລງການວ່າເຮືອບິນຮົບຈຳນວນຫນື່ງປະຕິບັດການທາງອາກາດຕໍ່ເປົ້າຫມາຍ 25 ແຫ່ງໃນເຂດກາຊາ ໃນຕອນເຊົ້າຂອງວັນພຸດຕາມເວລາທ້ອງຖີ່ນອິດສະລາແອນ ເພື່ອຕອບໂຕ້ການທີ່ກຸ່ມຮາມາສລະດົມຍິງຈະຫຼວດ ແລະ ລູກປືນໃຫຍ່ລວມ 45 ລຸກ ຂ້າມຊາຍແດນມາຍັງອິດສະລາແອນ. ຢ່າງໃດກໍຕາມລະບົບປ້ອງກັນທາງອາກາດໄອເອີນໂດຣນ ສາມາດສະກັດຈະຫຼວດດັ່ງກ່າວໄວ້ໄດ້ 7 ລູກ.

ແມ່ນວ່າລາຍງານຂອງ IDF ບໍ່ໄດ້ລະບຸວ່າມີຜູ້ເສຍຊີວິດ ຫລື ໄດ້ຮັບບາດເຈັບຈາກເຫດການຄັ້ງນີ້ຫລືບໍ ແຕ່ກຸ່ມຮາມາສເປີດເຜີຍວ່າສະມາຊິກຂອງພວກເຂົາຢ່າງຫນ້ອຍ 2 ຄົນແມ່ນໄດ້ຮັບບາດເຈັບຈາກການຖີ້ມລະເບີດໂຈມຕີຂອງເຮືອບິນຮົບອິດສະລາແອນ ໃນເຂດທາງໃຕ້ຂອງກາຊາ. ໃນຊ່ວງເວລາ2-3ອາທິດທີ່ຜ່ານມາ ມີກຸ່ມຜູ້ປະທ້ວງປາເລສໄຕນ໌ ຈຳນວນຫນື່ງນໍາໃຊ້ວ່າວ ຫລື ປຸມເປົ້າທີ່ມີການມັດຕິດກັບລະເບີດໃຫ້ລອຍຂ້າມມາພົມແດນ ເພື່ອສ້າງຄວາມເສຍຫາຍໃຫ້ກັບພື້ນທີ່ກະສິກຳຂອງອິດສະລາແອນ.

ທັງນີ້ ອິດສະລາແອນ ແລະ ກຸ່ມຮາມາສສູ້ຮົບກັນມາແລ້ວຈົນນັບຄັ້ງບໍ່ໄດ້ ແຕ່ສະຖານະການແມ່ນຍີ່ງແກ່ຍາວບານປາຍກາຍເປັນສົງຄາມເຕັມຮູບແບບມາແລ້ວ 2 ຄັ້ັງ ໂດຍຄັ້ງທຳອິດແມ່ນຊ່ວງທ້າຍປີ 2008 ຮອດຕົ້ນປີ 2009 ສົ່ງຜົນເຮັດໃຫ້ຄົນປາເລສໄຕນ໌ເສຍຊີວິດຫລາຍກວ່າ 1,400 ຄົນ ສ່ວນທະຫານອິດສະລາແອນແມ່ນເສຍຊີວິດ 10 ຄົນ ແລະ ສົງຄາມໃຫຍ່ຄັ້ງທີ 2 ເກີດຂື້ນລະຫວ່າງເດືອນ ກໍລະກົດ ເຖີງ ເດືອນ ສິງຫາ 2014 ເປັນເຫດເຮັດໃຫ້ຜູ້ຄົນປາເລສໄຕນ໌ເສຍຊີວິດຫລາຍກວ່າ 2,300 ຄົນ ທາງຝ່າຍອິດສະລາແອນແມ່ນເສຍຊີວິດ 74 ຄົນ ໂດຍແບ່ງເປັນທະຫານຈຳນວນ 67 ຄົນ.

 

 

 

ແຫລ່ງຂ່າວຕ່າງປະເທດ: TDN

ວິດີໂອອ້າງອີງຈາກ: Amichai Stein

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...