ບໍລິສັດຜູ້ຜະລິດອາວຸດຂອງອິດສະລາແອນ ເຜີຍມິດໄຊສ໌ ແລມເພກສ໌, ຂີປະນາວຸດທາງຍຸດທະວິທີຄວາມໄວເຫນືອສຽງຮຸ່ນໃຫມ່ ສຳລັບຕິດຕັ້ງເທີງ ເອຟ-16 ເຜີຍພິກັດໄວ ແມ່ນຍຳ ໃຊ້ງານໄດ້ຫລາກຫລາຍ ແລະ ຍິງໄດ້ທຸກບ່ອນທຸກເວລາ
ເມື່ອວັັນທີ 15 ມິຖຸນາ 2018 ສຳນັກຂ່າວດ້ານການທະຫານຕ່າງປະເທດ Alert5 ລາຍງານວ່າ IMI System ຮ່ວມກັບ IAI ບໍລິສັດຜູ້ຜະລິດອາວຸດຂອງອິດສະລາແອນ ໄດ້ເປີດເຜີຍມິດໄຊສ໌ ພິກັດຄວາມໄວເຫນືອສຽງຮຸ່ນໃຫມ່ລ່າສຸດ ທີ່ເປັນຂີປະນາວຸດທາງຍຸດທະວິທີ ຊື່ວ່າ ແລມເພກສ໌ (Rampage) ອອກມາຕິດຕັ້ງກັບເຄື່ອງບິນ F-16 I SUFA ຂອງກອງທັບອາກາດອິດສະລາແອນ ໂດຍສາມາດຕິດຕັ້ງໄດ້ລຳລະ 4 ນັດ.
ເບື້ອງຕົ້ນການເຮັດວຽກຂອງຂີປະນາວຸດກຳນົົດເປົ້າຫມາຍດ້ວຍພິກັດດາວທຽມ ຫລື GPS ສາມາດຕໍ່ຕ້ານການລົບກວນລະບົບນຳຕິດຕາມຍິງໄດ້ທຸກການອາກາດ ລະບົບຄວບຄຸມການຍິງແບບໂມດຸນລາ ບໍ່ຊັບຊ້ອນ ຍິງໄດ້ຈາກເພດານບິນສູງ ແລະ ຕໍ່າ ໃຊ້ເວລາໃນການກະທົບເປົ້າຫມາຍບໍ່ຮອດ 5 ນາທີ, ມີຫົວຮົບໃຫ້ເລືອກທັງແບບຕາຍໂຕ ແລະ ແຕກເປັນສະເກັດກ່ອນຮອດເປົ້າຫມາຍ.
ແຫລ່ງຂ່າວຕ່າງປະເທດ : TNA